აცრის დამადასტურებელი ყალბი ბარათების დამზადება–გასაღების ფაქტზე შვიდი პირი დააკავეს

© photo: Sputnik / Stringerდაკავებული ხელბორკილებში
დაკავებული ხელბორკილებში - Sputnik საქართველო, 1920, 31.08.2021
გამოწერა
ბრალდებულებმა COVID-19-ის საწინააღმდეგო Pfizer-ის და Sinopharm-ის ვაქცინებით აცრის დამადასტურებელი ყალბი საბუთები დაამზადეს და გარკვეული თანხის სანაცვლოდ გაასაღეს.
თბილისი, 31 აგვისტო – Sputnik. სამართალდამცველებმა თბილისში ყალბი დოკუმენტის დამზადება–გასაღების ფაქტზე შვიდი პირი დააკავეს, ნათქვამია საქართველოს სახელმწიფო უსაფრთხოების სამსახურის მიერ გავრცელებულ განცხადებაში.
როგორც გამოძიებით დადგინდა, აღნიშნული პირებიდან ოთხმა ბრალდებულმა 350 ევროს სანაცვლოდ, შემდგომი გამოყენებისთვის საქართველოს მოქალაქეს დაუმზადა და გადასცა COVID-19-ის საწინააღდეგო Pfizer-ის ვაქცინით აცრის დამადასტურებელი ყალბი საბუთი.
კორონავირუსის ტესტები - Sputnik საქართველო, 1920, 13.08.2021
კორონავირუსის ტესტის ყალბი პასუხები: იმერეთში ორი პირი ამხილეს, ერთი დააკავეს
გარდა არისა, სამმა პირმა 400 ლარის სანაცვლოდ საქართველოს მოქალაქეს დაუმზადა და გადასცა COVID-19-ის საწინააღდეგო Sinopharm-ის ვაქცინით აცრის დამადასტურებელი ყალბი საბუთი, რა დროსაც მოხდა მათი დაკავება.
გამოძიება საქართველოს სისხლის სამართლის კოდექსის 362-ე მუხლის (ყალბი დოკუმენტის, ბეჭდის, შტამპის ან ბლანკის დამზადება, გასაღება ან გამოყენება) პირველი ნაწილით მიმდინარეობს, რაც ისჯება ჯარიმით ან თავისუფლების აღკვეთით სამ წლამდე ვადით.
ყველა ახალი ამბავი
0