https://sputnik-georgia.com/20210828/saqartvelosi-maswavlebelta-46-procenti-aicra-258874880.html
საქართველოში მასწავლებელთა 46% აიცრა
საქართველოში მასწავლებელთა 46% აიცრა
Sputnik საქართველო
თბილისსა და რეგიონებში განათლების სფეროს წარმომადგენელთა ვაქცინაცია უწყვეტ რეჟიმში მიმდინარეობს. სპეციალისტების განცხადებით, მხოლოდ იმუნიზაციით არის... 28.08.2021-ს, Sputnik საქართველო
2021-08-28T15:08+0400
2021-08-28T15:08+0400
2023-08-17T18:13+0400
covid-19 - ბოლო ცნობები
საზოგადოება
ახალი ამბები
საქართველო
covid-19
https://cdnn1.img.sputnik-georgia.com/img/07e5/08/19/258601174_0:204:1589:1098_1920x0_80_0_0_a8267b1d25a727033dc22e59b0462fe8.jpg
თბილისი, 28 აგვისტო – Sputnik. ბოლო ერთი თვის განმავლობაში აცრილი მასწავლებლების რაოდენობა 9%-დან 46%-მდე გაიზარდა. ინფორმაციას განათლების სამინისტრო ავრცელებს. საქართველოს განათლებისა და მეცნიერების მინისტრი მიხეილ ჩხენკელი გაეროს ბავშვთა ფონდის (UNICEF) წარმომადგენელთან საქართველოში ღასან ხალილთან ერთად თბილისის სახელმწიფო სამედიცინო უნივერსიტეტში პედაგოგთა იმუნიზაციის პროცესს დაესწრო. მინისტრმა, მადლობა გადაუხადა როგორც მასწავლებლებს, ასევე სამედიცინო სფეროს წარმომადგენლებს, რომელთა ხელშეწყობით იმუნიზაციის ცენტრებში, განათლების სისტემის წარმომადგენლებისათვის დამატებით ამცრელი კაბინეტებია გამოყოფილი. აღნიშნულ ცენტრებში ვაქცინაცია წინასწარი რეგისტრაციის გარეშე, მარტივად არის შესაძლებელი. როგორც მიხეილ ჩხენკელმა პედაგოგებთან საუბარში აღნიშნა, ვირუსთან გამკლავების მთავარი გზა ვაქცინაციაა, უსაფრთხო საგანმანათლებლო გარემო კი მხოლოდ იმუნიზაციით არის შესაძლებელი. „მინდა ვისარგებლო შემთხვევით და კიდევ ერთხელ ყველას მოვუწოდო აცრისკენ. გავუფრთხილდეთ ჩვენი ბავშვების, ჩვენი შვილების ჯანმრთელობას“, - განაცხადა მიხეილ ჩხენკელმა. საქართველოში მასობრივი ვაქცინაცია 5 ივლისს დაიწყო, მას შემდეგ, რაც ქვეყანამ ჩინური წარმოების Sinopharm-ის და Sinovac-ის ვაქცინების მილიონი დოზა მიიღო. დაავადებათა კონტროლის ცენტრის 28 აგვისტოს მონაცემებით, ჯამურად ჩატარებულია 1.122.209 აცრა, აქედან სრულად (ორჯერადად) ვაქცინირებულია 361.310 ადამიანი - მოზრდილი მოსახლეობის 12,7%. ეპიდემიოლოგების განცხადებით, პანდემიის დასაძლევად მოზრდილი მოსახლეობის 60-70%-ის ვაქცინაციაა საჭირო. ქვეყანა კორონავირუსის მეოთხე ტალღას ებრძვის. ინფიცირების შემთხვევების ყოველდღიური მაჩვენებელი ძალზე მაღალია. ყველაზე მძიმე საქართველოში კორონავირუსის მეორე ტალღა იყო 2020 წლის შემოდგომაზე. მაშინ ინფიცირების ყოველდღიური მაჩვენებელი 4–5 ათასი იყო. ამჟამად ინფიცირების ყოველდღიურმა მაჩვენებელმა უკვე გადააჭარბა მეორე ტალღის დროს არსებულ საშუალო მონაცემებს.
https://sputnik-georgia.com/20210828/saxalxo-damcvelis-aparatis-tanamsromlebistvis-vaqcinacia-savaldebulo-gaxda-258837247.html
https://sputnik-georgia.com/20210828/kovid-statistika-saqartvelos-regionebis-mixedvit-258836528.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საზოგადოება, ახალი ამბები, საქართველო, covid-19
საზოგადოება, ახალი ამბები, საქართველო, covid-19
საქართველოში მასწავლებელთა 46% აიცრა
15:08 28.08.2021 (განახლებულია: 18:13 17.08.2023) თბილისსა და რეგიონებში განათლების სფეროს წარმომადგენელთა ვაქცინაცია უწყვეტ რეჟიმში მიმდინარეობს. სპეციალისტების განცხადებით, მხოლოდ იმუნიზაციით არის შესაძლებელი სკოლებში უსაფრთხო გარემოს შექმნა.
თბილისი, 28 აგვისტო – Sputnik. ბოლო ერთი თვის განმავლობაში აცრილი მასწავლებლების რაოდენობა 9%-დან 46%-მდე გაიზარდა. ინფორმაციას განათლების სამინისტრო
ავრცელებს.
საქართველოს განათლებისა და მეცნიერების მინისტრი მიხეილ ჩხენკელი გაეროს ბავშვთა ფონდის (UNICEF) წარმომადგენელთან საქართველოში ღასან ხალილთან ერთად თბილისის სახელმწიფო სამედიცინო უნივერსიტეტში პედაგოგთა იმუნიზაციის პროცესს დაესწრო.
მინისტრმა, მადლობა გადაუხადა როგორც მასწავლებლებს, ასევე სამედიცინო სფეროს წარმომადგენლებს, რომელთა ხელშეწყობით იმუნიზაციის ცენტრებში, განათლების სისტემის წარმომადგენლებისათვის დამატებით ამცრელი კაბინეტებია გამოყოფილი. აღნიშნულ ცენტრებში ვაქცინაცია წინასწარი რეგისტრაციის გარეშე, მარტივად არის შესაძლებელი.
როგორც მიხეილ ჩხენკელმა პედაგოგებთან საუბარში აღნიშნა, ვირუსთან გამკლავების მთავარი გზა ვაქცინაციაა, უსაფრთხო საგანმანათლებლო გარემო კი მხოლოდ იმუნიზაციით არის შესაძლებელი.
„მინდა ვისარგებლო შემთხვევით და კიდევ ერთხელ ყველას მოვუწოდო აცრისკენ. გავუფრთხილდეთ ჩვენი ბავშვების, ჩვენი შვილების ჯანმრთელობას“, - განაცხადა მიხეილ ჩხენკელმა.
საქართველოში მასობრივი ვაქცინაცია 5 ივლისს დაიწყო, მას შემდეგ, რაც ქვეყანამ ჩინური წარმოების Sinopharm-ის და Sinovac-ის ვაქცინების მილიონი დოზა მიიღო. დაავადებათა კონტროლის ცენტრის 28 აგვისტოს მონაცემებით, ჯამურად ჩატარებულია 1.122.209 აცრა, აქედან სრულად (ორჯერადად) ვაქცინირებულია 361.310 ადამიანი - მოზრდილი მოსახლეობის 12,7%. ეპიდემიოლოგების განცხადებით, პანდემიის დასაძლევად მოზრდილი მოსახლეობის 60-70%-ის ვაქცინაციაა საჭირო.
ქვეყანა კორონავირუსის მეოთხე ტალღას ებრძვის. ინფიცირების შემთხვევების ყოველდღიური მაჩვენებელი ძალზე მაღალია. ყველაზე მძიმე საქართველოში კორონავირუსის მეორე ტალღა იყო 2020 წლის შემოდგომაზე. მაშინ ინფიცირების ყოველდღიური მაჩვენებელი 4–5 ათასი იყო. ამჟამად ინფიცირების ყოველდღიურმა მაჩვენებელმა უკვე გადააჭარბა მეორე ტალღის დროს არსებულ საშუალო მონაცემებს.
