https://sputnik-georgia.com/20210824/susi-pankissi-dakavebulebi-islamuri-saxelmwifos-rigebsi-gawevriandnen-258415813.html
სუსი: პანკისში დაკავებულები „ისლამური სახელმწიფოს" რიგებში გაწევრიანდნენ
სუსი: პანკისში დაკავებულები „ისლამური სახელმწიფოს" რიგებში გაწევრიანდნენ
Sputnik საქართველო
უწყების ინფორმაციით, ჯგუფის წევრები ღიად გამოხატავდნენ ტერორისტული ორგანიზაციისადმი მხარდაჭერას და ქუჩებში გადაადგილებისას ტერორისტული სიმბოლიკის... 24.08.2021-ს, Sputnik საქართველო
2021-08-24T16:11+0400
2021-08-24T16:11+0400
2021-10-19T18:04+0400
კრიმინალი საქართველოში
საქართველო
https://cdnn1.img.sputnik-georgia.com/img/23370/99/233709908_0:0:1498:844_1920x0_80_0_0_6ef5d6b72434417bc1793b36d15cbb02.jpg
თბილისი, 24 აგვისტო – Sputnik. პანკისის ხეობაში სპეცოპერაციისას დაკავებული საქართველოს ხუთი მოქალაქე ტერორისტული ორგანიზაცია „ისლამური სახელმწიფოს“ რიგებში გაწევრიანდა და სირიაში, ტერორისტების ბანაკში გამგზავრებას გეგმავდა, ნათქვამია სახელმწიფო უსაფრთხოების სამსახურის (სუს-ის) მიერ გავრცელებულ განცხადებაში.სახელმწიფო უსაფრთხოების სამსახურის თანამშრომლებმა პანკისის ხეობის ორ სოფელში ქორეთსა და დუისში სპეცოპერაცია გვიან ღამით ჩაატარეს. სპეცოპერაციის შედეგად ტერორიზმის ბრალდებით დაკავებულია რამდენიმე პირი.უწყების ინფორმაციით, დაკავებულებმა, ერთგულების დასტურად, ტერორისტული ორგანიზაცია „ისლამური სახელმწიფოს" ამჟამინდელი ლიდერის წინაშე დადეს ერთგულების ფიცი (ე.წ. ბაიათი) და ფიცის ამსახველი ვიდეორგოლი გაავრცელეს ტერორისტებთან დაკავშირებულ პირებთან.„ჯგუფის წევრები ღიად გამოხატავდნენ ტერორისტული ორგანიზაციისადმი მხარდაჭერას და ქუჩებში გადაადგილებისას სისტემატურად ახდენდნენ ტერორისტული სიმბოლიკის დემონსტრირებას“, – აღნიშნულია განცხადებაში.უწყების ინფორმაციით, გამოძიების ფარგლებში გამოიკვეთა ტერორისტული ორგანიზაციის მხარდამჭერი ჯგუფის ლიდერი, რომელიც ღიად აცხადებდა, რომ იყო ტერორისტული ორგანიზაცია „ისლამური სახელმწიფოს“ წარმომადგენელი და საქართველოს ემირი.საქმეზე გამოძიება სისხლის სამართლის კოდექსის 327-ე მუხლით (ტერორისტული ორგანიზაციის წევრობა, ტერორისტული ორგანიზაციის საქმიანობაში მონაწილეობა, ტერორისტული ორგანიზაციის შექმნა ან ხელმძღვანელობა) მიმდინარეობს. დანაშაული 10-დან 12 წლამდე პატიმრობას ითვალისწინებს.გამოძიებას სახელმწიფო უსაფრთხოების სამსახურის კონტრტერორისტული ცენტრი აწარმოებს.დაკავებულთა ოჯახების წევრები მათ კავშირს ტერორიზმთან გამორიცხავენ და სახელმწიფო უსაფრთხოების სამსახურის მიერ წაყენებულ ბრალდებას არ ეთანხმებიან.
https://sputnik-georgia.com/20210824/specoperacia-pankisSi-252657842.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
კრიმინალი საქართველოში, საქართველო
კრიმინალი საქართველოში, საქართველო
სუსი: პანკისში დაკავებულები „ისლამური სახელმწიფოს" რიგებში გაწევრიანდნენ
16:11 24.08.2021 (განახლებულია: 18:04 19.10.2021) უწყების ინფორმაციით, ჯგუფის წევრები ღიად გამოხატავდნენ ტერორისტული ორგანიზაციისადმი მხარდაჭერას და ქუჩებში გადაადგილებისას ტერორისტული სიმბოლიკის დემონსტრირებას ახდენდნენ.
თბილისი, 24 აგვისტო – Sputnik. პანკისის ხეობაში სპეცოპერაციისას დაკავებული საქართველოს ხუთი მოქალაქე ტერორისტული ორგანიზაცია „ისლამური სახელმწიფოს“ რიგებში გაწევრიანდა და სირიაში, ტერორისტების ბანაკში გამგზავრებას გეგმავდა, ნათქვამია სახელმწიფო უსაფრთხოების სამსახურის (სუს-ის) მიერ გავრცელებულ განცხადებაში.
სახელმწიფო უსაფრთხოების სამსახურის თანამშრომლებმა პანკისის ხეობის ორ სოფელში ქორეთსა და დუისში სპეცოპერაცია გვიან ღამით ჩაატარეს. სპეცოპერაციის შედეგად ტერორიზმის ბრალდებით დაკავებულია რამდენიმე პირი.
უწყების ინფორმაციით, დაკავებულებმა, ერთგულების დასტურად, ტერორისტული ორგანიზაცია „ისლამური სახელმწიფოს" ამჟამინდელი ლიდერის წინაშე დადეს ერთგულების ფიცი (ე.წ. ბაიათი) და ფიცის ამსახველი ვიდეორგოლი გაავრცელეს ტერორისტებთან დაკავშირებულ პირებთან.
„ჯგუფის წევრები ღიად გამოხატავდნენ ტერორისტული ორგანიზაციისადმი მხარდაჭერას და ქუჩებში გადაადგილებისას სისტემატურად ახდენდნენ ტერორისტული სიმბოლიკის დემონსტრირებას“, – აღნიშნულია
განცხადებაში.
უწყების ინფორმაციით, გამოძიების ფარგლებში გამოიკვეთა ტერორისტული ორგანიზაციის მხარდამჭერი ჯგუფის ლიდერი, რომელიც ღიად აცხადებდა, რომ იყო ტერორისტული ორგანიზაცია „ისლამური სახელმწიფოს“ წარმომადგენელი და საქართველოს ემირი.
„ზემოხსენებული პირები სწორედ მისი დახმარებით გაწევრიანდნენ ტერორისტული ორგანიზაციის რიგებში და გეგმავდნენ სირიაში გამგზავრებას. ისინი პერიოდულად აწყობდნენ კონსპირაციულ შეხვედრებს და განიხილავდნენ სირია-ერაყის ტერიტორიაზე მიმდინარე პროცესებს და საქართველოსთან მიმართებით არსებულ სამომავლო გეგმებს", – ნათქვამია სუს-ის განცხადებაში. საქმეზე გამოძიება სისხლის სამართლის კოდექსის 327-ე მუხლით (ტერორისტული ორგანიზაციის წევრობა, ტერორისტული ორგანიზაციის საქმიანობაში მონაწილეობა, ტერორისტული ორგანიზაციის შექმნა ან ხელმძღვანელობა) მიმდინარეობს. დანაშაული 10-დან 12 წლამდე პატიმრობას ითვალისწინებს.
გამოძიებას სახელმწიფო უსაფრთხოების სამსახურის კონტრტერორისტული ცენტრი აწარმოებს.
დაკავებულთა ოჯახების წევრები მათ კავშირს ტერორიზმთან გამორიცხავენ და სახელმწიფო უსაფრთხოების სამსახურის მიერ წაყენებულ ბრალდებას არ ეთანხმებიან.
