https://sputnik-georgia.com/20210823/saqarTvelos-bankebi-COVID-19-isgan-Tanamsromlebis-dasacavad-damatebiT-zomebs-aweseben-252655636.html
საქართველოს ბანკები COVID-19-ისგან თანამშრომლების დასაცავად დამატებით ზომებს აწესებენ
საქართველოს ბანკები COVID-19-ისგან თანამშრომლების დასაცავად დამატებით ზომებს აწესებენ
Sputnik საქართველო
საქართველოს საბანკო სექტორში დასაქმებულთა 50% უკვე აცრილია ან დარეგისტრირებულია ასაცრელად; ვაქცინაციის წასახალისებლად ბანკები სხვადასხვა ღონისძიებას ატარებენ 23.08.2021-ს, Sputnik საქართველო
2021-08-23T22:45+0400
2021-08-23T22:45+0400
2021-10-19T18:04+0400
ახალი ამბები
საზოგადოება
საქართველო
https://cdnn1.img.sputnik-georgia.com/img/07e5/01/17/250688092_0:160:3073:1888_1920x0_80_0_0_75c62856221cdbc2927e37f5c9509111.jpg
თბილისი, 23 აგვისტო - Sputnik. საქართველოს ბანკების ასოციაცია, როგორც ერთ-ერთი ყველაზე მსხვილი დამსაქმებელი, თავის თავზე იღებს უსაფრთხო გარემოს შექმნის პასუხისმგებლობას და ექსპერტებთან ერთად იხილავს უსაფრთხოების დამატებით ზომებს კორონავირუსის გავრცელების შესაფერხებლად.როგორც ორგანიზაციის განცხადებაშია აღნიშნული, საუბარია საერთაშორისო პრაქტიკის გამოყენებაზე, რომელიც ითვალისწინებს ვაქცინაციის დამადასტურებელი საბუთის წარდგენას ან რეგულარულ ტესტირებას.„ქვეყანაში შექმნილი მძიმე კოვიდ-სიტუაციიდან გამომდინარე, ქვეყნის ერთ-ერთი უმსხვილესი ფინანსური სექტორი, რომელიც ყოველდღიურად ოპერირებს წინა ხაზზე და შეუფერხებლად აწვდის მომსახურებას თავის მომხმარებლებს, განსაკუთრებულ ყურადღებას აქცევს ვაქცინაციის პროცესის წახალისებას და მაქსიმუმს გააკეთებს თანამშრომელთა უსაფრთხოების დასაცავად“, - ნათქვამია განცხადებაში.ამჟამინდელი მონაცემებით, საქართველოს საბანკო სექტორში დასაქმებულთა 50%-ზე მეტი უკვე აცრილია ან დარეგისტრირებულია ვაქცინაციაზე.ბანკებში ჩატარდა საინფორმაციო და წამახალისებელი ღონისძიებები ვაქცინაციის მხარდასაჭერად.გარდა ამისა, თანამშრომლებისა და კლიენტების უსაფრთხოების უზრუნველსაყოფად ბანკების ფილიალებში მკაცრადაა დაცული მოთხოვნები, ასევე მაქსიმალურადაა წახალისებული დისტანციური სერვისები.საქართველო კორონავირუსის მეოთხე ტალღას ებრძვის, რომელიც, ეპიდემიოლოგების აზრით, ყველაზე მძიმეა. გაზაფხულზე ქვეყანამ მესამე ტალღა გადაიტანა, თუმცა ყველაზე მძიმე ვითარება 2020 წლის შემოდგომაზე იყო, როდესაც დღეში 4-5 ათასი ახალი შემთხვევა ვლინდებოდა. ამჟამად ინფიცირების ყოველდღიურმა მაჩვენებელმა გადააჭარბა მეორე ტალღის დროინდელ ციფრებს. გადატვირთულია საავადმყოფოები, დედაქალაქში გაიხსნა საველე ჰოსპიტლები. ეპიდემიოლოგები მოსახლეობას მოუწოდებენ ვაქცინაციისკენ, სკეპტიკოსებს კი - რეალობის გააზრებისა და აცრისაკენ.ბოლო მონაცემებით, საქართველოში 979.813 აცრა ჩატარდა, აქედან სრულად (ორჯერადად) აცრილია 294.365 ადამიანი.ქვეყანაში ბოლო დღე-ღამეში ინფექციის 2.354 ახალი შემთხვევა გამოვლინდა. პანდემიის დასაწყისიდან ქვეყანაში დაფიქსირდა 517 ათასზე მეტი შემთხვევა, 453 ათასზე მეტი მოქალაქე გამოჯანმრთელდა, გარდაიცვალა 6.831 ადამიანი.
https://sputnik-georgia.com/20210823/kovid-statistika-regionebis-mixedviT-252649825.html
https://sputnik-georgia.com/20210823/rogor-aviciloT-Tavidan-axali-SezRudvebi-gamyreliZe-252647404.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საზოგადოება, საქართველო
ახალი ამბები, საზოგადოება, საქართველო
საქართველოს ბანკები COVID-19-ისგან თანამშრომლების დასაცავად დამატებით ზომებს აწესებენ
22:45 23.08.2021 (განახლებულია: 18:04 19.10.2021) საქართველოს საბანკო სექტორში დასაქმებულთა 50% უკვე აცრილია ან დარეგისტრირებულია ასაცრელად; ვაქცინაციის წასახალისებლად ბანკები სხვადასხვა ღონისძიებას ატარებენ
თბილისი, 23 აგვისტო - Sputnik. საქართველოს ბანკების ასოციაცია, როგორც ერთ-ერთი ყველაზე მსხვილი დამსაქმებელი, თავის თავზე იღებს უსაფრთხო გარემოს შექმნის პასუხისმგებლობას და ექსპერტებთან ერთად იხილავს უსაფრთხოების დამატებით ზომებს კორონავირუსის გავრცელების შესაფერხებლად.
როგორც ორგანიზაციის
განცხადებაშია აღნიშნული, საუბარია საერთაშორისო პრაქტიკის გამოყენებაზე, რომელიც ითვალისწინებს ვაქცინაციის დამადასტურებელი საბუთის წარდგენას ან რეგულარულ ტესტირებას.
„ქვეყანაში შექმნილი მძიმე კოვიდ-სიტუაციიდან გამომდინარე, ქვეყნის ერთ-ერთი უმსხვილესი ფინანსური სექტორი, რომელიც ყოველდღიურად ოპერირებს წინა ხაზზე და შეუფერხებლად აწვდის მომსახურებას თავის მომხმარებლებს, განსაკუთრებულ ყურადღებას აქცევს ვაქცინაციის პროცესის წახალისებას და მაქსიმუმს გააკეთებს თანამშრომელთა უსაფრთხოების დასაცავად“, - ნათქვამია განცხადებაში.
ამჟამინდელი მონაცემებით, საქართველოს საბანკო სექტორში დასაქმებულთა 50%-ზე მეტი უკვე აცრილია ან დარეგისტრირებულია ვაქცინაციაზე.
ბანკებში ჩატარდა საინფორმაციო და წამახალისებელი ღონისძიებები ვაქცინაციის მხარდასაჭერად.
გარდა ამისა, თანამშრომლებისა და კლიენტების უსაფრთხოების უზრუნველსაყოფად ბანკების ფილიალებში მკაცრადაა დაცული მოთხოვნები, ასევე მაქსიმალურადაა წახალისებული დისტანციური სერვისები.
საქართველო კორონავირუსის მეოთხე ტალღას ებრძვის, რომელიც, ეპიდემიოლოგების აზრით, ყველაზე მძიმეა. გაზაფხულზე ქვეყანამ მესამე ტალღა გადაიტანა, თუმცა ყველაზე მძიმე ვითარება 2020 წლის შემოდგომაზე იყო, როდესაც დღეში 4-5 ათასი ახალი შემთხვევა ვლინდებოდა. ამჟამად ინფიცირების ყოველდღიურმა მაჩვენებელმა გადააჭარბა მეორე ტალღის დროინდელ ციფრებს. გადატვირთულია საავადმყოფოები, დედაქალაქში გაიხსნა საველე ჰოსპიტლები. ეპიდემიოლოგები მოსახლეობას მოუწოდებენ ვაქცინაციისკენ, სკეპტიკოსებს კი - რეალობის გააზრებისა და აცრისაკენ.
ბოლო მონაცემებით, საქართველოში 979.813 აცრა ჩატარდა, აქედან სრულად (ორჯერადად) აცრილია 294.365 ადამიანი.
ქვეყანაში ბოლო დღე-ღამეში ინფექციის 2.354 ახალი შემთხვევა გამოვლინდა. პანდემიის დასაწყისიდან ქვეყანაში დაფიქსირდა 517 ათასზე მეტი შემთხვევა, 453 ათასზე მეტი მოქალაქე გამოჯანმრთელდა, გარდაიცვალა 6.831 ადამიანი.
