ქვეყნდება ცენტრების ჩამონათვალი, სადაც ვაქცინაცია რეგისტრაციის გარეშეა შესაძლებელი

© photo: Sputnikვაქცინაციის ცენტრი
ვაქცინაციის ცენტრი - Sputnik საქართველო, 1920, 20.08.2021
გამოწერა
საქართველოს მასშტაბით რვა მასობრივი ვაქცინაციის ცენტრი მუშაობს, სადაც კორონავირუსზე აცრისთვის წინასწარი რეგისტრაცია საჭირო არ არის.
თბილისი, 20 აგვისტო — Sputnik. ჯანდაცვის სამინისტრომ იმ სამედიცინო დაწესებულებების ჩამონათვალი გამოაქვეყნა, სადაც ვაქცინაცია წინასწარი რეგისტრაციის გარეშეა შესაძლებელი.
სამინისტროს ინფორმაციით, საქართველოში მასობრივი ვაქცინაციის რვა ცენტრი ფუნქციონირებს, რომლებშიც კორონავირუსის საწინააღმდეგო აცრისთვის წინასწარი რეგისტრაციის გავლა საჭირო არ არის.
ესენია:
  • თბილისის სახელმწიფო სამედიცინო უნივერსტიტეტის პირველი კორპუსი;
  • ტექნიკური უნივერსიტეტის მეექვსე კორპუსი;
  • საქართველოს ეროვნული უნივერსიტეტი (სეუ);
  • „ექსპრეს მედიქალ სერვისი“ თბილისის ზღვის პლაზა ჰუალინგი;
  • სავაჭრო ცენტრი „ლილო მოლი“;
  • მცხეთის სამედიცინო ცენტრი;
  • ბათუმის შოთა რუსთაველის სახელმწიფო უნივერსიტეტი;
  • ზუგდიდის მუნიციპალიტეტის საზოგადოებრივი ჯანდაცვის ცენტრი.
აღნიშნულ ლოკაციებამდე მუნიციპალური ტრანსპორტის მუშაობის შეზღუდვის პირობებში სპეციალურ ავტობუსებს მოქალაქეები შვიდი მარშრუტით გადაჰყავთ.
საკლასო ოთახი - Sputnik საქართველო, 1920, 20.08.2021
რომელ სკოლებში განახლდება სწავლა სექტემბრიდან: ამირან გამყრელიძის განმარტება
საქართველოში მასობრივი ვაქცინაცია 5 ივლისს დაიწყო. დაავადებათა კონტროლის ცენტრის ინფორმაციით, ბოლო მონაცემებით, საქართველოში სულ 907.665 აცრა ჩატარდა, აქედან ორჯერადად აცრილია 266.962 ადამიანი. 19 აგვისტოს აიცრა 23.986 პირი (თბილისში - 9.913).
ქვეყანა კორონავირუსის მეოთხე ტალღას ებრძვის. ინფიცირების შემთხვევების ყოველდღიური მაჩვენებელი ძალზე მაღალია. ყველაზე მძიმე საქართველოში კორონავირუსის მეორე ტალღა იყო 2020 წლის შემოდგომაზე. მაშინ ინფიცირების ყოველდღიური მაჩვენებელი 4–5 ათასი იყო. ამჟამად ინფიცირების ყოველდღიურმა მაჩვენებელმა უკვე გადააჭარბა მეორე ტალღის დროს არსებულ საშუალო მონაცემებს.
ყველა ახალი ამბავი
0