ხატმწერი გოგოს ექსპერიმენტები და უჩვეულო ორნამენტებით მოხატული დეკორატიული ნივთები

© photo: courtesy of Tamta Toidzeთამთა თოიძე
თამთა თოიძე - Sputnik საქართველო, 1920, 19.08.2021
დღეს ფერიცვალებაა, ყველა ქრისტიანისთვის ამ დიდ დღეს გვინდა გაგაცნოთ ახალგაზრდა, ნიჭიერი ხატმწერი და ხელოვანი თამთა თოიძე.
გარდა ხატებისა, თამთა საოცარ ფერწერულ ტილოებსაც ქმნის და სახლის ინტერიერისთვის ნატიფი გემოვნებით დამზადებულ ნივთებზეც მუშაობს.
© photo: courtesy of Tamta Toidzeხატის წერის დროს
ხატის წერის დროს - Sputnik საქართველო, 1920, 24.08.2021
ხატის წერის დროს
- თამთა, ისეთი გვარი გაქვთ, ალბათ უხერხულია გკითხოთ, ხელოვნებასთან რატომ გაქვთ შეხება–მეთქი...
- ალბათ... თოიძეებს სისხლში გვაქვს ხელოვნების სიყვარული, ჩემს ოჯახში ყველას ჰქონდა ამ მხრივ რაღაც ნიჭი, მაგრამ გარკვეული მიზეზების გამო მას დიდ ყურადღებას არ უთმობდნენ და არ ავითარებდნენ. მე და ჩემმა და-ძმამ გარკვეული დროის შემდეგ გამოვავლინეთ ხელოვნებისადმი მიდრეკილება. სულ ვცდილობთ, რომ გამოსახვის ფორმების ძიების გზაზე საინტერესო და მრავალფეროვანი ექსპერიმენტები ჩავატაროთ. ვფიქრობ, ლომის წილი დედას მიუძღვის, რადგან მან ხატვა და ძერწვა ბავშვობიდანვე შეგვაყვარა.
© photo: courtesy of Tamta Toidzeთამთა თოიძის ნამუშევარი
თამთა თოიძის ნამუშევარი - Sputnik საქართველო, 1920, 24.08.2021
თამთა თოიძის ნამუშევარი
- ბუნებრივია, ხელოვნების სიყვარული სწავლის დროს უფრო ღვივდება, სად ისწავლეთ?
- თბილისის სასულიერო აკადემიასა და სემინარიასთან არსებულ საღვთისმეტყველო ინსტიტუტში მონუმენტური ხატწერის რესტავრაციის ფაკულტეტზე ვსწავლობდი. არაჩვეულებრივი პედაგოგების მხარდაჭერით და თანადგომით ხელოვნებაში ცოდნა გავიღრმავე. სწავლის დროს კულტურულ და ისტორიულ ძეგლებზე ვმუშაობდი. ეს დიდი პატივი და ამავდროულად ძალიან საპასუხისმგებლო წლები იყო ჩემს ცხოვრებაში.
© photo: courtesy of Tamta Toidzeთამთა თოიძის ნამუშევარი
თამთა თოიძის ნამუშევარი - Sputnik საქართველო, 1920, 24.08.2021
თამთა თოიძის ნამუშევარი
- რა შეცვალა იმ წლებმა თქვენში?
- მეამაყება, როდესაც ვიაზრებ, თუ რა დიდი პატივი მერგო ისტორიულ ძეგლებზე მუშაობის პერიოდში. მივხდი, რომ ამის მერე რადიკალურად შემეცვალა ყველაფრის მიმართ შეხედულება. დღეს სამყაროს უფრო განსხვავებულად აღვიქვამ.
© photo: courtesy of Tamta Toidzeხატის წერის დროს
ხატის წერის დროს - Sputnik საქართველო, 1920, 24.08.2021
ხატის წერის დროს
- ფერწერული ნამუშევრებიც გაქვთ...
- ხატწერაზე სწავლის პარალელურად ფერწერით ყოველთვის ვიყავი დაკავებული. თავს თავისუფლად და მშვიდად ვგრძნობ ხოლმე, როდესაც რაიმე ახალს ვქმნი და ჩემს შემოქმედებით ფანტაზიას ფრთებს ვასხამ. ფერწერული ტილოების ხატვის დროს მეტწილად ტემპერის საღებავებს ვიყენებ.
© photo: courtesy of Tamta Toidzeმეუღლესთან ერთად
მეუღლესთან ერთად - Sputnik საქართველო, 1920, 24.08.2021
მეუღლესთან ერთად
- დეკორატიული ნივთების დამზადება როდის დაიწყეთ?
- დაოჯახების შემდეგ ექსპედიციებში რესტავრატორად ვეღარ ვახერხებდი მუშაობას, ამიტომ იმის ძიება დავიწყე, თუ რისი შექმნა შემეძლო თვეობით სახლში ყოფნის დროს. შემდეგ ისე განვითარდა მოვლენები, რომ ინტერიერისთვის დაგვჭირდა ნივთების შეძენა. მივხდი, რომ შემეძლო ისეთი რამ შემექმნა, რაც ჩემთვისაც საჭირო და სასარგებლო იქნებოდა და თან კომერციული თვალსაზრისითაც საინტერესო აღმოჩნდებოდა. საქართველოში მსგავსი ორნამენტებით მოხატული დეკორატიული ნივთები იშვიათია.
© photo: courtesy of Tamta Toidzeთამთა თოიძის შემოქმედება
თამთა თოიძის შემოქმედება - Sputnik საქართველო, 1920, 24.08.2021
თამთა თოიძის შემოქმედება
- თავიდან თქვენი ყურადღება სარკეზე შეჩერდა...
- დიახ, ჩემი პირველი მცდელობა სარკის დიზაინის შექმნა იყო, რაც წარმატებულად განვახორციელე. ნამუშევრებს დიდი გამოხმაურებაც მოჰყვა და ხალხისგან შეკვეთების სურვილი წამოვიდა. ჩემი ნამუშევრები ხშირად მინანქარში შესრულებული ჰგონიათ, მაგრამ ასეთი ეფექტი სხვადასხვა პიგმენტების და საღებავების შერევის შედეგად მიიღება.
© photo: courtesy of Tamta Toidzeთამთა თოიძის ნამუშევარი
თამთა თოიძის ნამუშევარი - Sputnik საქართველო, 1920, 24.08.2021
თამთა თოიძის ნამუშევარი
- სარკის გარდა რა ნივთებს აფორმებთ?
- სარკის მერე ჟურნალის მაგიდაზე ვიმუშავე და ესეც წარმატებული აღმოჩნდა. ნელ-ნელა ვქმნიდი და ვაფორმებდი ინტერიერისთვის საჭირო ავეჯსა თუ სხვადასხვა ნივთებს. ვცდილობ, რასაც ვქმნი, ეკოლოგიურად სუფთა და გამძლე იყოს. უფრო გვიან ჩანთებისა და საფულეების მოხატვის შეკვეთებიც მივიღე.
© photo: courtesy of Tamta Toidzeსარკის ჩარჩო - თამთა თოიძის ნამუშევარი
სარკის ჩარჩო - თამთა თოიძის ნამუშევარი - Sputnik საქართველო, 1920, 24.08.2021
სარკის ჩარჩო - თამთა თოიძის ნამუშევარი
- ვინ არიან თქვენი ძირითადი დამკვეთები?
- დეკორატიული ნამუშევრების შემკვეთები ძირითადად ის პიროვნებები არიან, ვისაც ორიგინალური დიზაინის სტილი უყვარს. ფერწერულ ნამუშევრებს უმეტესად კოლექციონერები ყიდულობენ. ხატებს კი ტაძრებისთვის ან საკუთარი სამლოცველო კუთხისთვის მიკვეთავენ. ხშირად მიწვევენ ჯგუფურ გამოფენებზე, მაგრამ ნამუშევრები სახლში არ მიჩერდება, სისტემატურად იყიდება და ამიტომ პერსონალურ გამოფენასაც ვერ მოვაბი თავი, სურვილი კი ნამდვილად მაქვს.
© photo: courtesy of Tamta Toidzeთამთა თოიძის ნამუშევარი
თამთა თოიძის ნამუშევარი - Sputnik საქართველო, 1920, 24.08.2021
თამთა თოიძის ნამუშევარი
- სამომავლოდ რა გაქვთ ჩაფიქრებული?
- ვფიქრობ, რომ გავხსნა სახელოვნებო სალონის მგავსი რამ, სადაც ნამუშევრებსაც გამოვფენდი და ამავე დროს მსურველებსაც შევასწავლიდი ხატვას. დღეს ფერიცვალებაა, ვსარგებლობ შემთხვევით და ვულოცავ თქვენს მკითხველებს ამ დღეს, ვუსურვებ, რომ მალე ადამიანებსაც და სამყაროსაც სასიკეთოდ ეცვალოს ფერი...
 
ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური俄罗斯卫星通讯社中文(简体)ჩინური (გამარტ.)俄罗斯卫星通讯社中文(繁体)ჩინური (ტრად.)
სამხრეთი ამერიკა
BrasilPortuguêsპორტუგალიური