მასშტაბური შეტევა: „თალიბანმა“ ყანდაგარი და გერათი აიღო

© REUTERS / OMAR SOBHANIვითარება ავღანეთში
ვითარება ავღანეთში - Sputnik საქართველო, 1920, 13.08.2021
გამოწერა
გავრცელებული ინფორმაციით, ხელისუფლების წარმომადგენლები და სხვა ოფიციალური პირები ქალაქებიდან გაიქცნენ.
თბილისი, 13 აგვისტო — Sputnik. რადიკალურმა მოძრაობა „თალიბანმა“ ავღანეთის სიდიდით მეორე ქალაქი ყანდაგარი, ასევე ქალაქი გერათი აიღო, იუწყება სააგენტო Associated Press ადგილობრივ ხელისუფლებაზე დაყრდნობით.
როგორც სააგენტო წერს, „ყანდაგარისა და გერათის აღება ყველაზე დიდი ჯილდოა თალიბებისთვის“, რომლებიც ამ დროისათვის უკვე ავღანეთის 34-დან 12 პროვინციის დედაქალაქს ფლობენ.
ავღანეთის უსაფრთხოების ძალები - Sputnik საქართველო, 1920, 12.08.2021
„თალიბანი“ უტევს: ქაბული შეიძლება 90 დღეში დაეცეს – დაზვერვის მონაცემები
გავრცელებული ინფორმაციით, ყანდაგარი ხუთშაბათ საღამოს დაეცა მძიმე ბრძოლების შემდეგ. თალიბებმა დაიკავეს გუბერნატორის ოფისი, უშიშროების ძალების შტაბი და სხვა მნიშვნელოვანი ობიექტები. ჩინოვნიკები და მათი გარემოცვა ქალაქიდან გაიქცა, ხოლო ქალაქში დატოვებული იარაღი, საბრძოლო მასალები და სატრანსპორტო საშუალებები „თალიბანის“ ხელში გადავიდა.
რაც შეეხება გერათს, თალიბები მას ბოლო ორი კვირის განმავლობაში უტევდნენ. შეტევის ტალღა დროებით შეაჩერა გენერალ ისმაილ ჰანისა და მისი ჯარების ქალაქში ჩასვლამ, თუმცა ხუთშაბათს, დღისით ბოევიკებმა დაცვა გაარღვიეს და ქალაქი აიღეს. როგორც მოგვიანებით გახდა ცნობილი, თალიბებმა გერათის სამთავრობო შენობები დაიკავეს და ვითარებას აკონტროლებენ.
თვითმხილველების თქმით, გუბერნატორმა და სხვა ოფიციალურმა პირებმა ქაბულში გაფრენა მოასწრეს.
თალიბები ავღანეთში მასშტაბურ შეტევებზე მას შემდეგ გადავიდნენ, რაც შეერთებულმა შტატებმა და მისმა მოკავშირეებმა ქვეყნიდან თავიანთი ჯარების გაყვანა დაიწყეს. ივლისის დასაწყისისთვის ავღანეთი ამერიკული კონტინგენტის 90%-ს ჰქონდა დატოვებული. ჯარების ბოლომდე გაყვანას შეერთებული შტატები აგვისტოს ბოლოსთვის გეგმავს. როგორც გაზეთი The New York Times წერს, აშშ-ის პრეზიდენტი ჯო ბაიდენი, მიუხედავად იმისა, რომ „თალიბანი“ პოზიციებს იმყარებს, გეგმების შეცვლას არ აპირებს.
ყველა ახალი ამბავი
0