https://sputnik-georgia.com/20210810/evrokavSirSi-saqarTvelodan-eqsportirebuli-Txilis-Semowmebis-sixSire-icvleba-252553400.html
ევროკავშირში საქართველოდან ექსპორტირებული თხილის შემოწმების სიხშირე იცვლება
ევროკავშირში საქართველოდან ექსპორტირებული თხილის შემოწმების სიხშირე იცვლება
Sputnik საქართველო
სურსათის ეროვნულ სააგენტოში ფიქრობენ, რომ ეს გადაწყვეტილება ქართული თხილის ხარისხის მიმართ ნდობის ზრდას უკავშირდება. 10.08.2021-ს, Sputnik საქართველო
2021-08-10T22:52+0400
2021-08-10T22:52+0400
2021-10-19T18:03+0400
ახალი ამბები
ეკონომიკა
საქართველო
https://cdnn1.img.sputnik-georgia.com/img/24638/82/246388295_0:131:2500:1537_1920x0_80_0_0_6342d156565f02a77bf0ce35db2d68f7.jpg
თბილისი, 10 აგვისტო – Sputnik. საქართველოდან ევროკავშირში ექსპორტირებული თხილის შემოწმების სიხშირე მცირდება. თუ ადრე მოწმდებოდა ექსპორტირებული პარტიის ნახევარი, ახალი წესის თანახმად მხოლოდ ერთ მეხუთედს შეამოწმებენ. იუწყება სურსათის ეროვნული სააგენტო.„ევროკავშირის კომისიის ჯანმრთელობისა და სურსათის უვნებლობის გენერალური დირექტორატის (DG SANTE) მცენარეთა, ცხოველთა, სურსათისა და ცხოველის საკვების მუდმივმოქმედი კომიტეტის (PAFF) 2021 წლის 9 ივლისის გადაწყვეტილებით, საქართველოდან ევროკავშირში ექსპორტირებულ თხილის პარტიებზე საიდენტიფიკაციო და ფიზიკური შემოწმებების სიხშირე 50%-დან 20%-მდე შემცირდება“, - წერია სურსათის ეროვნული სააგენტოს მიერ გავრცელებულ ინფორმაციაში.სურსათის ეროვნულ სააგენტოში ფიქრობენ, რომ ეს გადაწყვეტილება ქართული თხილის ხარისხის მიმართ ნდობის ზრდასა და სახელმწიფო კონტროლის ეფექტიან პოლიტიკაზე მიუთითებს.კომიტეტის გადაწყვეტილებას საფუძვლად დაედო ევროკავშირის მოთხოვნებთან შესაბამისობისა და, აფლატოქსინებით დაბინძურებისგან თავიდან აცილების მიზნით, საქართველოს მიერ 2020 წელს გატარებული ღონისძიებები.ქართული თხილის ექსპორტი ძირითადად ევროკავშირის ბაზრებზე ხორციელდება.გასული წლის 1 აგვისტოდან 2021 წლის 21 თებერვლამდე პერიოდში საქართველოდან 16,5 ათასი ტონა თხილის ექსპორტი განხორციელდა, რომლის ღირებულებამ 86,1 მლნ აშშ დოლარი შეადგინა.აღსანიშნავია, რომ 2016 წლიდან აზიური ფაროსანას და სოკოვანი დაავადებების გავრცელების გამო თხილის წარმოება (შესაბამისად, ექსპორტი) მცირდებოდა და 2018 წელს მინიმალურ ნიშნულს, 17 ათას ტონას მიაღწია.
https://sputnik-georgia.com/20210805/Seamowmes-xorcproduqtebi-252510306.html
https://sputnik-georgia.com/20210803/rZis-produqtebSi-mcenareuli-cximebi-gamovlinda-252492164.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, ეკონომიკა, საქართველო
ახალი ამბები, ეკონომიკა, საქართველო
ევროკავშირში საქართველოდან ექსპორტირებული თხილის შემოწმების სიხშირე იცვლება
22:52 10.08.2021 (განახლებულია: 18:03 19.10.2021) სურსათის ეროვნულ სააგენტოში ფიქრობენ, რომ ეს გადაწყვეტილება ქართული თხილის ხარისხის მიმართ ნდობის ზრდას უკავშირდება.
თბილისი, 10 აგვისტო – Sputnik. საქართველოდან ევროკავშირში ექსპორტირებული თხილის შემოწმების სიხშირე მცირდება. თუ ადრე მოწმდებოდა ექსპორტირებული პარტიის ნახევარი, ახალი წესის თანახმად მხოლოდ ერთ მეხუთედს შეამოწმებენ.
იუწყება სურსათის ეროვნული სააგენტო.
„ევროკავშირის კომისიის ჯანმრთელობისა და სურსათის უვნებლობის გენერალური დირექტორატის (DG SANTE) მცენარეთა, ცხოველთა, სურსათისა და ცხოველის საკვების მუდმივმოქმედი კომიტეტის (PAFF) 2021 წლის 9 ივლისის გადაწყვეტილებით, საქართველოდან ევროკავშირში ექსპორტირებულ თხილის პარტიებზე საიდენტიფიკაციო და ფიზიკური შემოწმებების სიხშირე 50%-დან 20%-მდე შემცირდება“, - წერია სურსათის ეროვნული სააგენტოს მიერ გავრცელებულ ინფორმაციაში.
სურსათის ეროვნულ სააგენტოში ფიქრობენ, რომ ეს გადაწყვეტილება ქართული თხილის ხარისხის მიმართ ნდობის ზრდასა და სახელმწიფო კონტროლის ეფექტიან პოლიტიკაზე მიუთითებს.
კომიტეტის გადაწყვეტილებას საფუძვლად დაედო ევროკავშირის მოთხოვნებთან შესაბამისობისა და, აფლატოქსინებით დაბინძურებისგან თავიდან აცილების მიზნით, საქართველოს მიერ 2020 წელს გატარებული ღონისძიებები.
ქართული თხილის ექსპორტი ძირითადად ევროკავშირის ბაზრებზე ხორციელდება.
გასული წლის 1 აგვისტოდან 2021 წლის 21 თებერვლამდე პერიოდში საქართველოდან 16,5 ათასი ტონა თხილის ექსპორტი განხორციელდა, რომლის ღირებულებამ 86,1 მლნ აშშ დოლარი შეადგინა.
აღსანიშნავია, რომ 2016 წლიდან აზიური ფაროსანას და სოკოვანი დაავადებების გავრცელების გამო თხილის წარმოება (შესაბამისად, ექსპორტი) მცირდებოდა და 2018 წელს მინიმალურ ნიშნულს, 17 ათას ტონას მიაღწია.
