https://sputnik-georgia.com/20210805/xelovnebis-muzeumis-oqros-fondi-droebiT-janaSias-muzeumSi-gadava-252510122.html
ხელოვნების მუზეუმის ოქროს ფონდი დროებით ჯანაშიას სახელობის ისტორიის მუზეუმში განთავსდება
ხელოვნების მუზეუმის ოქროს ფონდი დროებით ჯანაშიას სახელობის ისტორიის მუზეუმში განთავსდება
Sputnik საქართველო
ხელოვნების მუზეუმის ოქროს ფონდში განსაკუთრებით ღირებული ექსპონატებია თამარ მეფის ოქროს ჯვარი და ბაგრატ მესამის ოქროს თასი. 05.08.2021-ს, Sputnik საქართველო
2021-08-05T12:49+0400
2021-08-05T12:49+0400
2023-08-17T19:45+0400
ახალი ამბები
კულტურა საქართველოში
საქართველო
https://cdnn1.img.sputnik-georgia.com/img/07e5/07/19/252416587_0:504:2730:2048_1920x0_80_0_0_70e01cfe8c9c7e05279ed9ffd5102ee7.jpg
თბილისი, 5 აგვისტო – Sputnik. შალვა ამირანაშვილის სახელობის ხელოვნების მუზეუმის ოქროს ფონდი დროებით სიმონ ჯანაშიას სახელობის ისტორიის მუზეუმში განთავსდება. ინფორმაციას ამის შესახებ საქართველოს საპატრიარქოს სიწმინდეთა მოძიებისა და დაცვის სამსახური ავრცელებს.„შეირჩა ს. ჯანაშიას სახელობის სახელმწიფო მუზეუმი, სადაც ხელოვნების მუზეუმის ექსპოზიციაში გამოფენილი თითოეული ექსპონატისთვის მომზადდა საგამოფენო სივრცე და დამონტაჟდა მაღალი სტანდარტის მქონე სამუზეუმო ვიტრინები, რომლებიც აღჭურვილია ტემპერატურისა და ტენიანობის მარეგულირებლით და ჰაერგამწმენდი სისტემებით, რაც ხელოვნების მუზეუმს არ ჰქონდა“, – ნათქვამია განცხადებაში.საპატრიარქოს მონაცემებით, სამუშაო ჯგუფმა ექსპონატების თითქმის მესამედი აღწერა, მაგრამ პროცესი პანდემიის გამო შეჩერდა.„მივიჩნევთ, რომ იგი აუცილებლად უნდა გაგრძელდეს და მუზეუმში დაცული ნიმუშების არსებული მდგომარეობა ზუსტად უნდა აღიწეროს, შემდეგ კი, საგანძურის ს. ჯანაშიას მუზეუმში გადატანის და მათი საგამოფენო სივრცესა და ფონდსაცავში განთავსების შემთხვევაში, დაზიანების ხარისხიდან და უპირატესი საჭიროებებიდან გამომდინარე, თანმიმდევრობით უნდა მოხდეს ექსპონატების ლაბორატორიული შესწავლა და შესაბამისი პროფესიონალების მიერ რესტავრაცია–კონსერვაციის ჩატარება. ამის განსახორციელებლად ს. ჯანაშიას მუზეუმში ასევე მოეწყო სათანადო ლაბორატორია“, – ნათქვამია განცხადებაში.საპატრიარქოში ასევე მიიჩნევენ, რომ ხელოვნების მუზეუმის აღდგენის შემდეგ იქ ყველა ექსპონატი, მათ შორის საეკლესიო საგანძურიც უნდა დაბრუნდეს.ხელოვნების მუზეუმს საფუძვლიანი რეკონსტრუქცია ესაჭიროება. შენობა ისეთ სავალალო მდგომარეობაშია, კულტურის სამინისტრომ თავდაპირველად განაცხადა, რომ მისი აღდგენა შეუძლებელია.საქართველოს ხელოვნების მუზეუმი ყოფილი სასულიერო სემინარიის შენობაშია განთავსებული. შენობა 1835 წელს არის აგებული.მუზეუმში უამრავი ღირებული ექსპონატია თავმოყრილი, მათ შორის თამარ მეფის ოქროს ჯვარი, ბაგრატ მესამის ოქროს თასი, უძველესი ანჩისხატის ხელთუქმნელი ხატი, შუა საუკუნეების მონეტების კოლექცია, ასევე ქართველი და ევროპელი ოსტატების ნახატები, ჩინური და იაპონური ხელოვნების ნიმუშები, ეგვიპტური, ირანული და ინდური ხელოვნების ნაწარმოებები და სხვ.
https://sputnik-georgia.com/20210722/xelovnebis-muzeumis-Senoba-ver-aRdgeba-252393597.html
https://sputnik-georgia.com/20210717/saqarTvelos-xelovnebis-muzeumi-sxva-SenobaSi-gadava-252349197.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, კულტურა საქართველოში, საქართველო
ახალი ამბები, კულტურა საქართველოში, საქართველო
ხელოვნების მუზეუმის ოქროს ფონდი დროებით ჯანაშიას სახელობის ისტორიის მუზეუმში განთავსდება
12:49 05.08.2021 (განახლებულია: 19:45 17.08.2023) ხელოვნების მუზეუმის ოქროს ფონდში განსაკუთრებით ღირებული ექსპონატებია თამარ მეფის ოქროს ჯვარი და ბაგრატ მესამის ოქროს თასი.
თბილისი, 5 აგვისტო – Sputnik. შალვა ამირანაშვილის სახელობის ხელოვნების მუზეუმის ოქროს ფონდი დროებით სიმონ ჯანაშიას სახელობის ისტორიის მუზეუმში განთავსდება. ინფორმაციას ამის შესახებ საქართველოს საპატრიარქოს სიწმინდეთა მოძიებისა და დაცვის სამსახური
ავრცელებს.
„შეირჩა ს. ჯანაშიას სახელობის სახელმწიფო მუზეუმი, სადაც ხელოვნების მუზეუმის ექსპოზიციაში გამოფენილი თითოეული ექსპონატისთვის მომზადდა საგამოფენო სივრცე და დამონტაჟდა მაღალი სტანდარტის მქონე სამუზეუმო ვიტრინები, რომლებიც აღჭურვილია ტემპერატურისა და ტენიანობის მარეგულირებლით და ჰაერგამწმენდი სისტემებით, რაც ხელოვნების მუზეუმს არ ჰქონდა“, – ნათქვამია განცხადებაში.
საპატრიარქოს მონაცემებით, სამუშაო ჯგუფმა ექსპონატების თითქმის მესამედი აღწერა, მაგრამ პროცესი პანდემიის გამო შეჩერდა.
„მივიჩნევთ, რომ იგი აუცილებლად უნდა გაგრძელდეს და მუზეუმში დაცული ნიმუშების არსებული მდგომარეობა ზუსტად უნდა აღიწეროს, შემდეგ კი, საგანძურის ს. ჯანაშიას მუზეუმში გადატანის და მათი საგამოფენო სივრცესა და ფონდსაცავში განთავსების შემთხვევაში, დაზიანების ხარისხიდან და უპირატესი საჭიროებებიდან გამომდინარე, თანმიმდევრობით უნდა მოხდეს ექსპონატების ლაბორატორიული შესწავლა და შესაბამისი პროფესიონალების მიერ რესტავრაცია–კონსერვაციის ჩატარება. ამის განსახორციელებლად ს. ჯანაშიას მუზეუმში ასევე მოეწყო სათანადო ლაბორატორია“, – ნათქვამია განცხადებაში.
საპატრიარქოში ასევე მიიჩნევენ, რომ ხელოვნების მუზეუმის აღდგენის შემდეგ იქ ყველა ექსპონატი, მათ შორის საეკლესიო საგანძურიც უნდა დაბრუნდეს.
ხელოვნების მუზეუმს საფუძვლიანი რეკონსტრუქცია ესაჭიროება. შენობა ისეთ სავალალო მდგომარეობაშია, კულტურის სამინისტრომ თავდაპირველად განაცხადა, რომ მისი აღდგენა შეუძლებელია.
საქართველოს ხელოვნების მუზეუმი ყოფილი სასულიერო სემინარიის შენობაშია განთავსებული. შენობა 1835 წელს არის აგებული.
მუზეუმში უამრავი ღირებული ექსპონატია თავმოყრილი, მათ შორის თამარ მეფის ოქროს ჯვარი, ბაგრატ მესამის ოქროს თასი, უძველესი ანჩისხატის ხელთუქმნელი ხატი, შუა საუკუნეების მონეტების კოლექცია, ასევე ქართველი და ევროპელი ოსტატების ნახატები, ჩინური და იაპონური ხელოვნების ნიმუშები, ეგვიპტური, ირანული და ინდური ხელოვნების ნაწარმოებები და სხვ.
