https://sputnik-georgia.com/20210804/rossotrudniCestvom-ruseTSi-studentebis-Sesvlis-wesebi-gamoacxda-252506555.html
„როსსოტრუდნიჩესტვომ“ რუსეთში სტუდენტების შესვლის წესები გამოაცხადა
„როსსოტრუდნიჩესტვომ“ რუსეთში სტუდენტების შესვლის წესები გამოაცხადა
Sputnik საქართველო
რუსეთის განათლებისა და მეცნიერების სამინისტრომ „ცხელი ხაზი“ აამოქმედა, რომელზეც პანდემიის პირობებში ქვეყანაში შესვლის თაობაზე ინფორმაციის დაზუსტებაა... 04.08.2021-ს, Sputnik საქართველო
2021-08-04T22:58+0400
2021-08-04T22:58+0400
2023-08-17T12:44+0400
რუსეთი
საზოგადოება
https://cdnn1.img.sputnik-georgia.com/img/07e5/02/09/250843550_0:158:3359:2048_1920x0_80_0_0_63b458e31c7eea48c12d1d59b79d8a91.jpg
Sputnik. დანარა კურმანოვამიუხედავად იმისა, რომ კორონავირუსის პანდემია გრძელდება, რუსეთში სასწავლო წელი კვლავ 1 სექტემბერს იწყება. ამის თაობაზე „როსსოტრუდნიჩესტვოში“ განაცხადეს პრესკონფერენციაზე, რომელიც 2021 წელს უცხოეთის მოქალაქეების რუსეთის უმაღლეს სასწავლებლებში შესარჩევ კამპანიას მიეძღვნა.„სტუდენტების ქვეყანაში შემოშვება-არშემოშვების საკითხი ჩვენს კომპეტენციაში არ შედის. მაგრამ ჩვენ ვიცავთ უცხოელი სტუდენტების უფლებებს, რომლებიც უმაღლეს სასწავლებლებში ჩაირიცხნენ და ვთხოვთ ორგანოებს, შემოსვლის ნებართვა მისცენ მათ, — განაცხადა სააგენტოს ხელმძღვანელმა ევგენი პრიმაკოვმა. — ახლა განათლების მისაღებად შემოსვლა შეუძლიათ იმ სიის ქვეყნების მოქალაქეებს, რომლებსაც რუსეთის მთავრობა ამტკიცებს განკარგულებით და რომელიც გამუდმებით იცვლება“.პრიმაკოვი აზუსტებს, რომ საუბარია განკარგულება №636-ზე, რომლის №1 დანართში ამ დროისათვის 50 სახელმწიფოა ჩამოთვლილი, და რომელთა მოქალაქეებსაც რუსეთში შემოსვლის უფლება აქვთ. თუმცა, თუ ქვეყანა არ არის სიაში, რუსეთში ჩასვლის შესაძლებლობა შეიძლება ინდივიდუალურად იყოს განხილული.„ბევრ შემთხვევაში შემოსვლის საკითხებს კურირებს უნივერსიტეტი, რომელსაც შეუძლია განათლების სამინისტროსა და სამთავრობო კომისიისგან შემოსვლის უფლება გამოითხოვოს“, — განმარტა პრიმაკოვმა.ამას გარდა, სააგენტოს ხელმძღვანელის თქმით, უმაღლესი განათლებისა და მეცნიერების სამინისტროსთან მოქმედებს ცხელი ხაზი სტუდენტებისთვის: +7 (495) 198-00-00. ამ ნომერზე თითოეული ქვეყნისთვის რუსეთში შესვლის წესების დაზუსტებაა შესაძლებელი.სამედიცინო მოთხოვნები ყველასთვის უნივერსალურია: სტუდენტმა უნდა ჩააბაროს PCR-ტესტი რუსეთში ჩასვლამდე არაუადრეს სამი დღისა. დოკუმენტი ტესტის უარყოფით პასუხზე უნდა იყოს დაბეჭდილი რუსულად ან ინგლისურად. რუსეთში ჩასვლის შემდეგ სტუდენტმა უნდა ჩააბაროს კიდევ ერთი PCR-ტესტი და პასუხამდე თვითიზოლაციაში უნდა იყოს. იმ შემთხვევაში, თუ სტუდენტის ქვეყანაში შესვლის მომენტისთვის სწავლა უკვე დაწყებული იქნება, ტესტის პასუხის მიღებამდე სტუდენტს მხოლოდ ონლაინ-ფორმატში შეუძლია დაესწროს ლექციებს.პრიმაკოვის თქმით, რაც შეეხება სტუდენტების ვაქცინაციასა და ვაქცინაციის შესახებ უცხოური სერტიფიკატების აღიარებას, ეს საკითხები ახლა მუშავდება რუსეთის ჯანდაცვის სამინისტროს მიერ.
https://sputnik-georgia.com/20210702/rogor-iswavlian-ucxoeli-studentebi-ruseTis-umaRlesebSi-252197243.html
https://sputnik-georgia.com/20210602/ruseTis-umaRlesi-saswavleblebi-grantebis-gacemas-iwyebs-251914367.html
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
რუსეთი, საზოგადოება
„როსსოტრუდნიჩესტვომ“ რუსეთში სტუდენტების შესვლის წესები გამოაცხადა
22:58 04.08.2021 (განახლებულია: 12:44 17.08.2023) რუსეთის განათლებისა და მეცნიერების სამინისტრომ „ცხელი ხაზი“ აამოქმედა, რომელზეც პანდემიის პირობებში ქვეყანაში შესვლის თაობაზე ინფორმაციის დაზუსტებაა შესაძლებელი
Sputnik. დანარა კურმანოვა
მიუხედავად იმისა, რომ კორონავირუსის პანდემია გრძელდება, რუსეთში სასწავლო წელი კვლავ 1 სექტემბერს იწყება. ამის თაობაზე „როსსოტრუდნიჩესტვოში“ განაცხადეს პრესკონფერენციაზე, რომელიც 2021 წელს უცხოეთის მოქალაქეების რუსეთის უმაღლეს სასწავლებლებში შესარჩევ კამპანიას მიეძღვნა.
„სტუდენტების ქვეყანაში შემოშვება-არშემოშვების საკითხი ჩვენს კომპეტენციაში არ შედის. მაგრამ ჩვენ ვიცავთ უცხოელი სტუდენტების უფლებებს, რომლებიც უმაღლეს სასწავლებლებში ჩაირიცხნენ და ვთხოვთ ორგანოებს, შემოსვლის ნებართვა მისცენ მათ, — განაცხადა სააგენტოს ხელმძღვანელმა ევგენი პრიმაკოვმა. — ახლა განათლების მისაღებად შემოსვლა შეუძლიათ იმ სიის ქვეყნების მოქალაქეებს, რომლებსაც რუსეთის მთავრობა ამტკიცებს განკარგულებით და რომელიც გამუდმებით იცვლება“.
პრიმაკოვი აზუსტებს, რომ საუბარია განკარგულება №636-ზე, რომლის №1 დანართში ამ დროისათვის 50 სახელმწიფოა ჩამოთვლილი, და რომელთა მოქალაქეებსაც რუსეთში შემოსვლის უფლება აქვთ. თუმცა, თუ ქვეყანა არ არის სიაში, რუსეთში ჩასვლის შესაძლებლობა შეიძლება ინდივიდუალურად იყოს განხილული.
„ბევრ შემთხვევაში შემოსვლის საკითხებს კურირებს უნივერსიტეტი, რომელსაც შეუძლია განათლების სამინისტროსა და სამთავრობო კომისიისგან შემოსვლის უფლება გამოითხოვოს“, — განმარტა პრიმაკოვმა.
ამას გარდა, სააგენტოს ხელმძღვანელის თქმით, უმაღლესი განათლებისა და მეცნიერების სამინისტროსთან მოქმედებს ცხელი ხაზი სტუდენტებისთვის: +7 (495) 198-00-00. ამ ნომერზე თითოეული ქვეყნისთვის რუსეთში შესვლის წესების დაზუსტებაა შესაძლებელი.
სამედიცინო მოთხოვნები ყველასთვის უნივერსალურია: სტუდენტმა უნდა ჩააბაროს PCR-ტესტი რუსეთში ჩასვლამდე არაუადრეს სამი დღისა. დოკუმენტი ტესტის უარყოფით პასუხზე უნდა იყოს დაბეჭდილი რუსულად ან ინგლისურად. რუსეთში ჩასვლის შემდეგ სტუდენტმა უნდა ჩააბაროს კიდევ ერთი PCR-ტესტი და პასუხამდე თვითიზოლაციაში უნდა იყოს. იმ შემთხვევაში, თუ სტუდენტის ქვეყანაში შესვლის მომენტისთვის სწავლა უკვე დაწყებული იქნება, ტესტის პასუხის მიღებამდე სტუდენტს მხოლოდ ონლაინ-ფორმატში შეუძლია დაესწროს ლექციებს.
პრიმაკოვის თქმით, რაც შეეხება სტუდენტების ვაქცინაციასა და ვაქცინაციის შესახებ უცხოური სერტიფიკატების აღიარებას, ეს საკითხები ახლა მუშავდება რუსეთის ჯანდაცვის სამინისტროს მიერ.
