დასახელდა საშიში დაავადებები, რომლებიც COVID-19-ის გადატანიდან პირველ ორ კვირაში ჩნდება

© photo: Sputnik / Aram Nersesyanფილტვების ხელოვნური ვენტილაციის აპარატზე შეერთებული პაციენტი
ფილტვების ხელოვნური ვენტილაციის აპარატზე შეერთებული პაციენტი - Sputnik საქართველო, 1920, 03.08.2021
გამოწერა
მეცნიერებმა მასშტაბური კვლევა ჩაატარეს, რა დროსაც კორონავირუსგადატანილ და არაინფიცირებულ ადამიანებში საშიში დაავადებების სიხშირე შეადარეს.
თბილისი, 3 აგვისტო — Sputnik. კორონავირუსული დაავადება COVID-19-ის გადატანიდან პირველ ორ კვირაში მნიშვნელოვნად იზრდება გულ-სისხლძარღვთა საშიში დაავადებების რისკი, წერს სამეცნიერო ჟურნალი The Lancet შვედეთის უმეოს უნივერსიტეტის მეცნიერთა ნაშრომზე დაყრდნობით.
კორონავირუსით ინფიცირებული პაციენტი საავადმყოფოში - Sputnik საქართველო, 1920, 26.07.2021
დადასტურდა მეცნიერულად: COVID-19 ადამიანებს ინტელექტს უქვეითებს
მკვლევარებმა მიოკარდის მწვავე ინფარქტისა და იშემიური ინსულტის წარმოშობის სიხშირე შეისწავლეს იმ პაციენტებს შორის, რომლებსაც COVID-19 ჰქონდათ გადატანილი და მათი მონაცემები საკონტროლო ჯგუფს შეადარეს, რომელშიც ამ დაავადებების მქონე, თუმცა კორონავირუსით არაინფიცირებული ადამიანები შედიოდნენ.
აღმოჩნდა, რომ კორონავირუსული დაავადება დაახლოებით სამჯერ ზრდის მიოკარდის ინფარქტისა და იშემიური ინსულტის რისკებს მისი გადატანიდან პირველი ორი კვირის განმავლობაში. ამგვარი კავშირი ვლინდებოდა ასაკის, სქესისა და სოციალურ-ეკონომიკური ფაქტორების გათვალისწინებით.
ფინჯანი ყავა - Sputnik საქართველო, 1920, 14.07.2021
ყავა კორონავირუსით ინფიცირების რისკებს ამცირებს: მეცნიერული კვლევა
ექსპერიმენტში 86.742 კაცი მონაწილეობდა და ეს, ნაშრომის ავტორების თქმით, ყველაზე დიდი მსგავსი კვლევაა.
მანამდე The Lancet-მა გამოაქვეყნა ობსერვაციული კვლევის შედეგები, რომელშიც ბრიტანეთის 300-ზე მეტი საავადმყოფოს პაციენტები მონაწილეობდნენ. კვლევამ აჩვენა, რომ კორონავირუსის შემდეგ ყველაზე ხშირი გართულებები თირკმელს უკავშირდებოდა — თითქმის 25%, რესპირატორული — 18% და სისტემური — 16%.
ამასთან თითქმის ყოველ მერვეს აღენიშნებოდა გულ-სისხლძარღვთა (12%), ასევე ნევროლოგიური (4%), კუჭ-ნაწლავთა და ღვიძლის (თითო პროცენტზე ნაკლები) გართულებები.
ყველა ახალი ამბავი
0