https://sputnik-georgia.com/20210725/saqarTvelos-nakrebis-meore-dRe-tokios-olimpiadaze-Sedegebi-252418972.html

საქართველოს ნაკრების მეორე დღე ტოკიოს ოლიმპიადაზე - შედეგები

საქართველოს ნაკრების მეორე დღე ტოკიოს ოლიმპიადაზე - შედეგები

Sputnik საქართველო

ტოკიოს ოლიმპიადის მეორე დღეს, 25 ივლისს, ძიუდოისტმა ვაჟა მარგველაშვილმა საქართველოს ნაკრებს პირველი მედალი მოუტანა. 25.07.2021-ს, Sputnik საქართველო

2021-07-25T22:30+0400

2021-07-25T22:30+0400

2021-07-26T23:09+0400

ახალი ამბები

სპორტი

საქართველო ტოკიოს ოლიმპიადაზე

https://cdnn1.img.sputnik-georgia.com/img/07e5/07/19/252418799_0:9:2048:1168_1920x0_80_0_0_4f6b4a811bcc8bb924456874a532449f.jpg

ვაჟა მარგველაშვილი - ძიუდო (-66 კგ)28 წლის მარგველაშვილს რიო-დე-ჟანეიროს 2019 წლის ოლიმპიადის გამოცდილება გამოადგა. ბრაზილიაში ქართველი ძიუდოისტი ჩავიდა როგორც მედლის ერთ-ერთი პრეტენდენტი, მაგრამ პირველივე ორთაბრძოლა სენსაციურად წააგო. დღეს ტოკიოში მას „ბოდიშის მოხდა“ მოუწია იმის გამო, რომ ოქროს მედალი ვერ აიღო.ფინალისკენ მიმავალ გზაზე მარგველაშვილმა დაამარცხა იაკუბ შამილოვი (რუსეთი), ბარუხ შმაილოვი (ისრაელი) და ან ბაული (სამხრეთ კორეა). ფინალი მასპინძელ ჰიფუმი აბეს წინააღმდეგ დაძაბული გამოდგა და თანასწორი ბრძოლით წარიმართა, მაგრამ მაინც ოდნავ უფრო ძლიერი იაპონელი ძიუდოისტი აღმოჩნდა.„ვერცხლის მედალი ჩემთვის ძალიან მნიშვნელოვანია, თუმცა ტოკიოში ოქროსთვის ჩამოვედი. ჩემი გასაკეთებელი ბოლომდე ვერ გავაკეთე, ყველას ბოდიშს ვუხდი“, - ასეთი კომენტარი გააკეთა ვაჟა მარგველაშვილმა ოლიმპიური კომიტეტის პრესსამსახურთან.აღსანიშნავია, რომ მარგველაშვილმა საქართველოს მოუტანა მედალი ძიუდოში ზედიზედ მეშვიდე ოლიმპიადაზე. ქართველმა ძიუდოისტებმა ატლანტაში გამართული ოლიმპიური თამაშებიდან (1996) მოყოლებული ქვეყანას ჯამში მოუტანეს ცხრა მედალი (სამივე სინჯის სამ-სამი ჯილდო).ნინო სალუქვაძე - სროლა პნევმატური პისტოლეტით, 10 მსამწუხაროდ, თავის მეცხრე (!) ოლიმპიურ თამაშებზე ლეგენდარულმა ნინო სალუქვაძემ ფინალში მოხვედრა ვერ მოახერხა.ნინო სალუქვაძე ტოკიოს ოლიმპიადაზე  საკვალიფიკაციო ეტაპზე მსროლელებს ექვსი სერია ჰქონდათ 10-10 გასროლით, სადაც სალუქვაძემ ჯამში 567 ქულა დააგროვა (93, 92, 99, 95, 95, 93), მაგრამ ეს არ აღმოჩნდა საკმარისი საუკეთესოთა რვიანში და ფინალში მოსახვედრად.სპორტის ამ სახეობაში ჩემპიონი გახდა რუსეთის წარმომადგენელი ვიტალინა ბაცარაშკინა.შოთა მიშველიზე (-61 კგ) და გოგა ჩხეიძე (-67 კგ) - ძალოსნობაქართველმა ძალოსნებმა ტოკიოს ოლიმპიადაზე ასპარეზობა არც ისე წარმატებულად დაიწყეს. შოთა მიშველიძემ (-61 კგ) შემაჯამებელ ოქმში მეშვიდე ადგილი დაიკავა და ორჭიდის ჯამში დააგროვა 285 კგ (130+155), ხოლო ჩხეიძემ (-67 კგ) მერვე ადგილი დაიკავა შედეგით 302 კგ (133+169).პროგრამის ამ სახეობაში ოლიმპიური ჩემპიონები გახდნენ ჩინელი შტანგისტები ლი ფაბინი (-61 კგ) და ცენ ლიცზუნი (-67 კგ).საქართველოს ნაკრების არსენალში ჰყავს კიდევ ორი ძალოსანი: ანტონ პლესნოი (-96 კგ), რომელიც ფიცარნაგზე 31 ივლისს გავა, და ლაშა ტალახაძე (+109 კგ). მოქმედი ოლიმპიური ჩემპიონის გამოსვლა 4 აგვისტოს შედგება.ტატიანა ლევიცკა-შუკვანი - ძიუდო (-52 კგ)ტატიანა ლევიცკა-შუკვანმა ოლიმპიური ტურნირი ჰაიტელი საბიანა ანესტორის დამარცხებით დაიწყო. მაგრამ ეს გამარჯვება ჩვენი სპორტსმენისთვის თამაშებზე ერთადერთი აღმოჩნდა. მომდევნო შერკინებაში მსოფლიოს ერთ-ერთი უძლიერესი ძიუდოისტის, ფრანგი ამანდინ ბუშარის წინააღმდეგ ლევიცკა-შუკვანმა ტრავმა მიიღო და ტატამის დატოვება მხოლოდ ექიმების დახმარებით შეძლო.შედეგად, ბუშარი ფინალში გავიდა, სადაც იაპონელ უტა აბესთან დამარცხდა.26 ივლისს საქართველოს ნაკრებს ტოკიოს ოლიმპიადაზე ოთხი სპორტსმენი წარადგენს: ლაშა შავდათუაშვილი (ძიუდო, -73 კგ), ეთერ ლიპარტელიანი (ძიუდო, -57 კგ), სახილ ალახვერდოვი (კრივი, -52 კგ) და ჩოგბურთელი ნიკოლოზ ბასილაშვილი, რომელიც მეორე წრეში იტალიელ ლორენცო სონეგოს დაუპირისპირდება.

https://sputnik-georgia.com/20210725/qarTvel-Ziudoists-oqromde-cota-daaklda-margvelaSvili-vercxlis-prizioria-252417546.html

https://sputnik-georgia.com/20210725/tokios-olimpiada-qarTveli-sporsmenebi-romlebic-26-ivliss-iasparezeben-252418317.html

2021

ახალი ამბები

ka_KA

ახალი ამბები, სპორტი, საქართველო ტოკიოს ოლიმპიადაზე