„არ ვიცი რა ვთქვა, ყველაფერს კადრულობენ!“ - ბაზაძე მსაჯების გადაწყვეტილებას გაასაჩივრებს

სანდრო ბაზაძე - Sputnik საქართველო, 1920, 25.07.2021
ნახევარფინალურ ეტაპზე სანდრო ბაზაძე უნგრელ არონ სილადის ხვდებოდა, სადაც ეგვიპტელმა მსაჯმა რამდენჯერმე სანდროს საწინააღმდეგოდ მიიღო გადაწყვეტილება.
თბილისი, 25 ივლისი - Sputnik. ქართველი ხმლით მოფარიკავე სანდრო ბაზაძე, რომელიც ტოკიოს ოლიმპიურ თამაშებზე გუშინ დამარცხდა, მსაჯების გადაწყვეტილებას გაასაჩივრებს, სპორტსმენმა განცხადება ოლიმპიური კომიტეტის პრესსამსახურთან საუბრისას გააკეთა.
სანდრო ბაზაძემ საწყის ეტაპზე ორი ეგვიპტელი სპორტსმენის - მოჰაბ სამერის და ზიად ელსისის დამარცხების შემდეგ მეოთხედფინალურ ეტაპზე მსოფლიოს უძლიერესი მოფარიკავე სამხრეთ კორეელი სანგუკ ოჰიც დაამარცხა. მიუხედავად საჩემპიონო განწყობისა, მან ნახევარფინალურ ეტაპზე უნგრელი არონ სილადის დამარცხება ვეღარ მოახერხა და ბრინჯაოს მედლისთვის ბრძოლაში გადაერთო. მესამე ადგილისთვის გამართულ შეხვედრაში ქართველი სამხრეთკორეელ კიმ ჯონ ხვანთან (Kim Jung-hwan) დამარცხდა.
სანდრო ბაზაძე - Sputnik საქართველო, 1920, 24.07.2021
სანდრო ბაზაძემ ოლიმპიადა მედლის გარეშე დაასრულა
აღსანიშნავია, რომ სანდროს ჩატარებულ რამდენიმე შეხვედრაში მსაჯებმა საკამათო ეპიზოდები ხელახლა განიხილეს და თითქმის ყველა შემთხვევაში ქულა ქართველის მოწინააღმდეგეს მიანიჭეს.
„არ ვიცი რა დავარქვა იმას, რაც მოხდა. საერთოდ არ ველოდებოდი ოლიმპიადაზე მსგავს უსამართლობას თუ ჩაიდენდნენ, მაგრამ ყველაფერს კადრულობენ. არ ხდება მსგავსი რაღაცები, ეს უკვე შეცდომაც არ მგონია, ვფიქრობ, რომ სპეციალურად მოიქცნენ ასე“, - აღნიშნა ბაზაძემ.
სანდრომ განსაკუთრებული ყურადღება ნახევარფინალურ ეტაპზე ეგვიპტელი მსაჯის მიერ მიღებულ გადაწყვეტილებაზე გაამახვილა. მაშინ, როდესაც ქართველ მოფარიკავეს გამოცდილ უნგრელ სპორტსმენ არონ სილადისთან ანგარიში 13-13 ჰქონდა, ბაზაძემ ქულა მოიპოვა, რომელიც განხილვის შემდეგ მოწინააღმდეგეს ჩაუთვალეს. სანდრო ამბობს, რომ აღნიშნულმა გადაწყვეტილებამ მასზე იმოქმედა და მარცხიც სწორედ ამან გამოიწვია.
აღსანიშნავია, რომ ტოკიოს ოლიმპიურ თამაშებზე ქართველმა სპორტსმენებმა ჯერ ვერცერთი მედლის მოპოვება ვერ შეძლეს. ოლიმპიურ წარმატებასთან ყველაზე ახლოს სწორედ მოფარიკავე სანდრო ბაზაძე იყო.
 
ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური俄罗斯卫星通讯社中文(简体)ჩინური (გამარტ.)俄罗斯卫星通讯社中文(繁体)ჩინური (ტრად.)
სამხრეთი ამერიკა
BrasilPortuguêsპორტუგალიური