https://sputnik-georgia.com/20210724/nika-meliam-TbilisSi-merobis-kandidatis-rangSi-winasaarCevno-Sexvedrebi-daiwyo-252415835.html
ნიკა მელიამ თბილისში მერობის კანდიდატის რანგში წინასაარჩევნო შეხვედრები დაიწყო
ნიკა მელიამ თბილისში მერობის კანდიდატის რანგში წინასაარჩევნო შეხვედრები დაიწყო
Sputnik საქართველო
მერობის კანდიდატმა აღნიშნა, რომ მისი მთავარი ამოცანა იქნება მოსახლეობის მაქსიმალური მობილიზება არჩევნებზე. 24.07.2021-ს, Sputnik საქართველო
2021-07-24T23:33+0400
2021-07-24T23:33+0400
2021-10-19T18:02+0400
ახალი ამბები
პოლიტიკა
საქართველო
https://cdnn1.img.sputnik-georgia.com/img/07e5/05/1e/251875627_0:114:3072:1850_1920x0_80_0_0_d61ecd3920d0c4dd3d96bdc555257245.jpg
თბილისი, 24 ივლისი — Sputnik. თბილისის მერობის კანდიდატმა ნიკა მელიამ, რომელსაც მხარს ოპოზიციური პარტიების ნაწილი უჭერს, თავისი წინასაარჩევნო კამპანია ვარკეთილში ამომრჩევლებთან შეხვედრით დაიწყო.ნიკა მელია თბილისის მერობის კანდიდატად პარასკევს ოპოზიციის ნაწილმა წარადგინა.„საარჩევნო კამპანია დაიწყო. დაიწყო და დასრულდება ქართველი ხალხის გამარჯვებით. ეს არ არის ჩვეულებრივი საარჩევნო კამპანია, ეს არ არის ჩვეულებრივი საარჩევნო პერიოდი. ეს არის ის არჩევნები, რომელიც კარს მომდგარია, სადაც გადაწყდება ამ ქვეყნის მომავალი და ამ ქალაქის მომავალი, მინიმუმ 10 წლის პერსპექტივით“, - განაცხადა მელიამ.ამასთან მერობის კანდიდატმა აღნიშნა, რომ მისი მთავარი ამოცანა იქნება მოსახლეობის მაქსიმალური მობილიზება არჩევნებზე, რათა ყველა მივიდეს საარჩევნო უბანზე და თავისი არჩევანი დააფიქსიროს.მელიას წინასაარჩევნო კამპანიის დაწყებას დაემთხვა ქალაქში პლაკატების გამოჩენა, რომელიც მისი პარტიის, „ერთიანი ნაციონალური მოძრაობის“ საწინააღმდეგო აგიტაციას წარმოადგენდა.მიუხედავად იმისა, რომ მერიამ უკვე დაიწყო ამ პლაკატების ჩამოხსნა და დამნაშავეების დასჯაც კი დააანონსა, ოპოზიციის კანდიდატმა მომხდარში თავისი კონკურენტი, მმართველი პარტია „ქართული ოცნება - დემოკრატიული საქართველოს“ მერობის კანდიდატი, დედაქალაქის მოქმედი მერი კახა კალაძე დაადანაშაულა.მელიას თქმით, მერის პოსტზე მისი ამოცანა იქნება ქალაქი სიძულვილის გამოხატვისგან გათავისუფლება.„ჩვენი შვილები, ჩემი შვილი, რომელიც წელს სკოლაში უნდა წავიდეს და მაგალითად კახა კალაძის შვილები ერთად უნდა ცხოვრობდნენ და ერთად მოუწევთ ცხოვრება ამ ქალაქში... ჩვენ ვიმსახურებთ ისეთ თბილისს, სადაც სიძულვილი არ ჭარბობს, სადაც არ არის შურისძიება და არის მიტევება... ამისთვის საჭიროა საღი აზრის ფარგლებში მოვექცეთ ყველა და ამ ზიზღის კამპანიის შესაძლებლობა და გასაქანი ხელისუფლებას არ მივცეთ“, - განაცხადა მელიამ.ამასთან მან აღნიშნა, რომ არ სურს იყოს ქალაქის არაობიექტური მერი.„მინდა, ვიყო ქალაქის ის მერი, რომელიც ზუსტად ისეთნაირად გაუწოდებს დახმარების ხელს „ქართული ოცნების“ მხარდამჭერს, აქტივისტსაც კი, აი, იმ ადამიანებსაც კი, რომლებიც გუშინ ღამით დაიქირავეს და ქალაქი მორთეს ამ ზიზღის პლაკატებით. მინდა, ვიყო ყველა ოპოზიციური პარტიის მხარდამჭერის მერი“, - განაცხადა მელიამ.მმართველ პარტიაში მელიას კალაძის კონკურენტად არ განიხილავენ და აცხადებენ, რომ მათი კანდიდატი პირველივე ტურში გაიმარჯვებს.
https://sputnik-georgia.com/20210723/pozicia-opoziciis-reaqciebi-meliastan-dakavshirebit-252410671.html
https://sputnik-georgia.com/20210721/Tbilisis-meris-arCevnebi-moZebnis-Tu-ara-opozicia-kaxa-kalaZis-sapirwones-252385324.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, პოლიტიკა, საქართველო
ახალი ამბები, პოლიტიკა, საქართველო
ნიკა მელიამ თბილისში მერობის კანდიდატის რანგში წინასაარჩევნო შეხვედრები დაიწყო
23:33 24.07.2021 (განახლებულია: 18:02 19.10.2021) მერობის კანდიდატმა აღნიშნა, რომ მისი მთავარი ამოცანა იქნება მოსახლეობის მაქსიმალური მობილიზება არჩევნებზე.
თბილისი, 24 ივლისი — Sputnik. თბილისის მერობის კანდიდატმა ნიკა მელიამ, რომელსაც მხარს ოპოზიციური პარტიების ნაწილი უჭერს, თავისი წინასაარჩევნო კამპანია ვარკეთილში ამომრჩევლებთან შეხვედრით დაიწყო.
ნიკა მელია თბილისის მერობის კანდიდატად პარასკევს ოპოზიციის ნაწილმა წარადგინა.
„საარჩევნო კამპანია დაიწყო. დაიწყო და დასრულდება ქართველი ხალხის გამარჯვებით. ეს არ არის ჩვეულებრივი საარჩევნო კამპანია, ეს არ არის ჩვეულებრივი საარჩევნო პერიოდი. ეს არის ის არჩევნები, რომელიც კარს მომდგარია, სადაც გადაწყდება ამ ქვეყნის მომავალი და ამ ქალაქის მომავალი, მინიმუმ 10 წლის პერსპექტივით“, - განაცხადა მელიამ.
ამასთან მერობის კანდიდატმა აღნიშნა, რომ მისი მთავარი ამოცანა იქნება მოსახლეობის მაქსიმალური მობილიზება არჩევნებზე, რათა ყველა მივიდეს საარჩევნო უბანზე და თავისი არჩევანი დააფიქსიროს.
მელიას წინასაარჩევნო კამპანიის დაწყებას დაემთხვა ქალაქში პლაკატების გამოჩენა, რომელიც მისი პარტიის, „ერთიანი ნაციონალური მოძრაობის“ საწინააღმდეგო აგიტაციას წარმოადგენდა.
მიუხედავად იმისა, რომ მერიამ უკვე დაიწყო ამ პლაკატების ჩამოხსნა და დამნაშავეების დასჯაც კი დააანონსა, ოპოზიციის კანდიდატმა მომხდარში თავისი კონკურენტი, მმართველი პარტია „ქართული ოცნება - დემოკრატიული საქართველოს“ მერობის კანდიდატი, დედაქალაქის მოქმედი მერი კახა კალაძე დაადანაშაულა.
მელიას თქმით, მერის პოსტზე მისი ამოცანა იქნება ქალაქი სიძულვილის გამოხატვისგან გათავისუფლება.
„ჩვენი შვილები, ჩემი შვილი, რომელიც წელს სკოლაში უნდა წავიდეს და მაგალითად კახა კალაძის შვილები ერთად უნდა ცხოვრობდნენ და ერთად მოუწევთ ცხოვრება ამ ქალაქში... ჩვენ ვიმსახურებთ ისეთ თბილისს, სადაც სიძულვილი არ ჭარბობს, სადაც არ არის შურისძიება და არის მიტევება... ამისთვის საჭიროა საღი აზრის ფარგლებში მოვექცეთ ყველა და ამ ზიზღის კამპანიის შესაძლებლობა და გასაქანი ხელისუფლებას არ მივცეთ“, - განაცხადა მელიამ.
ამასთან მან აღნიშნა, რომ არ სურს იყოს ქალაქის არაობიექტური მერი.
„მინდა, ვიყო ქალაქის ის მერი, რომელიც ზუსტად ისეთნაირად გაუწოდებს დახმარების ხელს „ქართული ოცნების“ მხარდამჭერს, აქტივისტსაც კი, აი, იმ ადამიანებსაც კი, რომლებიც გუშინ ღამით დაიქირავეს და ქალაქი მორთეს ამ ზიზღის პლაკატებით. მინდა, ვიყო ყველა ოპოზიციური პარტიის მხარდამჭერის მერი“, - განაცხადა მელიამ.
მმართველ პარტიაში მელიას კალაძის კონკურენტად არ განიხილავენ და აცხადებენ, რომ მათი კანდიდატი პირველივე ტურში გაიმარჯვებს.
