მინიმუმ 48%: „ქართულმა ოცნებამ“ არჩევნების შედეგების საკუთარი პროგნოზი დადო

© press-service of the Tbilisi CIty Hallირაკლი კობახიძე
ირაკლი კობახიძე - Sputnik საქართველო, 1920, 21.07.2021
გამოწერა
ცესკო შეაჯამებს კენჭისყრის შედეგებს ასევე პარტიების მიხედვით და თუ „ქართული ოცნება“ ვერ დააგროვებს ხმების 43%-ს, ქვეყანაში ვადამდელი საპარლამენტო არჩევნები ჩატარდება.
თბილისი, 20 ივლისი – Sputnik. მმართველი პარტია „ქართული ოცნება - დემოკრატიული საქართველო“ ადგილობრივი ხელისუფლების ორგანოების არჩევნებზე ხმების მინიმუმ 48%-ის აღებას გეგმავს, განუცხადა ჟურნალისტებს პარტიის თავმჯდომარემ ირაკლი კობახიძემ.
საქართველოში ადგილობრივი ხელისუფლების ორგანოების არჩევნები 2 ოქტომბერს გაიმართება. მუნიციპალიტეტებისა და ქალაქების მოსახლეობა მერებს და საკრებულოების დეპუტატებს აირჩევს. ცესკო ასევე შეაჯამებს კენჭისყრის შედეგებს პარტიების მიხედვით და თუ „ქართული ოცნება“ ვერ მოაგროვებს ხმების 43%-ს, ქვეყანაში ვადამდელი საპარლამენტო არჩევნები ჩატარდება.
კახა კალაძე - Sputnik საქართველო, 1920, 20.07.2021
„ძალადობა და სიძულვილი კლავს ჩვენს ქვეყანას“ – რა უთხრა კალაძემ ჟურნალისტებს
„მე მგონია, რომ ჩვენთვის ამოცანა არ უნდა იყოს 43%. ჩვენ ვთქვით დღეს, რომ ჩვენი ამოცანაა იმავე შედეგის გამეორება, რაც გვქონდა, ანუ ყოველი მეორე ამომრჩევლის ხმის მიღება. მე ვფიქრობ, რომ 48%-ის აღება საკმაოდ რეალურია", - აღნიშნა ირაკლი კობახიძემ.
ამასთან, ქართული ოპოზიცია მიიჩნევს, რომ ვადამდელი საპარლამენტო არჩევნები გარდაუვალია, რადგან მოსახლეობა იმედგაცრუებულია „ქართული ოცნებით“ და პატიოსან და სამართლიან არჩევნებზე ის მნიშვნელოვან მხარდაჭერას ვერ მოიპოვებს.
საქართველოში წინასაარჩევნო კამპანია ოფიციალურად აგვისტოს პირველ რიცხვებში დაიწყება. სავარაუდოდ, არჩევნები საერთაშორისო დამკვირვებლების დიდ ინტერესს გამოიწვევს და ადრინდელი ადგილობრივი არჩევნებისგან განსხვავებით ყველა სადამკვირვებლო ორგანიზაცია ქვეყანაში დიდ დელეგაციას გამოგზავნის.
ყველა ახალი ამბავი
0