ბათუმის ბულვარში ღამის კლუბებმა მუშაობის ნებართვა ვერ მიიღეს

© photo: Sputnikღამის კლუბში
ღამის კლუბში - Sputnik საქართველო, 1920, 15.07.2021
გამოწერა
НовостиTelegram
ღამის კლუბების მუშაობა უწყებათაშორისი საკოორდინაციო საბჭოს გადაწყვეტილების შემდეგ აღდგება, აცხადებენ ბულვარის ადმინისტრაციაში.
თბილისი, 15 ივლისი — Sputnik. ბათუმში ღამის კლუბების მფლობელების და ბულვარის ადმინისტრაციის შეხვედრა უშედეგოდ დასრულდა.
საქართველოში ღამის კლუბები გასული წლის მარტში დაიხურა. 1 ივლისიდან გაუქმდა შეზღუდვა ღამის საათებში გადაადგილებაზე, მაგრამ რესტორნები და კაფეები 24:00 საათამდე მუშაობენ.
ღამის კლუბი Bassiani  - Sputnik საქართველო, 1920, 28.06.2021
რას შესთავაზებს მთავრობა ღამის კლუბებს
ღამის კლუბების მეპატრონეები მუშაობის ნებართვას ითხოვენ.
როგორც ღამის კლუბების მფლობელებმა „აჭარის ტელევიზიის“ ეთერში განაცხადეს, მათ იმედი ჰქონდათ, რომ კაფეებისა და რესტორნების მუშაობაზე შეზღუდვების მოხსნა მათაც შეეხებოდა და ამიტომ წინასწარ დაგეგმეს ღონისძიებები და ბილეთებიც გაყიდეს.
„როგორც სხვა ობიექტებს აქვთ მუშაობის უფლება ღამის 12 საათამდე, ისე მოგვცენ ჩვენც მუშაობის უფლება. თუ მათ აქვთ მუშაობის უფლება, რატომ ჩვენ არ შეგვიძლია?“ - განაცხადა ერთ-ერთი ღამის კლუბის მეპატრონემ ზურაბ გოგსაძემ.
კლუბების მფლობელები აცხადებენ, რომ რეგულაციების სრული დაცვით იმუშავებენ.
დიჯეის მიკშერი ღამის კლუბში - Sputnik საქართველო, 1920, 11.04.2021
თბილისში ღამის კლუბი სამჯერ დაჯარიმების მიუხედავად საქმიანობას აგრძელებდა
ბულვარის ადმინისტრაციის პოზიცია უცვლელია - კლუბების მუშაობა უწყებათაშორისი საკოორდინაციო საბჭოს გადაწყვეტილების შემდეგ აღდგება.
მანამდე ეკონომიკის მინისტრმა ნათია თურნავამ განაცხადა, რომ მთავრობა ღამის კლუბების ფუნქციონირების აღსადგენად უსაფრთხოების პროტოკოლებზე მუშაობას მათ მფლობელებთან ერთად დაიწყებს.
მისი თქმით, მიუხედავად დიდი ზარალისა, რომელიც პანდემიის გამო კლუბებმა ნახეს, შეზღუდვების მოხსნა ყველაზე ბოლოს მათ შეეხება.
 
ყველა ახალი ამბავი
0