https://sputnik-georgia.com/20210714/evrokomisia-mosamarTleebis-daniSvniT-ukmayofiloa-252316669.html
ევროკავშირის დახმარება საეჭვოა - ევროკომისია ახალი მოსამართლეების დანიშვნით უკმაყოფილოა
ევროკავშირის დახმარება საეჭვოა - ევროკომისია ახალი მოსამართლეების დანიშვნით უკმაყოფილოა
Sputnik საქართველო
საქართველოს პარლამენტმა უმაღლესი სასამართლოს ექვსი მოსამართლე ორშაბათს დანიშნა მიუხედავად იმისა, რომ საერთაშორისო ორგანიზაციები საკითხის სასამართლო რეფორმის... 14.07.2021-ს, Sputnik საქართველო
2021-07-14T14:43+0400
2021-07-14T14:43+0400
2021-10-19T18:01+0400
პოლიტიკა
ახალი ამბები
საქართველოს პარლამენტი
საქართველო
https://cdnn1.img.sputnik-georgia.com/img/07e4/0a/0c/249686028_0:0:3077:1731_1920x0_80_0_0_4799077fa2e1d497538f6144d51c1d85.jpg
თბილისი, 14 ივლისი — Sputnik. ახალი მოსამართლეების დანიშვნა საქართველოში, მიუხედავად ევროკავშირის მოწოდებებისა, შეჩერებულიყო ეს პროცესი, საფრთხის ქვეშ აყენებს სასამართლო სისტემის დამოუკიდებლობასა და მისდამი ნდობას. ასე აფასებს საქართველოს პარლამენტში მმართველი პარტიის მიერ დაწყებულ უმაღლესი სასამართლოს მოსამართლეების დანიშვნის პროცედურას ევროკომისიის პრეს-სპიკერი პიტერ სტანო.საქართველოს პარლამენტმა იუსტიციის უმაღლესი საბჭოს მიერ წარდგენილი ცხრა კანდიდატიდან ექვსს 12 ივლისს მხარი დაუჭირა. უმაღლესი სასამართლოს ცხრა კანდიდატის სია იუსტიციის საბჭომ ივნისის ბოლოს წარადგინა. კანდიდატების მოსმენა ოპოზიციის პროტესტისა და საერთაშორისო ორგანიზაციების მოწოდებების ფონზე მიმდინარეობდა, რომ პროცესი სასამართლო რეფორმის დასრულებამდე გადადებულიყო. მოსამართლეობის კანდიდატებისთვის ხმის მიცემაში მხოლოდ მმართველი პარტიის დეპუტატები მონაწილეობდნენ.როგორც ევროკომისიის პრეს-სპიკერის განცხადებაშია აღნიშნული, საქართველოს პარლამენტმა ორშაბათს მხარი დაუჭირა უზენაესი სასამართლოს ექვს მოსამართლეს, მიუხედავად ევროკავშირის მოწოდებისა, რომ დანიშვნის პროცესი დროებით შეჩერებულიყო, რათა გადაეხედათ პროცესისთვის და ის ევროპულ სტანდარტებთან შესაბამისობაში ყოფილიყო. ეუთოს დემოკრატიული ინსტიტუტებისა და ადამიანის უფლებების ოფისმა (ODIHR) ახლახან თავის შუალედურ ანგარიშში შეშფოთება გამოთქვა კანდიდატების წარდგენის პროცესის სამართლიანობასა და თანასწორობასთან დაკავშირებით.უზენაესი სასამართლოს მოსამართლეთა დანიშვნის დაწყებამდე მათი შერჩევის პროცესის გადახედვა ვენეციის კომისიის რეკომენდაციების შესაბამისად ასევე არის საქართველოსთვის ევროკავშირის მოქმედი პროგრამით გათვალისწინებული მაკრო-ფინანსური დახმარების მეორე ტრანშის გამოყოფის შეთანხმებული წინაპირობა, რომელზეც ამ ნაბიჯმა შეიძლება უარყოფითად იმოქმედოს, აღნიშნულია განცხადებაში.„ამიტომ ეს კენჭისყრა საქართველოს ხელისუფლებისთვის არის დაკარგული შესაძლებლობა სასამართლო სისტემის ჭეშმარიტი და ყოვლისმომცველი რეფორმის მიმართ თავისი ერთგულების დამტკიცებისთვის. ეს მოვლენები სასამართლოს დამოუკიდებლობისა და საზოგადოების ნდობისთვის ზიანის მიყენების საფრთხის შემცველია", - ნათქვამია განცხადებაში.იქვე ასევე აღნიშნულია, რომ ევროკავშირი ღიაა შემდგომი მოლაპარაკებებისთვის უმაღლეს დონეზე, რათა განიხილოს სასამართლო სისტემის რეფორმა და მომავალი ქმედებები ამ მოვლენების შემდეგ, განსაკუთრებით 19 აპრილის შეთანხმებისა და საქართველოსთვის ევროკავშირის მაკრო-ფინანსური დახმარების შესახებ გადაწყვეტილებების კონტექსტში.სასამართლო რეფორმა და მართლმსაჯულების დამოუკიდებელი სისტემა ერთ-ერთი მწვავე საკითხია, რომელთან დაკავშირებითაც მწვავე პოლემიკა მიმდინარეობს პოლიტიკურ წრეებში. ოპოზიცია აცხადებს, რომ ქართულ სასამართლოებს კლანები მართავენ, ხოლო მმართველ პარტიაში ამ ვერსიას კატეგორიულად უარყოფენ და აღნიშნავენ, რომ საქართველოს სასამართლო სისტემა მთლიანად დამოუკიდებელია.ამასთან სასამართლო სისტემა საქართველოში ის სფეროა, რომელსაც ყველაზე მეტად აკრიტიკებენ საერთაშორისო ორგანიზაციები და პარტნიორები. მათ არაერთხელ მოუწოდეს ხელისუფლებას მართლმსაჯულების საფუძვლიანი რეფორმის ჩატარებისკენ, ხოლო მანამდე უმაღლესი სასამართლოს მოსამართლეების დანიშვნისგან თავშეკავებისკენ.
https://sputnik-georgia.com/20210712/yvelafris-miuxedavad-saqarTvelos-uzenaesi-sasamarTlos-eqvsi-axali-mosamarTle-hyavs-252299818.html
https://sputnik-georgia.com/20210702/giorgi-vashadze-252195104.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
პოლიტიკა, ახალი ამბები, საქართველოს პარლამენტი, საქართველო
პოლიტიკა, ახალი ამბები, საქართველოს პარლამენტი, საქართველო
ევროკავშირის დახმარება საეჭვოა - ევროკომისია ახალი მოსამართლეების დანიშვნით უკმაყოფილოა
14:43 14.07.2021 (განახლებულია: 18:01 19.10.2021) საქართველოს პარლამენტმა უმაღლესი სასამართლოს ექვსი მოსამართლე ორშაბათს დანიშნა მიუხედავად იმისა, რომ საერთაშორისო ორგანიზაციები საკითხის სასამართლო რეფორმის გატარებამდე გადადებისკენ მოუწოდებდნენ
თბილისი, 14 ივლისი — Sputnik. ახალი მოსამართლეების დანიშვნა საქართველოში, მიუხედავად ევროკავშირის მოწოდებებისა, შეჩერებულიყო ეს პროცესი, საფრთხის ქვეშ აყენებს სასამართლო სისტემის დამოუკიდებლობასა და მისდამი ნდობას. ასე აფასებს საქართველოს პარლამენტში მმართველი პარტიის მიერ დაწყებულ უმაღლესი სასამართლოს მოსამართლეების დანიშვნის პროცედურას ევროკომისიის პრეს-სპიკერი პიტერ სტანო.
საქართველოს პარლამენტმა იუსტიციის უმაღლესი საბჭოს მიერ წარდგენილი ცხრა კანდიდატიდან ექვსს 12 ივლისს მხარი დაუჭირა. უმაღლესი სასამართლოს ცხრა კანდიდატის სია იუსტიციის საბჭომ ივნისის ბოლოს წარადგინა. კანდიდატების მოსმენა ოპოზიციის პროტესტისა და საერთაშორისო ორგანიზაციების მოწოდებების ფონზე მიმდინარეობდა, რომ პროცესი სასამართლო რეფორმის დასრულებამდე გადადებულიყო. მოსამართლეობის კანდიდატებისთვის ხმის მიცემაში მხოლოდ მმართველი პარტიის დეპუტატები მონაწილეობდნენ.
როგორც ევროკომისიის პრეს-სპიკერის
განცხადებაშია აღნიშნული, საქართველოს პარლამენტმა ორშაბათს მხარი დაუჭირა უზენაესი სასამართლოს ექვს მოსამართლეს, მიუხედავად ევროკავშირის მოწოდებისა, რომ დანიშვნის პროცესი დროებით შეჩერებულიყო, რათა გადაეხედათ პროცესისთვის და ის ევროპულ სტანდარტებთან შესაბამისობაში ყოფილიყო. ეუთოს დემოკრატიული ინსტიტუტებისა და ადამიანის უფლებების ოფისმა (ODIHR) ახლახან თავის შუალედურ ანგარიშში შეშფოთება გამოთქვა კანდიდატების წარდგენის პროცესის სამართლიანობასა და თანასწორობასთან დაკავშირებით.
„დანიშვნები ეწინააღმდეგება 19 აპრილის შეთანხმების საკვანძო დებულებებს, რომელთა თანახმად უნდა გაკეთდეს პაუზა ყველა მიმდინარე დანიშვნასთან დაკავშირებით, სრულად შესრულდეს ვენეციის კომისიის ყველა რეკომენდაცია და ზოგადად გაიზარდოს მართლმსაჯულების სისტემის დამოუკიდებლობა, ანგარიშვალდებულება და ხარისხი ფართომასშტაბიანი, ინკლუზიური და ყველა პარტიის მონაწილეობით შემუშავებული რეფორმის პროცესში", - ნათქვამია განცხადებაში.
უზენაესი სასამართლოს მოსამართლეთა დანიშვნის დაწყებამდე მათი შერჩევის პროცესის გადახედვა ვენეციის კომისიის რეკომენდაციების შესაბამისად ასევე არის საქართველოსთვის ევროკავშირის მოქმედი პროგრამით გათვალისწინებული მაკრო-ფინანსური დახმარების მეორე ტრანშის გამოყოფის შეთანხმებული წინაპირობა, რომელზეც ამ ნაბიჯმა შეიძლება უარყოფითად იმოქმედოს, აღნიშნულია განცხადებაში.
„ამიტომ ეს კენჭისყრა საქართველოს ხელისუფლებისთვის არის დაკარგული შესაძლებლობა სასამართლო სისტემის ჭეშმარიტი და ყოვლისმომცველი რეფორმის მიმართ თავისი ერთგულების დამტკიცებისთვის. ეს მოვლენები სასამართლოს დამოუკიდებლობისა და საზოგადოების ნდობისთვის ზიანის მიყენების საფრთხის შემცველია", - ნათქვამია განცხადებაში.
იქვე ასევე აღნიშნულია, რომ ევროკავშირი ღიაა შემდგომი მოლაპარაკებებისთვის უმაღლეს დონეზე, რათა განიხილოს სასამართლო სისტემის რეფორმა და მომავალი ქმედებები ამ მოვლენების შემდეგ, განსაკუთრებით 19 აპრილის შეთანხმებისა და საქართველოსთვის ევროკავშირის მაკრო-ფინანსური დახმარების შესახებ გადაწყვეტილებების კონტექსტში.
სასამართლო რეფორმა და მართლმსაჯულების დამოუკიდებელი სისტემა ერთ-ერთი მწვავე საკითხია, რომელთან დაკავშირებითაც მწვავე პოლემიკა მიმდინარეობს პოლიტიკურ წრეებში. ოპოზიცია აცხადებს, რომ ქართულ სასამართლოებს კლანები მართავენ, ხოლო მმართველ პარტიაში ამ ვერსიას კატეგორიულად უარყოფენ და აღნიშნავენ, რომ საქართველოს სასამართლო სისტემა მთლიანად დამოუკიდებელია.
ამასთან სასამართლო სისტემა საქართველოში ის სფეროა, რომელსაც ყველაზე მეტად აკრიტიკებენ საერთაშორისო ორგანიზაციები და პარტნიორები. მათ არაერთხელ მოუწოდეს ხელისუფლებას მართლმსაჯულების საფუძვლიანი რეფორმის ჩატარებისკენ, ხოლო მანამდე უმაღლესი სასამართლოს მოსამართლეების დანიშვნისგან თავშეკავებისკენ.
