https://sputnik-georgia.com/20210713/regionulma-televiziebma-mauwyebloba-droebit-shewyvites-252308042.html
ლექსო ლაშქარავას ხსოვნის პატივსაცემად რეგიონულმა ტელევიზიებმა მაუწყებლობა დროებით გათიშეს
ლექსო ლაშქარავას ხსოვნის პატივსაცემად რეგიონულმა ტელევიზიებმა მაუწყებლობა დროებით გათიშეს
Sputnik საქართველო
ტელეკომპანია „TV პირველის“ ოპერატორის გარდაცვალებას საერთაშორისო საზოგადოებაში მწვავე შეფასებები მოჰყვა. 13.07.2021-ს, Sputnik საქართველო
2021-07-13T15:42+0400
2021-07-13T15:42+0400
2021-10-19T18:01+0400
ახალი ამბები
საზოგადოება
ჟურნალისტ ლექსო ლაშქარავას გარდაცვალება: ვერსიები და რეაქციები 2020
საქართველო
https://cdnn1.img.sputnik-georgia.com/img/07e5/07/0d/252307166_0:44:1280:768_1920x0_80_0_0_ebc7fa91fe482a0b91d9b9cbbc730a59.jpg
თბილისი, 13 ივლისი — Sputnik. ტელეკომპანია „TV პირველის“ ოპერატორის ლექსო ლაშქარავას ხსოვნის პატივსაცემად რეგიონულმა ტელევიზიებმა დღეს, 15:00 საათზე მაუწყებლობა დროებით გათიშეს. სწორედ ამ დროს გამოასვენეს ტელეოპერატორი საკუთარი საცხოვრებელი ბინიდან. უკანასკნელ გზაზე იგი კოლეგებმა გააცილეს.„გარდაცვლილი ტელეოპერატორის ხსოვნის პატივსაცემად 10 წუთის მანძილზე იქნება მხოლოდ წარწერა ჰეშთეგით „ლექსოსთვის“, – განაცხადეს ტელეკომპანია „TV პირველის“ წარმომადგენლებმა.კოლეგისადმი ამ ფორმით სოლიდარობა გამოხატეს რეგიონულმა ტელევიზიებმა: „გურია“, „მეცხრე ტალღა“, „ოდიში“, TOK TV, „აგროგარემო“, TV/25, „მეცხრე არხი“, „თანამგზავრი“, TV 4, „რიონი“, „ბორჯომი TV“. აქციას ასევე შეუერთდა „ჰერეთის" სამივე რადიოსადგური – დედაქალაქში რადიო თბილისი FM93.5, კახეთში რადიო ჰერეთი FM102.8 და ბათუმში რადიო ციტრუსი FM97.3.ლაშქარავას გარდაცვალება„TV პირველის" ოპერატორი ლექსო ლაშქარავა, რომელსაც თბილისში 5 ივლისს „სირცხვილიას" ოფისის დარბევისას ლგბტ-თემის მოწინააღმდეგეები სასტიკად გაუსწორდნენ, 11 ივლისს, დილით გარდაცვლილი საკუთარმა დედამ ნახა. კლინიკაში მიყვანისას მას ტვინის შერყევა და სახის ძვლების მოტეხილობები დაუდგინდა და სასწრაფო ოპერაცია ჩაუტარდა. ოპერატორი კლინიკიდან გამოწერიდან მესამე დღეს გარდაიცვალა. ბოლო დღეები ის სახლში იმყოფებოდა. გარდაცვალებამდე ერთი დღით ადრე ლექსო სტუმრად იმყოფებოდა „TV პირველის" ერთ-ერთ გადაცემაში, სადაც 5 ივლისის მოვლენები გაიხსენა. როგორც ტელეკომპანია „TV პირველის" ჟურნალისტი მირანდა ბაღათურია იხსენებს, რომელიც „სირცხვილიას" ოფისში ლაშქარავასთან ერთად მოძალადეთა მხრიდან თავდასხმის ობიექტი გახდა, ხუთი წუთის განმავლობაში ოპერატორს ფეხებით დაახლოებით 20 ადამიანი სცემდა.ლექსო ლაშქარავას დედა აცხადებს, რომ მისი ვაჟი 5 ივლისს მომხდარი ცემის ფაქტამდე აბსოლუტურად ჯანმრთელი იყო. ის შვილის გარდაცვალებას სწორედ ამ მოვლენებს უკავშირებს, მაგრამ კონკრეტული მიზეზის დასახელება არ შეუძლია.სისხლის სამართლის საქმე აღძრულია თვითმკვლელობამდე მიყვანის მუხლით. ეს სტანდარტული მუხლია, როდესაც პოულობენ ცხედარს, რომელსაც ძალადობის აშკარა ნიშნები არა აქვს. არ არის გამორიცხული, რომ მოგვიანებით საქმეს სხვა კვალიფიკაცია მისცენ.ოპერატორის გარდაცვალებამ თბილისისა და ქვეყნის დიდი ქალაქების ქუჩებში პრაქტიკულად ყველა ჟურნალისტი და ათი ათასობით ადამიანი გამოიყვანა. რუსთაველის გამზირზე პარლამენტის წინ გამართულ აქციაზე შეკრებილებმა მთავრობას ულტიმატუმი წაუყენეს – ისინი პრემიერ-მინისტრისა და მინისტრთა კაბინეტის სრული შემადგენლობის გადადგომას მოითხოვენ. აქციებზე არაერთხელ გაისმა მოწოდებები იმ სასულიერო პირების პასუხისმგებლობის შესახებაც, რომლებიც 5 ივლისის აქციაზე შეკრებილებს ძალადობისკენ მოუწოდებდნენ და ამით ჟურნალისტების მიმართ აგრესიის პროვოცირებას შეუწყვეს ხელი.შსს-მ უკვე გამოთქვა წინასწარი ვერსია, რომ ლექსო ლაშქარავა ნარკოტიკების ჭარბი დოზის მიღების გამო გარდაიცვალა. ექსპერტიზაში ჩართულმა დამოუკიდებელმა ექსპერტმა განაცხადა, რომ ოპერაციის შემდეგ გარკვეული დროის განმავლობაში ტკივილის მოსახსნელად ლაშქარავა ექიმის დანიშნულებით „მორფინს" იღებდა. შსს-ს ვარაუდით, მას შემდეგ, რაც ექიმის მიერ დანიშნული ნარკოტიკული საშუალების დოზა დაუმთავრდა, მან ნარკოტიკი დამოუკიდებლად შეიძინა. შსს აცხადებს, რომ გააჩნია შესაბამისი ვიდეოჩანაწერები.
https://sputnik-georgia.com/20210713/jurnalistebma-batumshi-aqcia-gamartes-252307274.html
https://sputnik-georgia.com/20210713/saprangetis-elchi-ministr-gomelaurtan-shexvedras-apasebs-252306932.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საზოგადოება, ჟურნალისტ ლექსო ლაშქარავას გარდაცვალება: ვერსიები და რეაქციები 2020, საქართველო
ახალი ამბები, საზოგადოება, ჟურნალისტ ლექსო ლაშქარავას გარდაცვალება: ვერსიები და რეაქციები 2020, საქართველო
ლექსო ლაშქარავას ხსოვნის პატივსაცემად რეგიონულმა ტელევიზიებმა მაუწყებლობა დროებით გათიშეს
15:42 13.07.2021 (განახლებულია: 18:01 19.10.2021) ტელეკომპანია „TV პირველის“ ოპერატორის გარდაცვალებას საერთაშორისო საზოგადოებაში მწვავე შეფასებები მოჰყვა.
თბილისი, 13 ივლისი — Sputnik. ტელეკომპანია „TV პირველის“ ოპერატორის ლექსო ლაშქარავას ხსოვნის პატივსაცემად რეგიონულმა ტელევიზიებმა დღეს, 15:00 საათზე მაუწყებლობა დროებით გათიშეს.
სწორედ ამ დროს გამოასვენეს ტელეოპერატორი საკუთარი საცხოვრებელი ბინიდან. უკანასკნელ გზაზე იგი კოლეგებმა გააცილეს.
„გარდაცვლილი ტელეოპერატორის ხსოვნის პატივსაცემად 10 წუთის მანძილზე იქნება მხოლოდ წარწერა ჰეშთეგით „ლექსოსთვის“, – განაცხადეს ტელეკომპანია „TV პირველის“ წარმომადგენლებმა.
კოლეგისადმი ამ ფორმით სოლიდარობა გამოხატეს რეგიონულმა ტელევიზიებმა: „გურია“, „მეცხრე ტალღა“, „ოდიში“, TOK TV, „აგროგარემო“, TV/25, „მეცხრე არხი“, „თანამგზავრი“, TV 4, „რიონი“, „ბორჯომი TV“. აქციას ასევე შეუერთდა „ჰერეთის" სამივე რადიოსადგური – დედაქალაქში რადიო თბილისი FM93.5, კახეთში რადიო ჰერეთი FM102.8 და ბათუმში რადიო ციტრუსი FM97.3.
„TV პირველის" ოპერატორი ლექსო ლაშქარავა, რომელსაც თბილისში 5 ივლისს „სირცხვილიას" ოფისის დარბევისას ლგბტ-თემის მოწინააღმდეგეები სასტიკად გაუსწორდნენ, 11 ივლისს, დილით გარდაცვლილი საკუთარმა დედამ ნახა. კლინიკაში მიყვანისას მას ტვინის შერყევა და სახის ძვლების მოტეხილობები დაუდგინდა და სასწრაფო ოპერაცია ჩაუტარდა. ოპერატორი კლინიკიდან გამოწერიდან მესამე დღეს გარდაიცვალა. ბოლო დღეები ის სახლში იმყოფებოდა. გარდაცვალებამდე ერთი დღით ადრე ლექსო სტუმრად იმყოფებოდა „TV პირველის" ერთ-ერთ გადაცემაში, სადაც 5 ივლისის მოვლენები გაიხსენა.
როგორც ტელეკომპანია „TV პირველის" ჟურნალისტი მირანდა ბაღათურია იხსენებს, რომელიც „სირცხვილიას" ოფისში ლაშქარავასთან ერთად მოძალადეთა მხრიდან თავდასხმის ობიექტი გახდა, ხუთი წუთის განმავლობაში ოპერატორს ფეხებით დაახლოებით 20 ადამიანი სცემდა.
ლექსო ლაშქარავას დედა აცხადებს, რომ მისი ვაჟი 5 ივლისს მომხდარი ცემის ფაქტამდე აბსოლუტურად ჯანმრთელი იყო. ის შვილის გარდაცვალებას სწორედ ამ მოვლენებს უკავშირებს, მაგრამ კონკრეტული მიზეზის დასახელება არ შეუძლია.
სისხლის სამართლის საქმე აღძრულია თვითმკვლელობამდე მიყვანის მუხლით. ეს სტანდარტული მუხლია, როდესაც პოულობენ ცხედარს, რომელსაც ძალადობის აშკარა ნიშნები არა აქვს. არ არის გამორიცხული, რომ მოგვიანებით საქმეს სხვა კვალიფიკაცია მისცენ.
ოპერატორის გარდაცვალებამ თბილისისა და ქვეყნის დიდი ქალაქების ქუჩებში პრაქტიკულად ყველა ჟურნალისტი და ათი ათასობით ადამიანი გამოიყვანა. რუსთაველის გამზირზე პარლამენტის წინ გამართულ აქციაზე შეკრებილებმა მთავრობას ულტიმატუმი წაუყენეს – ისინი პრემიერ-მინისტრისა და მინისტრთა კაბინეტის სრული შემადგენლობის გადადგომას მოითხოვენ. აქციებზე არაერთხელ გაისმა მოწოდებები იმ სასულიერო პირების პასუხისმგებლობის შესახებაც, რომლებიც 5 ივლისის აქციაზე შეკრებილებს ძალადობისკენ მოუწოდებდნენ და ამით ჟურნალისტების მიმართ აგრესიის პროვოცირებას შეუწყვეს ხელი.
შსს-მ უკვე გამოთქვა წინასწარი ვერსია, რომ ლექსო ლაშქარავა ნარკოტიკების ჭარბი დოზის მიღების გამო გარდაიცვალა. ექსპერტიზაში ჩართულმა დამოუკიდებელმა ექსპერტმა განაცხადა, რომ ოპერაციის შემდეგ გარკვეული დროის განმავლობაში ტკივილის მოსახსნელად ლაშქარავა ექიმის დანიშნულებით „მორფინს" იღებდა. შსს-ს ვარაუდით, მას შემდეგ, რაც ექიმის მიერ დანიშნული ნარკოტიკული საშუალების დოზა დაუმთავრდა, მან ნარკოტიკი დამოუკიდებლად შეიძინა. შსს აცხადებს, რომ გააჩნია შესაბამისი ვიდეოჩანაწერები.
