საქართველომ მასობრივი ვაქცინაციისთვის დამატებითი ინვენტარი მიიღო

© AP Photo / Eugene Hoshikoვაქცინაცია
ვაქცინაცია - Sputnik საქართველო, 1920, 08.07.2021
გამოწერა
საქართველოში მოსახლეობის მასობრივი ვაქცინაცია 5 ივლისს დაიწყო, მას შემდეგ, რაც ქვეყანამ ჩინური წარმოების Sinopharm-ისა და Sinovac-ის ვაქცინების ერთი მილიონი დოზა მიიღო.
თბილისი, 8 ივლისი – Sputnik. ევროკავშირმა და ჯანმრთელობის მსოფლიო ორგანიზაციამ (ჯანმო) დღეს საქართველოს, მასობრივი ვაქცინაციის ტექნიკურად გამართულ გარემოში ჩასატარებლად, დამატებითი ინვენტარი გადმოსცეს, განაცხადა საქართველოს ჯანდაცვის მინისტრის მოადგილემ თამარ გაბუნიამ.
ავსტრიამ საქართველოს AstraZeneca-ს ვაქცინის 5 ათასი დოზა აჩუქა>>
გაბუნიას ინფორმაციით, ინვენტარის გამოყენების შესაძლებლობა საქართველოს უახლოეს მომავალში ექნება.
„საქართველომ მიიღო 70-ზე მეტი ნოუთბუქი მასობრივი ვაქცინაციის ცენტრებისთვის, ასევე ვაქცინების გადასატანი 200 „ცივი ყუთი“, ყინულის სამედიცინო მაცივრები, რომლებიც უახლოეს მომავალში მოეწოდება ქვეყანას. ასევე პროექტის ფარგლებში გათვალისწინებულია ავტომობილი“, – განაცხადა მინისტრის მოადგილემ.
ვაქცინა - Sputnik საქართველო, 1920, 07.07.2021
ლატვია საქართველოს კორონავირუსის საწინააღდეგო ვაქცინებს გადასცემს
გაბუნიამ მადლობა გადაუხადა საქართველოში ევროკავშირის დელეგაციასა და ჯანმრთელობის მსოფლიო ორგანიზაციის საქართველოს ცენტრალურ ოფისს ვაქცინაციის პროგრამის დაგეგმვასა და განხორციელების პროცესში დახმარების გაწევისთვის.
საქართველოში 5 ივლისიდან მასობრივი ვაქცინაცია დაიწყო. ქვეყანაში შემოტანილია ჩინური ვაქცინები Sinopharm და Sinovac. ჯანდაცვის სამინისტრომ ვაქცინაციისთვის 350 ბრიგადა და 150 კლინიკა მოამზადა.
ამ დროისათვის ქვეყანაში კორონავირუსის საწინააღმდეგო აცრა 283.631 ადამიანს აქვს ჩატარებული, საიდანაც 111.589 მოქალაქეს სრული ორი დოზა აქვს მიღებული.
ყველა ახალი ამბავი
0