https://sputnik-georgia.com/20210706/Sss-rusTavelis-gamzirze-dagegnili-aqciebis-monawileebs-afrTxilebs-252232633.html
შსს რუსთაველის გამზირზე დაგეგმილი აქციების მონაწილეებს აფრთხილებს
შსს რუსთაველის გამზირზე დაგეგმილი აქციების მონაწილეებს აფრთხილებს
Sputnik საქართველო
ამ წუთებში პარლამენტთან ერთბაშად ორი აქცია იკრიბება – დუმილის აქცია დაშავებული ჟურნალისტების და საზოგადოების წარმომადგენლების მხარდასაჭერად და რადიკალურად... 06.07.2021-ს, Sputnik საქართველო
2021-07-06T20:24+0400
2021-07-06T20:24+0400
2021-10-19T18:00+0400
ახალი ამბები
საზოგადოება
საქართველო
https://cdnn1.img.sputnik-georgia.com/img/07e5/07/06/252231455_0:306:3000:2003_1920x0_80_0_0_92d97454c07359c7901aa07121abe3fc.jpg
თბილისი, 6 ივლისი – Sputnik. შინაგან საქმეთა სამინისტრომ თბილისის ცენტრში მიმდინარე აქციების მონაწილეებს მოუწოდა, არ გასცდნენ კანონის ფარგლებს.ამ წუთებში პარლამენტთან ერთბაშად ორი აქცია იკრიბება – დუმილის აქცია დაშავებული ჟურნალისტების და საზოგადოების წარმომადგენლების მხარდასაჭერად და რადიკალურად განწყობილი დაჯგუფებების კონტრაქცია.„მოვუწოდებთ აქციის მონაწილეებს, არ გასცდნენ შეკრების და გამოხატვის თავისუფლების კანონით დასაშვებ ფარგლებს. ამასთან ვაფრთხილებთ ორივე აქციის ორგანიზატორებს, არ დაუშვან ძალადობისკენ მოწოდებები და უზრუნველყონ, რომ აქციებმა არ მიიღოს ძალადობრივი ხასიათი“, – ნათქვამია შსს-ს განცხადებაში.უწყებამ ასევე მოუწოდა მასმედიის წარმომადგენლებს, ითანამშრომლონ პოლიციელებთან, გაითვალისწინონ მათი მითითებები და რეკომენდაციები.გარდა ამისა, შსს აცხადებს, რომ სამართალდარღვევის შემთხვევაში მოახდენს რეაგირებას როგორც აქციის, ისე კონტრაქციის ფარგლებში.დუმილის აქცია, რომელშიც მონაწილეობას მიიღებენ ოპოზიციონერი პოლიტიკოსები, საზოგადოებრივი ორგანიზაციების წარმომადგენლები და რიგითი მოქალაქეები, 5 ივლისის მოვლენების შემდეგ დაანონსდა.5 ივლისს ლგბტ–თემის წარმომადგენლების უფლებების დასაცავად დაანონსებული „ღირსების მარშის“ მოწინააღმდეგეებმა ჯერ მარში ჩაშალეს, შემდეგ თავს დაესხნენ ჟურნალისტებს და, მათი აზრით, „არასწორად“ ჩაცმულ ახალგაზრდებს. მათ ასევე დაარბიეს „თბილისი პრაიდისა“ და მოძრაობა „სირცხვილიას“ ოფისები. თავდასხმების შედეგად დაშავდა 55 ადამიანი, აქედან 53 ჟურნალისტია. ამ დროისთვის პოლიციამ 5 ივლისის მოვლენებისთვის ადმინისტრაციული წესით 8 ადამიანი დააკავა, ხოლო სამი პირი – ჟურნალისტებზე თავდასხმების ფაქტებზე. მათგან ორი ადამიანი წარსულში ნასამართლევია.
https://sputnik-georgia.com/20210706/kancelariasTan-masmediis-aqcia-gaimarTeba-252227900.html
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2021
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საზოგადოება, საქართველო
ახალი ამბები, საზოგადოება, საქართველო
შსს რუსთაველის გამზირზე დაგეგმილი აქციების მონაწილეებს აფრთხილებს
20:24 06.07.2021 (განახლებულია: 18:00 19.10.2021) ამ წუთებში პარლამენტთან ერთბაშად ორი აქცია იკრიბება – დუმილის აქცია დაშავებული ჟურნალისტების და საზოგადოების წარმომადგენლების მხარდასაჭერად და რადიკალურად განწყობილი დაჯგუფებების კონტრაქცია.
თბილისი, 6 ივლისი – Sputnik. შინაგან საქმეთა სამინისტრომ თბილისის ცენტრში მიმდინარე აქციების მონაწილეებს მოუწოდა, არ გასცდნენ კანონის ფარგლებს.
ამ წუთებში პარლამენტთან ერთბაშად ორი აქცია იკრიბება – დუმილის აქცია დაშავებული ჟურნალისტების და საზოგადოების წარმომადგენლების მხარდასაჭერად და რადიკალურად განწყობილი დაჯგუფებების კონტრაქცია.
„მოვუწოდებთ აქციის მონაწილეებს, არ გასცდნენ შეკრების და გამოხატვის თავისუფლების კანონით დასაშვებ ფარგლებს. ამასთან ვაფრთხილებთ ორივე აქციის ორგანიზატორებს, არ დაუშვან ძალადობისკენ მოწოდებები და უზრუნველყონ, რომ აქციებმა არ მიიღოს ძალადობრივი ხასიათი“, – ნათქვამია შსს-ს
განცხადებაში.
უწყებამ ასევე მოუწოდა მასმედიის წარმომადგენლებს, ითანამშრომლონ პოლიციელებთან, გაითვალისწინონ მათი მითითებები და რეკომენდაციები.
გარდა ამისა, შსს აცხადებს, რომ სამართალდარღვევის შემთხვევაში მოახდენს რეაგირებას როგორც აქციის, ისე კონტრაქციის ფარგლებში.
დუმილის აქცია, რომელშიც მონაწილეობას მიიღებენ ოპოზიციონერი პოლიტიკოსები, საზოგადოებრივი ორგანიზაციების წარმომადგენლები და რიგითი მოქალაქეები, 5 ივლისის მოვლენების შემდეგ დაანონსდა.
5 ივლისს ლგბტ–თემის წარმომადგენლების უფლებების დასაცავად დაანონსებული „ღირსების მარშის“ მოწინააღმდეგეებმა ჯერ მარში ჩაშალეს, შემდეგ თავს დაესხნენ ჟურნალისტებს და, მათი აზრით, „არასწორად“ ჩაცმულ ახალგაზრდებს. მათ ასევე დაარბიეს „თბილისი პრაიდისა“ და მოძრაობა „სირცხვილიას“ ოფისები. თავდასხმების შედეგად დაშავდა 55 ადამიანი, აქედან 53 ჟურნალისტია. ამ დროისთვის პოლიციამ 5 ივლისის მოვლენებისთვის ადმინისტრაციული წესით 8 ადამიანი დააკავა, ხოლო სამი პირი – ჟურნალისტებზე თავდასხმების ფაქტებზე. მათგან ორი ადამიანი წარსულში ნასამართლევია.
