კვარაცხელიას დიდებული დაბრუნება და ბასილაშვილის სასწაულებრივი სეტი უიმბლდონზე

© AFP / KIRILL KUDRYAVTSEVხვიჩა კვარაცხელია
ხვიჩა კვარაცხელია - Sputnik საქართველო, 1920, 04.07.2021
ქართველი მორაგბეების მარცხი მსოფლიოს ჩემპიონებთან და ნიკოლოზ ბასილაშვილის ბრიტანული თავგადასავალი.
კვარაცხელია ტრავმის შემდეგ გოლით დაბრუნდა. ყაზაიშვილმა თავის გუნდს მოაგებინა
რამდენიმეთვიანი პაუზის შემდეგ საქართველოს ნაკრების ახალგაზრდა შემტევი ხვიჩა კვარაცხელია საფეხბურთო მოედანს დაუბრუნდა. ხვიჩას „რუბინი“ ამხანაგურ შეხვედრაში „ნიჟნი ნოვგოროდს“ დაუპირისპირდა და სამბურთიანი უპირატესობით იმარჯვა.
ევროპის მსოფლიო ჩემპიონატი, რომი - სტადიონი ოლიმპიკო - Sputnik საქართველო, 1920, 11.06.2021
მონატრებული ევროპის ჩემპიონატი – საფეხბურთო დღესასწაული რომიდან იწყება
აღნიშნული შეხვედრა საუნტერესო იყო ქართველი გულშემატკივრებისთვის, რადგან ყაზანური კლუბის მაისურით მინდორზე ორი ქართველი ფეხბურთელი ირჯებოდა. კვარაცხელიამ მატჩი სასტარტო შემადგენლობაში დაიწყო და მატჩის 30–ე წუთზე თავისი საფირმო დრიბლინგით თავიც გამოიჩინა. მეტოქის საჯარიმოში მყოფი ქართველის წინააღმდეგ „ნიჟნი ნოვგოროდის“ მცველებმა უხეშად ითამაშეს და მსაჯმა თერთმეტმეტრიანი დანიშნა, რომელიც ხვიჩამ იდეალური დარტყმით თავად შეასრულა და ანგარიში გახსნა. კარგი მატჩი გამოუვიდა „რუბინში“ დაბრუნებულ ზურიკო დავითაშვილსაც, რომელმაც შეხვედრა სათადარიგო სკამიდან დაიწყო. შეხვედრის 65-ე წუთზე მინდორზე ისიც გამოჩნდა და შემოსვლიდან 20 წუთში საგოლე გადაცემაც მიითვალა.
აღსანიშნავია, რომ ხვიჩა კვარაცხელიასთვის ეს პირველი გოლია მიღებული ტრავმის შემდეგ, ზურიკოსთვის კი პირველი საგოლე პასი მას შემდეგ, რაც „რუბინს" იჯარიდან დაუბრუნდა.
კარგი შეხვედრა ჩაატარა საქართველოს ნაკრების შემტევმა ნახევარმცველმა ვაკო ყაზაიშვილმა. ვაკომ აზიის ჩემპიონთა ლიგაში, „ულსან ჰიუნდაის“ შემადგენლობაში შეძლო თავის გამოჩენა, სადაც გოლისა და საგოლე გადაცემის გამომუშავება შეძლო. სამხრეთკორეულმა გუნდმა ფილიპინური „კაია ილოილო" დიდი ანგარიშით 3:0 დაამარცხა.
საქართველოს რაგბის ნაკრები - Sputnik საქართველო, 1920, 06.06.2021
აეროპორტში მიტოვებული ლიეტუველი მორაგბეები და სანიოლის სადებიუტო გამარჯვება ნაკრებში
ყაზაიშვილმა ასისტი შეხვედრის მე-12 წუთზე გაიფორმა, როდესაც სე ჰუნს გოლის გატანაში დაეხმარა, ხოლო მეორე ტაიმის დასაწყისში ვაკომ თავად მოახერხა გატანა და საბოლოო შედეგიც დააფიქსირა.
საინტერესო ინფორმაცია გავრცელდა გიორგი აბურჯანიას შესახებ, რომელიც კარიერას პორტუგალიურ „ჟილ ვისენტეში“ გააგრძელებს. საქართველოს ნაკრების ნახევარმცველის შეძენის შესახებ ინფორმაცია კლუბის პრესსამსახურმა ოფიციალურად დაადასტურა.
გავრცელებული ცნობით, აბურჯანიასა და პორტუგალიურ კლუბს შორის კონტრაქტი ორი წლით, 2023 წლის ზაფხულამდე გაფორმდა. აღსანიშნავია, რომ ქართველმა ფეხბურთელმა გასული სეზონის მეორე ნახევარი ესპანურ „კარტახენაში“ გაატარა და 13 შეხვედრაში ერთი გოლის გატანა მოახერხა.
ბასილაშვილი სენსაციურად მოგებული სეტის მიუხედავად დამარცხდა. კალაშნიკოვა კი წინსვლას განაგრძობს
ნიკოლოზ ბასილაშვილის ბრიტანული თავგადასავალი ხანმოკლე გამოდგა. ქართველი ჩოგბურთელი უიმბლდონს პირველივე ეტაპიდან გამოეთიშა.
29 წლის ქართველმა ჩოგბურთელმა ნიკოლოზ ბასილაშვილმა უიმბლდონზე პირველივე მატჩი მასპინძელ ენდი მარისთან დათმო. მიუხედავად მარცხისა, ნიკოლოზმა შეხვედრის მიმდინარეობისას საოცარი სეტი მოიგო.
საქართველოს საფეხბურთო ნაკრებისა და კლუბ „მანჩესტერ სიტის“ ფეხბურთელი გიორგი ქინქლაძე თემურ ქეცბაიასთან ერთად. - Sputnik საქართველო, 1920, 27.05.2021
ოთხი ქართველი სპორტსმენი, რომლებმაც საქართველო მსოფლიოს გააცნეს
ქართველმა დიდი სლემის ორგზის გამარჯვებულთან მატჩი ძალიან ცუდად დაიწყო. ორი წაგებული სეტის შემდეგ (4:6, 3:6) ბასილაშვილი გამანადგურებელ ანგარიშთან ძალიან ახლოს იყო. ბასილაშვილი მესამე სეტში დიდი ანგარიშით - 0:5 მარცხდებოდა, თუმცა მან სეტი სასწაულებრივად ზედიზედ შვიდი მოგებული გეიმით დახურა. შესანიშნავი მოგებული სეტი ქართველი ჩოგბურთელის მოტივაციის ასამაღლებლად საკმარისი არ გამოდგა. ნიკოლოზმა მეოთხე სეტში საკუთარი ჩაწოდება მალევე დათმო და მოპოვებული უპირატესობა გამოცდილმა ბრიტანელმა სათავისოდ გამოიყენა.  საბოლოოდ შეხვედრა ანგარიშით 3:1 დასრულდა (4:6, 3:6, 7:5, 3:6).
„კარგია, რომ მე-4 სეტში გამარჯვება მოვახერხე. მე-3 სეტის მერე გასახდელში დამარცხებული წასვლა დიდი დარტყმა იყო. ძალიან განაწყენებული ვიყავი და იმაზე ვფიქრობდი, ის თამაში როგორ დამებრუნებინა, რომელიც თავიდან მქონდა. კიდევ კარგი, ეს შევძელი“, - ასე გამოუხმაურა ენდი მარი ნიკოლოზ ბასილაშვილთან გამარჯვებას.
© AP Photo / Trevor CollensНиколоз Басилашвили
Николоз Басилашвили - Sputnik საქართველო, 1920, 24.08.2021
Николоз Басилашвили
ნიკოლოზ ბასილაშვილი
განსხვავებით ნიკოლოზისგან, უიმბლდონზე წყვილთა თანრიგში კარგად ასპარეზობს 30 წლის ქართველი ჩოგბურთელი ოქსანა კალაშნიკოვა, რომელიც წყვილთა მსოფლიოს რეიტინგში 74-ე პოზიციაზეა. მან მეწყვილესთან ერთად უიმბლდონის ღია პირველობის მერვედფინალში გასვლა მოახერხა.
აღსანიშნავია, რომ კალაშნიკოვა ბრიტანულ კორტებზე რუს ვარვარა გრაჩოვასთან ერთად გამოდის და მათ პირველ წრეში „უაილდ ქარდით” მიწვეული მასპინძლები ბეინსი და მარეი შარანი 6:3, 6:4 დაამარცხეს, შემდეგ კი ყაზახ ზარინა დიასსა და ავსტრალიელ არინა როდიონოვას ანგარიშით 6:3, 6:1 აჯობეს.
ქართველმა მორაგბეებმა მსოფლიოს ჩემპიონებთან კარგად დაიწყეს, თუმცა მეორე ტაიმი გარდამტეხი აღმოჩნდა
ქართველი მორაგბეები მსოფლიოს მოქმედ ჩემპიონ სამხრეთ აფრიკას დაუპირისპირდნენ და შეხვედრის პირველ ტაიმში ფავორიტ მეტოქეს საგრძნობი წინააღმდეგობაც გაუწიეს.
„ბორჯღალოსნები“ პირველი ტაიმის მოგებასთან ახლოს იყვნენ. თედო აბჟანდაძემ პირველ ნახევარში სამი ჯარიმის გატანა მოახერხა. მასპინძლებმა კი საპასუხოდ ლელო და ორი გარდასახვა მიითვალეს. ტაიმის მიწურულს მოედნიდან ბექა საღინაძე გააძევეს, 14 კაცით დარჩენილმა „ბორჯღალოსნებმა“ კი მეტოქის წინააღმდეგობას ვეღარ გაუძლეს და ორი ლელო გაუშვეს - თავი ბონგი მბონამბიმ და კობუს რაინახმა გამოიჩინეს - 19:9.
ვაკო ყაზაიშვილი - Sputnik საქართველო, 1920, 16.05.2021
„ბორჯღალოსნების“ ტესტი მსოფლიო ჩემპიონებთან და მიქაუტაძის გმირობა ბელგიაში
მეორე ნახევარი სრულად სამხრეთაფრიკელთა უპირატესობით მიმდინარეობდა. მეტოქე გუნდმა კვაგა სმიტის ლელოთი უპირატესობა 17 ქულამდე გაზარდა, რის შემდეგაც თავი ჰერშელ იანკისმა და მალკოლმ მარქსმაც გამოიჩინეს და საბოლოო ანგარიში 40:9 მსოფლიო ჩემპიონთა სასარგებლოდ დაფიქსირდა.
მნიშნელოვანია, რომ ქართველები მსოფლიოს ჩემპიონებს კიდევ ერთხელ 9 ივლისს შეხვდებიან.
სიახლეა 29 წლის ქართველი მორაგბე ზურა ჟვანია კარიერაში. ჟვანია ფრანგულ „გრენობლში“ ითამაშებს, მას კლუბთან კონტრაქტი 2023 წლამდე დააკავშირებს.
ქართველი მორაგბე ბოლოს ინგლისის პრემიერშიფში „უოსპსში" თამაშობდა. გრენობლი ჟვანიასთვის მეორე ფრანგული კლუბია, ის შვიდი წლის განმავლობაში სტად ფრანსეს ღირსებას იცავდა, სადაც საფრანგეთის ჩემპიონი და ჩელენჯ თასის გამარჯვებული გახდა.
აღსანიშნავია, რომ ზურას ეროვნულ ნაკრებში 43 მატჩი აქვს ჩატარებული.
ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური俄罗斯卫星通讯社中文(简体)ჩინური (გამარტ.)俄罗斯卫星通讯社中文(繁体)ჩინური (ტრად.)
სამხრეთი ამერიკა
BrasilPortuguêsპორტუგალიური