ამბროლაურის საკრებულოს წევრი ქრთამის აღების ფაქტზე დააკავეს

© Pixabay / pasja1000აშშ დოლარი
აშშ დოლარი - Sputnik საქართველო, 1920, 30.06.2021
გამოწერა
მუნიციპალიტეტის საკრებულოს დეპუტატი მაშინ დააკავეს, როცა ის მოთხოვნილი 140 ათასი დოლარიდან 30 ათას დოლარს იღებდა.

თბილისი, 30 ივნისი — Sputnik. ამბროლაურის მუნიციპალიტეტის საკრებულოს ერთ-ერთი ფრაქციის თავმჯდომარე განსაკუთრებით დიდი ოდენობით ქრთამის აღების ფაქტზე დააკავეს, იუწყება საქართველოს სახელმწიფო უსაფრთხოების სამსახურის (სუს-ის) ანტიკორუფციული სააგენტო.

ხელბორკილი - Sputnik საქართველო, 1920, 23.03.2021
სუს-მა ქრთამის აღების ფაქტზე თბილისის მერიის თანამშრომელი დააკავა

საგამოძიებო უწყების ინფორმაციით, დეპუტატმა დაარწმუნა ერთ-ერთი მოქალაქე, რომ კავშირი აქვს თბილისის მერიასთან და მოაგვარებს დედაქალაქში მიწის ნაკვეთის კოეფიციენტის გაზრდის საკითხს. ამ საქმის მოსაგვარებლად მან 140 ათასი დოლარი მოითხოვა.

ეჭვმიტანილი 29 ივნისს დააკავეს, როდესაც ის თანხის ნაწილს – 30 ათას დოლარს იღებდა.

გამოძიებას განსაკუთრებით დიდი ოდენობით ქრთამის აღების ფაქტზე სუს-ის ანტიკორუფციული სააგენტო აწარმოებს. სასჯელი 11-დან 15 წლამდე პატიმრობას ითვალისწინებს.

ყველა ახალი ამბავი
0