საქართველოს ახალგაზრდა მორაგბეებმა ზედიზედ მესამე ტესტ-მატჩი წააგეს

© photo : Georgian Rugby / FBსაქართველოს და სამხრეთ აფრიკის ახალგაზრდა მორაგბეთა მატჩი
საქართველოს და სამხრეთ აფრიკის ახალგაზრდა მორაგბეთა მატჩი - Sputnik საქართველო, 1920, 28.06.2021
გამოწერა
ივლისის დასაწყისში საქართველოს ეროვნული ნაკრები სამხრეთ აფრიკის რესპუბლიკაში ორ ტესტ-მატჩს გამართავს მსოფლიოს მოქმედი ჩემპიონის - მასპინძელთა გუნდის წინააღმდეგ.

თბილისი, 28 ივნისი – Sputnik. საქართველოს რაგბის ახალგაზრდული ნაკრები (U-20) საერთაშორისო ამხანაგურ ტურნირში სამხრეთ აფრიკის გუნდთან ანგარიშით 0:42 დამარცხდა.

აფრიკული გუნდის მორაგბეებმა ნორჩი ბორჯღალოსნების ჩათვლის ზონაში ექვსი წარმატებული ლელო დაამიწეს. თითო დუბლი მიითვალეს ჰენკო ვან ვაიკმა და ჯორჯ კრონჯმა.

რაგბი. საქართველო-ნიდერლანდები - Sputnik საქართველო, 1920, 26.06.2021
საქართველოს მორაგბეთა ნაკრებმა თელავში ნიდერლანდების გუნდი გაანადგურა

საქართველოს ნაკრებისთვის ეს მარცხი ტურნირზე მესამე გახდა. პირველ მატჩში ჩვენი ახალგაზრდული ნაკრები დამარცხდა არგენტინასთან (10:82), შემდეგ ურუგვაისთან (15:20).

ტურნირის რეგლამენტით, ჯგუფში პირველ ორ ადგილზე გასულ გუნდებს შორის ურთიერთდაპირისპირებაში გამარჯვებული გამოვლინდება. საქართველოს ახალგაზრდული ნაკრები ურუგვაის გუნდს მესამე ადგილისთვის შეერკინება. ეს შეხვედრა 3 ივლისს გაიმართება.

აღსანიშნავია, რომ 2 და 9 ივლისს ისევ სამხრეთ აფრიკაში საქართველოს ეროვნული ნაკრები მსოფლიოს მოქმედ ჩემპიონთან - სამხრეთ აფრიკასთან ორ ტესტ-მატჩს გამართავს.

ყველა ახალი ამბავი
0