„კურსი შეგნებულად შეირჩა“: BBC-ს თვითმხილველმა ჟურნალისტმა შავი ზღვის ინციდენტი აღწერა

© photo: Sputnik / Igor Zarembo / ფოტობანკში გადასვლაბრიტანული ნაღმმზიდი
ბრიტანული ნაღმმზიდი - Sputnik საქართველო, 1920, 24.06.2021
შავ ზღვაზე გუშინ მომხდარი ინციდენტისას ბრიტანული ესკადრონული ნაღმმზიდის ბორტზე BBC-ს კორესპონდენტი იმყოფებოდა, რომელმაც საკუთარი თვალით ნანახი აღწერა.

თბილისი, 24 ივნისი − Sputnik. დიდი ბრიტანეთის ესკადრონულ ნაღმმზიდ HMS Defender-ის ბორტზე, რომელსაც, რუსეთის თავდაცვის სამინისტროს მიერ გავრცელებული ინფორმაციით, რუსულმა ფლოტმა და ავიაციამ გამაფრთხილებელი ცეცხლი გაუხსნეს შავ ზღვაში, ბრიტანული ტელეკომპანია BBC-ს კორესპონდენტი ჯონათან ბილი იმყოფებოდა, იუწყება ტელეკომპანია.

რუსეთის თავდაცვის უწყების ცნობით, 23 ივნისს HMS Defender-ი მოსკოვის დროით დილის 11:52 საათზე სამი კილომეტრით ღრმად შევიდა რუსეთის ტერიტორიულ წყლებში. ამის შემდეგ რუსულმა მხარემ ხომალდის ეკიპაჟი გააფრთხილა, რომ იარაღს გამოიყენებდნენ იმ შემთხვევაში, თუ ხომალდი იმავე კურსით განაგრძობდა სვლას.

საზღვრის დარღვევა: რუსულმა ფლოტმა და ავიაციამ ბრიტანულ ხომალდს ცეცხლი გაუხსნეს>>

აღნიშნულ გაფრთხილებაზე ბრიტანულ ეკიპაჟს რეაგირება არ მოუხდენია. შესაბამისად, უკვე 12:06 და 12:08 საათებზე რუსულმა სასაზღვრო-სანაპირო ხომალდმა გამაფრთხილებელი ცეცხლი გახსნა, ხოლო კიდევ ცხრა წუთის შემდეგ გამანადგურებელმა Су-24м ასევე გამაფრთხილებელი ბომბები ჩამოყარა ესკადრონული ნაღმმზიდის გზაზე. ბრიტანულმა Defender-მა რუსეთის ფედერაციის ტერიტორიული წყლები 12:23 საათზე დატოვა.

„კურსი შეგნებულად იყო არჩეული. HMS Defender-ს ყირიმის სანაპიროდან 12 მილის (19 კმ) დაშორებით უნდა ჩაევლო. კაპიტანი მოითხოვდა, რომ ხომალდს მხოლოდ უსაფრთხო კურსით ევლო საერთაშორისოდ აღიარებული მარშრუტით. ბრიტანულ ნაღმმზიდს ორი რუსული სასაზღვრო ხომალდი აცილებდა, რომლებიც ცდილობდნენ აეძულებინათ ის – შეეცვალა კურსი“, − წერს ჯონათან ბილი.

მისი თქმით, რუსი სამხედროების გაფრთხილება, რომ ამ კურსის გაგრძელების შემთხვევაში ცეცხლს გაუხსნიდნენ Defender-ს, კარგად ისმოდა რადიოში, რის შემდეგაც უკვე ზალპების ხმა გაისმა მოშორებით.

ლონდონი  - Sputnik საქართველო, 1920, 23.06.2021
სროლა შავ ზღვაში: ლონდონი მცირე განცხადებას ავრცელებს

როგორც ჯონათან ბილი წერს, ბრიტანულ ესკადრონულ ნაღმმზიდს რუსული გამანადგურებლებიც დასტრიალებდნენ თავს.

„ხომალდის კაპიტანმა ვინსენტ ოუენმა თქვა, რომ მან დაახლოებით ოცამდე თვითმფრინავი დათვალა“, − წერს ბილი.

რუსეთის თავდაცვის სამინისტრომ დიდი ბრიტანეთის სამეფო ფლოტის ესკადრონული ნაღმმზიდის მოქმედება შავ ზღვაში გაეროს კონვენციის უხეშ დარღვევად შეაფასა და მოუწოდა ბრიტანულ მხარეს, გამოიძიოს ინციდენტი.

ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური中国中文ჩინური
სამხრეთი ამერიკა
BrasilPortuguêsპორტუგალიური