თბილისი, 8 ივნისი − Sputnik. კომპანია Google-ის ხელმძღვანელობამ ბოდიში მოუხადა ინდოეთის შტატ კარნატაკაში მცხოვრებ ადამიანებს, რომლებიც კანადას ენაზე ლაპარაკობენ, იუწყება გაზეთი NY Times.
If Kannada is now called ugliest language in India, it is merely an attempt by @Google to insult this pride of Kannadigas. Demand apology from @Google ASAP to Kannada, Kannadigas. Legal action will be taken against @Google for maligning the image of our beautiful language! 2/2
— Aravind Limbavali (@ArvindLBJP) June 3, 2021
გავრცელებული ინფორმაციით, Google-ის საძიებო სისტემამ, გაურკვეველი მიზეზით, შეკითხვაზე „მსოფლიოს ყველაზე საზიზღარი ენა“, სწორედ კანადას ენა ამოაგდო, რომელზეც 40 მილიონამდე ადამიანი ლაპარაკობს.
კარნატაკის ხელისუფლება აღაშფოთა ფაქტმა. შტატის ენისა და კულტურის მინისტრმა არვინდ ლიმბავალიმ Twitter-ზე დაწერა, რომ კანადა − ეს ინდოეთის ერთ-ერთი უძველესი, უნიკალური ენაა და Google-სგან ბოდიშის მოხდა მოითხოვა.
აღსანიშნავია, რომ კომპანიამ მიმართვას დაუყოვნებლივ უპასუხა: აღიარა, რომ საძიებო სისტემამ არაკორექტულად იმუშავა და ვითარება სასწრაფოდ გამოასწორა.
მიუხედავად ამისა, Twitter-ის ერთ-ერთი მომხმარებელი წერს, რომ ახლა ენა კანადა Google-ის საძიებო სისტემაში ჩნდება შეკითხვაზე: „ყველაზე მახინჯი ენა ინდოეთის სამხრეთში“.
