საქართველოში შეიძლება გაზის იარაღის ტარების ნება დართონ – კანონპროექტი უკვე პარლამენტშია

© photo: Sputnik / Igor Mikhalev / გადასვლა მედიაბანკშიიარაღის მაღაზია
იარაღის მაღაზია - Sputnik საქართველო, 1920, 02.06.2021
გამოწერა
კანონპროექტის თანახმად, იკრძალება გაზის (აირის) იარაღის ღიად ტარება, ასევე მისი საჯაროდ დემონსტრირება

თბილისი, 2 ივნისი – Sputnik. საქართველოს პარლამენტში ინიცირებულია შესწორებები კანონში „იარაღის შესახებ“. ეს შესწორებები მოქალაქეებს გაზის იარაღის ტარების უფლებას მისცემს.

დაკავება - Sputnik საქართველო, 1920, 21.06.2018
სუპერმარკეტი, გაზის პისტოლეტი... და ბოლოს გისოსები

კანონპროექტში მითითებულია, რომ რადგანაც გაზის იარაღი დაცვის საშუალებაა და თავდაცვის ფუნქციას ასრულებს, მისი რეგისტრაცია ტარების უფლებით ხორციელდება, მაგრამ გარკვეული უფლებებით. აქამდე გაზის იარაღის ტარების ნებართვა მხოლოდ საჯარო სამართლის იურიდიული პირის წარმომადგენლებს ჰქონდათ.

კანონპროექტის მიხედვით, აკრძალული იქნება იარაღის ღიად, გამოსაჩენად ტარება, ასევე მისი ჩვენება საჯარო სივრცეში.

ამასთან, კანონპროექტის თანახმად, იკრძალება ხმოვანი (აკუსტიკური) იარაღის გამოყენება. მისი გამოყენება ნებადართულია მხოლოდ გარკვეული მიზნებისთვის, როგორიცაა თეატრალური წარმოდგენა, კინო ან ტელეშოუ, ისტორიული რეკონსტრუქციები, აღლუმები და სპორტული ღონისძიებები.

ეს გადაწყვეტილება აიხსნება იმით, რომ იარაღის ამ სახეობას არა აქვს თავდაცვითი ფუნქცია, ამიტომ ფიზიკურ პირებს მისი ტარება ეკრძალებათ.

საპატრულო პოლიცია - Sputnik საქართველო, 1920, 02.05.2021
კრიმინალი საქართველოში: შსს პირველი კვარტლის ახალ სტატისტიკას აქვეყნებს

„სტატისტიკის მიხედვით, 2020 წელს ხმოვანი იარაღის გამოყენებით განხორციელდა 18 ყაჩაღობა, ხოლო 2021 წელს (მიმდინარე წლის აპრილის მონაცემებით) – 8 ყაჩაღობა. 2020 წელს ხმოვანი იარაღის გამოყენებით ჩადენილი იყო 24 სხვა ძალადობრივი დანაშაულის ფაქტი, ხოლო 2021 წელს – 12 სხვა ძალადობრივი დანაშაული მთელი საქართველოს მასშტაბით. 2020-2021 წლებში 755 საქმეზე ამოღებული იყო გაზის (აირის), ხმოვანი და პნევმატური იარაღი“, – ნათქვამია კანონპროექტში.

კანონში „იარაღის შესახებ“ მკაფიოდ არის განსაზღვრული, თუ რას წარმოადგენს გაზის იარაღი. კერძოდ: გაზის (აირის) იარაღი – ლულაში ან დოლურაში ჭურვის ანდა საფანტის ჭურვების გასროლის გამომრიცხავი სპეციალური სტაციონარული მზღუდავის მქონე იარაღი (პისტოლეტი ან რევოლვერი), რომელიც განკუთვნილია ცრემლმდენი ან გამაღიზიანებელი ნივთიერებებით ცოცხალი ობიექტის დროებით მწყობრიდან გამოსაყვანად

საქართველოში იარაღის შეძენის წესებს ასევე კანონი „იარაღის შესახებ“ არეგულირებს.

ყველა ახალი ამბავი
0