თბილისი, 25 მაისი – Sputnik. ოპოზიციურმა პარტია „ევროპულმა საქართველომ“ გადაწყვიტა, რომ დამოუკიდებლობის დღე ცალკე, განსხვავებულად აღნიშნოს.
როგორც პარტიის ერთ-ერთმა ლიდერმა გიორგი კანდელაკმა განაცხადა, პარტია დამოუკიდებლობის დღეს მეტროს სადგურ „რუსთაველთან“ აღნიშნავს. მოეწყობა იმპროვიზებული გამოფენა, რომელიც პირველი დამოუკიდებელი რესპუბლიკის ისტორიის ცნობილ თუ ნაკლებად ცნობილ ეპიზოდებზე გვიამბობს. მსურველები შეძლებენ მაისურების მიღებას გმირი მედდის მარო მაყაშვილისა და დიდი საზოგადო მოღვაწის ექვთიმე თაყაიშვილის გამოსახულებით. პარტიული ღონისძიება 10-დან 13 საათამდე გაიმართება.
ამ დღეს ძირითადი ღონისძიება კი თავისუფლების მოედანზე ჩატარდება, სადაც გაიმართება ახალწვეულთა ფიცის დადების ცერემონია და სამხედრო ტექნიკის ჩვენება.
