რატომ გაუჩნდა კახა კუჭავას „ნამახვანჰესის“ მოწინააღმდეგეებთან შეხვედრის სურვილი

© Sputnik / STRINGERკახა კუჭავა
კახა კუჭავა - Sputnik საქართველო, 1920, 24.05.2021
გამოწერა
პარლამენტის თავმჯდომარე ხელისუფლებასა და საპროტესტო მოძრაობის მოლაპარაკებებში პარლამენტის ჩართვის შესაძლებლობას განიხილავს

თბილისი, 24 მაისი – Sputnik. საქართველოს პარლამენტის თავმჯდომარემ „ნამახვანჰესის“ მშენებლობის მოწინააღმდეგეებს შეხვედრა შესთავაზა, რათა გაიგოს, სურთ თუ არა მათ – ხელისუფლებასთან დიალოგში პარლამენტი ჩაერთოს.

მან მათ შეხვედრის ფორმატიც შესთავაზა. ამის შესახებ ჟურნალისტებს კახა კუჭავამ თავად განუცხადა.

ჰესის მშენებლობის მოწინააღმდეგეთა მსვლელობა - Sputnik საქართველო, 1920, 24.05.2021
ჰესის მშენებლობის მოწინააღმდეგეებმა იუსტიციის სახლთან მოძრაობა გადაკეტეს

„ნამახვანჰესის" მშენებლობის ათასობით მოწინააღმდეგე კვირას თბილისში საპროტესტო აქციაზე შეიკრიბა. მათ ხელისუფლებას ულტიმატუმი წაუყენეს და საკუთარი მოთხოვნების შესრულება მოითხოვეს. აქციის მონაწილეები მოითხოვენ მთავრობასა და თურქულ კონტრაქტორ კომპანია ENKA-სთან რიონზე ჰესის მშენებლობის შესახებ კონტრაქტის გაუქმებას, მთავრობის დადგენილების გაუქმებას ამ კომპანიისთვის მიწების ხანგრძლივად გადაცემის შესახებ, ეკონომიკის მინისტრის ნათია თურნავას გადადგომას, ასევე ქვეყნის ენერგოსექტორში მიმდინარე პროექტებზე დროებითი მორატორიუმის გამოცხადებას.

მთავრობისთვის წაყენებული ულტიმატუმის ვადის გასვლის შემდეგ საპროტესტო მოძრაობის ერთ-ერთმა ორგანიზატორმა ვარლამ გოლეთიანმა განაცხადა, რომ მას პარლამენტის თავმჯდომარე დაუკავშირდა და შეხვედრა შესთავაზა.

ღარიბაშვილი: ულტიმატუმის ენით მთავრობასთან ლაპარაკი არ შეიძლება>>

„შეხვედრასთან დაკავშირებით ვარლამ გოლეთიანს დავუკავშირდით, რათა გამეცნო და მომესმინა, რამდენად ხედავენ საშუალებას, რომ პარლამენტი ჩაერთოს ამ დისკუსიაში, შეიქმნას სპეციალური ჯგუფი და მოკლე ვადებში მოხდეს პოზიციების დაახლოება“, – განაცხადა კუჭავამ.

საპროტესტო აქცია - Sputnik საქართველო, 1920, 24.05.2021
„მაღლა აწეული ხელებით" – სად შესთავაზეს კუჭავას „რიონის ხეობის მცველებმა" შეხვედრა

მისი თქმით, მოლაპარაკებების პროცესი საჯარო და გამჭვირვალე უნდა იყოს. ის წინადადებით გამოვიდა, რომ შეხვედრა პირდაპირ გადაიცეს სოციალური ქსელის მეშვეობით.

„ისინი თუ ჩათვლიან, რომ ფორმატი, რომელსაც შევთავაზებთ, მისაღები იქნება, დიდი სიამოვნებით გავაგრძელებთ სრულიად გამჭვირვალედ ამ პროცესში ყველა ჩართული მხარის მონაწილეობას, ლაივი იქნება ეს, ტელევიზია თუ სოციალური ქსელები“, – აღნიშნა კუჭავამ.

შეხვედრა პარლამენტის თავმჯდომარესთან არ გაიმართა, აქციის მონაწილეები მარშით რუსთაველის გამზირიდან იუსტიციის სახლისკენ გაემართნენ და მოძრაობა გადაკეტეს.

როგორც ვარლამ გოლეთიანმა განაცხადა, თუ მთავრობა მათი მოთხოვნების შესრულებაზე უარს იტყვის, ისინი „ქალაქის პარალიზებას“ მოახდენენ.

ყველა ახალი ამბავი
0