თბილისი, 23 მაისი - Sputnik. ქართველმა სუმოისტმა ლევან გორგაძემ, იგივე ტოჩინოშინმა ნაცუ ბაშო უარყოფითი ბალანსით დაასრულა. ქართველი სპორტსმენის ანგარიშზეა ხუთი მოგები და 10 წაგება.
ტურნირის დასკვნით დღეს ტოჩინოშინი აღმოსავლეთის მაეგაშირა კაისეიუსთან დამარცხდა.
ამჟამინდელი ნაცუ ბაშო ტოჩინოშინმა აღმოსავლეთის მეშვიდე მაეგაშირას რანგში დაიწყო. გორგაძის უარყოფითი ბალანსი ნიშნავს, რომ მსოფლიოს უძლიერესი სუმოისტების განახლებულ რეიტინგში, რომელიც 21 ივნისს გამოქვეყნდება, მისი პოზიციები მნიშვნელოვნად გაუარესდება.
იმპერატორის თასის გამარჯვებულია ოძეკი ტერუნოფუძი, რომელმაც დამატებით სუპერფინალში ოძეკი ტაკაკეისიო დაამარცხა და ჯილდო თავის კარიერაში მეოთხედ მოიპოვა.
