თბილისი, 14 მაისი – Sputnik. თბილისში სამართალდამცველებმა განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით ერთი პირი დააკავეს, ნათქვამია შინაგან საქმეთა სამინისტროს მიერ გავრცელებულ განცხადებაში.
გამოძიებამ დაადგინა, რომ წარსულში ნასამართლევი 1994 წელს დაბადებული პირი განსაკუთრებით დიდი ოდენობით ნარკოტიკულ საშუალება ჰეროინს ინახავდა, რომელიც სამართალდამცველებმა ნივთმტკიცების სახით ამოიღეს.
გამოძიება სსკ-ის 260-ე მუხლის მეექვსე ნაწილის „ა“ ქვეპუნქტით მიმდინარეობს, რაც განსაკუთრებით დიდი ოდენობით ნარკოტიკული საშუალების მართლსაწინააღმდეგო შეძენა-შენახვას გულისხმობს. აღნიშნული დანაშაული 8-დან 20-წლამდე, ან უვადო თავისუფლების აღკვეთას ითვალისწინებს.