საქართველოში წვევამდელები სამხედრო სამსახურს მხოლოდ თავდაცვის ძალებში გაივლიან

© photo: Sputnik / David Khizanishvili / გადასვლა მედიაბანკშისაქართველოს ჯარისკაცები
საქართველოს ჯარისკაცები - Sputnik საქართველო, 1920, 13.05.2021
გამოწერა
საქართველოში სავალდებულო სამხედრო სამსახურში 12 თვით გაწვევას 18–დან 27 წლამდე მამაკაცები ექვემდებარებიან.

 

თბილისი, 13 მაისი - Sputnik. საქართველოს თავდაცვის სამინისტრომ შეიმუშავა თავდაცვის ახალი კოდექსის პროექტი, რომელიც სხვა სიახლეებთან ერთად სავალდებულო სამხედრო სამსახურში გაწვევის წესების შეცვლას ითვალისწინებს. ამის შესახებ განაცხადა თავდაცვის მინისტრმა ჯუანშერ ბურჭულაძემ პარლამენტში „მინისტრის საათის“ ფორმატში სიტყვით გამოსვლისას.

სამხედროები ბლოკპოსტზე - Sputnik საქართველო, 1920, 01.05.2021
საქართველოში ჯარში სამსახურისგან თავის არიდება გართულდა: კანონში ცვლილება ამოქმედდა

საქართველოში სავალდებულო სამხედრო სამსახურში 12 თვით იწვევენ 18–დან 27 წლამდე ახალგაზრდებს.

„შემუშავებულია კოდექსის ახალი პროექტი, რომელიც ითვალისწინებს სამსახურის გავლას მხოლოდ თავდაცვის სამინისტროს სისტემაში, სავალდებულო სამხედრო სამსახურის ვადის შემცირებას და სხვა სიახლეებს“, - განაცხადა ბურჭულაძემ.

მისი თქმით, პროექტი პარლამენტს უახლოეს დროს წარედგინება.

„აღნიშნული რეფორმის მიზანია სავალდებულო სამხედრო სამსახურის მეტი პოპულარიზაცია, ერთიანი სტანდარტით გაწვრთნილი სამხედრო მოსამსახურეებისა და რეზერვის შექმნა. დარწმუნებული ვარ, თქვენთან მჭიდრო კონსულტაციით და თანამშრომლობით შევძლებთ ქვეყნისთვის მნიშვნელოვანი რეფორმის გატარებას“, - მიმართა ბურჭულაძემ დეპუტატებს.

Javelin-ის სარაკეტო კომპლექსი - Sputnik საქართველო, 1920, 13.05.2021
საქართველო Javelin-ის სარაკეტო სისტემების დამატებით პარტიას შეიძენს

ჯარში სამსახურის პოპულარიზაცია თავდაცვის სამინისტროს ერთ-ერთ მთავარ პრიორიტეტს წარმოადგენს. საქართველოში რეკრუტირების ცენტრების ამოქმედებას გეგმავენ. გარდა ამისა, შემოღებულია ანაზღაურებადი სარეზერვო სამსახური, ასევე სკოლებში მიმდინარეობს სამხედრო სამსახურის პოპულარიზაცია.

მიუხედავად ამისა, თავდაცვის სამინისტროში შეზღუდული ადგილების გამო ბევრი ახალგაზრდა სამხედრო სამსახურში გაწვევისგან თავის არიდებას ცდილობს.

ჯარში ხვდება მხოლოდ წვევამდელთა მესამედი, დანარჩენები სხვადასხვა უწყებებში ნაწილდებიან - პენიტენციურ სამსახურში, შსს-ს გასამხედროებული ქვედანაყოფში, საქართველოს სახელმწიფო დაცვის სპეციალური სამსახურში და დაცვის პოლიციაში.

ყველა ახალი ამბავი
0