რა და რამდენი ითესება საქართველოში: ბოლო მონაცემები

© photo: press-service Ministry of Agriculture of Georgia მოსავლის აღება ახალქალაქში
მოსავლის აღება ახალქალაქში - Sputnik საქართველო, 1920, 18.04.2021
გამოწერა
2020 წელს ერთწლიანი კულტურები მეტ ფართობს იკავებდა, ვიდრე 2019 წელს და ძირითად ნაწილს სიმინდის, ხორბლის, ქერისა და კარტოფილის ნათესები შეადგენდა

თბილისი, 18 აპრილი – Sputnik. საქართველოში 2020 წელს სასოფლო-სამეურნეო პროდუქციის წარმოება გაიზარდა, ამასთან გაცილებით მეტი ითესება ისეთი კულტურები, როგორიცაა ხორბალი, სიმინდი და კარტოფილი, ნათქვამია „საქსტატის“ მასალებში.

რთველში ყველა მონაწილეობს: ოჯახის წევრები, ნათესავები, მეზობლები, სტუმრები. აქ შემთხვევით არავინ ხვდება - ყველა მონაწილეობს ერთ დიდ საქმეში - Sputnik საქართველო, 1920, 03.11.2020
როგორ აღნიშნავენ საქართველოში რთველის დასასრულს – ფოტო

სოფლის მეურნეობის განვითარება არის საქართველოს მთავრობის პოლიტიკის ერთ-ერთი მთავარი მიმართულება. კორონავირუსის პანდემიის მიუხედავად, საგანგებო მდგომარეობის დროსაც კი არ წყდებოდა მიწის დამუშავება და სოფლის მეურნეობის პროდუქტების მოყვანა.

„საქსტატის“ მონაცემების თანახმად, 2020 წელს ერთწლიანი კულტურები დაითესა 211,3 ჰექტარ მიწაზე, რაც 4,1%-ით მეტია, ვიდრე 2019 წელს. ამავე დროს, ძირითადი ნაწილი ეკავა სიმინდის, ხორბლის, ქერისა და კარტოფილის კულტურებს.

ამავე მონაცემებით, ხორბლის წარმოება 2019 წელთან შედარებით 0,6%-ით გაიზარდა და 101,2 ათასი ტონა შეადგინა. სიმინდის წარმოება 27%-ით გაიზარდა და 263 ათასი ტონა შეადგინა, კარტოფილის კი - 10,8% -ით და 215,7 ათასი ტონა შეადგინა.

გარდა ამისა, 11,8%-ით გაიზარდა სხვა ბოსტნეულის წარმოება და 1,8 მლნ ტონას გაუტოლდა.

მოსავლიანობა

„საქსტატის“ მონაცემებით, 2020 წელს სიმინდის, კარტოფილის და სხვა ბოსტნეულის მოსავლიანობა გაიზარდა, ამასთან ხორბლისა და ქერის მოსავლიანობა შემცირდა.

პროდუქციის სახეობა საშუალო მოსავლიანობა ტონა/ჰექტარი
ხორბალი          2,2
ქერი          1,9
კარტოფილი 13,2
სიმინდი  3,1
პომიდორი       15,2
კიტრი      13,3
კომბოსტო        26,2
ხახვი         7,6
ნიორი 3,1

საქართველოს ბაღები

საქართველოში გაიზარდა ასევე ხილისა და კაკლოვანების წარმოებაც. თესლოვანი ხილის (ვაშლი, მსხალი, კომშის და სხვა) წარმოების მაჩვენებელი 2020 წელს გასულ წელთან შედარებით 93,4%-ით გაიზარდა.

საბადურის ტყე - Sputnik საქართველო, 1920, 11.01.2021
საქართველოში ტყის კოდექსი ამოქმედდა

იმავე პერიოდში კურკოვანი ხილის (ქლიავი, გარგარი, ატამი და სხვა) წარმოება 64,2%-ით გაიზარდა.

კაკლოვანი ხილის წარმოებამ 2020 წელს შეადგინა 40,9 ათასი ტონა, თესლოვანი ხილის - 101,9 ათასი ტონა, ციტრუსების - 57,1 ათასი ტონა, სუბტროპიკული ხილის - 9,9 ათასი ტონა, ხოლო კურკოვანი ხილის - 63,2 ათასი ტონა.

სახელმწიფო ზრუნავს ბაღების განვითარებაზე. სოფლის მეურნეობის წარმოების სტიმულირების მიზნით, 2015 წლის მარტში ქვეყანაში პროგრამა „დარგე მომავალი" ამოქმედდა. პროგრამის ფარგლებში ფერმერებს ხეხილის ბაღების განახლებისა და გაშენების მიზნით ნერგების შესაძენად გაწეულ ხარჯებს უფინანსებენ.

დახმარების პროგრამები

2020 წელს საქართველოს ხელისუფლებამ სასოფლო-სამეურნეო პროდუქციის წარმოების წახალისების მიზნით დამატებითი შეღავათები შემოიღო.

მაგალითად, პროგრამა „ზრუნვა სოფელზე და ფერმერებზე“ ფარგლებში ფერმერებისთვის ხელმისაწვდომი გახდა შეღავათიან ფასად დიზელის საწვავი, რომლის შესაძენად ბარათები 123,7 ათასზე მეტმა ფერმერმა მიიღო.

მიწის დამუშავება ხულოში - Sputnik საქართველო, 1920, 31.03.2021
შვეიცარია საქართველოს სოფლის მეურნეობის განვითარებისთვის წლიურად 10 მლნ დოლარს გამოუყოფს

გარდა ამისა, წახალისების პროგრამის ფარგლებში 172 ათასზე მეტ ფერმერს სპეციალურ აგრობარათებზე აგროქულები დაერიცხათ.

საუბარია ფერმერებზე, რომლებიც ლეგალურად ფლობენ 0,25-დან 10 ჰექტრამდე ფართობის დარეგისტრირებულ მიწის ნაკვეთებს. ერთ ჰექტარზე 200 ლარი ირიცხება.

აგრობარათებით ფერმერებს შეუძლიათ სასუქებისა და მცენარეთა დამცავი პრეპარატების, ქიმიური და ბიოლოგიური საშუალებების, თესლისა და ნერგების შეძენა, ასევე აგროტექნიკის მომსახურების საფასურის გადახდა.

„შეღავათიანი აგროკრედიტის“ პროგრამის ფარგლებში სახელმწიფო ერთწლიანი კულტურების მოყვანაზე მიმდინარე ხარჯების დასაფარად საბანკო კრედიტების ექვსთვიანი საპროცენტო განაკვეთის 100%-იან სუბსიდირებას ახდენს.

ყველა ახალი ამბავი
0