ფოთის №12  სკოლა შესაძლოა სწავლების დისტანციურ რეჟიმზე გადავიდეს

© Sputnik / STRINGER თერმოსკრინინგი სკოლაში
თერმოსკრინინგი სკოლაში - Sputnik საქართველო, 1920, 09.04.2021
გამოწერა
НовостиTelegram
საქართველოში ბოლო 24 საათში გამოვლენილი კორონავირუსის 777 ახალი დადასტურებული შემთხვევიდან 91 სამეგრელო–ზემო სვანეთში  დაფიქსირდა

 

თბილისი, 9 აპრილი - Sputnik. ფოთის №12 საჯარო სკოლაში გამოვლენილი ინფიცირების შემთხვევის გამო, სასწავლო დაწესებულება, შესაძლოა, 12 აპრილიდან ონლაინ–სწავლების რეჟიმზე გადავიდეს. 

თერმოსკრინინგი სკოლაში - Sputnik საქართველო, 1920, 07.04.2021
ქობულეთში ორი სკოლა მუშაობის დისტანციურ რეჟიმზე გადავიდა

ფოთის რესურს–ცენტრის უფროსის გოჩა ქორქიას განცხადებით, გეგმური ტესტირებისას კორონავირუსი ერთ–ერთ პედაგოგს გამოუვლინდა.

„გამომდინარე იქიდან, რომ ინფიცირებულ პედაგოგს შეხება ჰქონდა სხვადასხვა კლასების მოსწავლეებთან და თავის კოლეგებთან, სავარაუდოდ, მივიღებთ გადაწყვეტილებას, რომ 12 აპრილიდან 26 აპრილის ჩათვლით,  სკოლა მთლიანად გადავიყვანოთ დისტანციური სწავლების რეჟიმზე“, - განაცხადა ქორქიამ.

მისი თქმით, ფოთის მასშტაბით სწავლების დისტანციურ რეჟიმზე ამ დროისთვის შვიდი სკოლის ცალკეული კლასია გადასული.  ინფიცირებული მოსწავლეების რაოდენობა კი ათს შეადგენს.

 

 

ყველა ახალი ამბავი
0