ქვემოთ რამდენიმე გამოცდილ ხერხს გაგაცნობთ.
სუნთქვის მეთოდი
რამდენჯერმე ღრმად ჩაისუნთქეთ და მერე მცირე ხნით შეიკავეთ სუნთქვა. პარალელურად შეეცადეთ, ყურადღება სხვა რამეზე გადაიტანოთ. როგორც პრაქტიკა აჩვენებს, ამ მეთოდით საკმაოდ სწრაფად შეიჩერებთ საყლაპავისა და დიაფრაგმის სპაზმებს, შესაბამისად - სლოკინს.
რეფლქტორული მეთოდი
დააჭირეთ ენის ძირს თითები ისე, თითქოს პირღებინების გამოწვევას ცდილობთ. ამით სწრაფად მოიხსნით სლოკინის გამომწვევ სპაზმებს საყლაპავსა და დიაფრაგმაში.
წყლის მეთოდი
გადაიხარეთ წინ და შეეცადეთ, ნელ-ნელა, პატარა ყლუპებით დალიოთ წყალი დიდი ჭიქით.
პრესის ვარჯიშის მეთოდი
თუ სლოკინი შინ დაგეწყოთ და არა ვთქვათ, ტრანსპორტში, ქუჩაში ან სამსახურში, კარგი იქნება, თუ პრესის ვარჯიშებს გააკეთებთ. ამბობენ, რომ ეს საკმაოდ ეფექტური ხერხია სლოკინთან საბრძოლველად. ოღონდ ვარჯიში უნდა განაგრძოთ მანამ, სანამ შეტევა არ გადაგივლით.
შაქრის მეთოდი
დაიყარეთ ენის წვერზე ცოტაოდენი შაქრის ფხვნილი და მაშინვე გადაყლაპეთ, რათა არ გადნეს.
ნერწყვის მეთოდი
გადაწიეთ თავი შეძლებისდაგვარად უკან და გადაყლაპეთ ნერწყვი. ეცადეთ, ეს მაქსიმალურად უკან გადაწეული თავით გააკეთოთ. პირადი გამოცდილებიდან გიდასტურებთ, რომ ეს ყველაზე უებარი და უსწრაფესი მეთოდია.
