დავითაშვილი: მწვანე ეკონომიკის განვითარება ქვეყნისთვის ერთ-ერთი მნიშვნელოვანი მიმართულებაა

© Government of Georgiaლევან დავითაშვილი
ლევან დავითაშვილი - Sputnik საქართველო, 1920, 26.03.2021
გამოწერა
მწვანე ეკონომიკა – ეკონომიკური განვითარების ის მოდელია, რომელიც სტაბილურ განვითარებასა და ეკოლოგიური ეკონომიკის ცოდნაზეა დაფუძნებული.

თბილისი, 26 მარტი – Sputnik. საქართველოს მთავრობა მწვანე ეკონომიკას ქვეყნის მომავალი განვითარების ერთ-ერთ უმთავრეს საშუალებად განიხილავს, განაცხადა საქართველოს გარემოს დაცვისა და სოფლის მეურნეობის მინისტრმა ლევან დავითაშვილმა გაეროს გლობალური შეთანხმების ონლაინ–სამიტის ფარგლებში გამართულ რეგიონულ კონფერენციაზე „გლობალური მიზნების დასახვა ადგილობრივი ბიზნესისთვის – საქართველო“. 

სასოფლო-სამეურნეო სამუშაოები შიდა ქართლში - Sputnik საქართველო, 1920, 24.01.2021
კლიმატი და სოფლის მეურნეობა პანდემიის პერიოდში: რა განიხილეს მინისტერიალზე

მინისტრმა კონფერენციის მონაწილეებს ქვეყნის კლიმატის ცვლილების სტრატეგიის (2030) და სამოქმედო გეგმის ძირითადი მიმართულებები გააცნო და ყურადღება კლიმატგონივრული სოფლის მეურნეობის სტაბილური განვითარების მნიშვნელობაზე გაამახვილა.

„კლიმატის ცვლილების შერბილებისთვის საქართველო აქტიურად მუშაობს ეროვნულ დონეზე განსაზღვრული სათბური აირების შემცირების მიმართულებით. სახელმწიფოს მიერ შემუშავებული სწორი პოლიტიკის ეფექტიანი შედეგის მისაღებად მსოფლიოს სხვა ქვეყნებთან პარტნიორულ თანამშრომლობას ჩვენთვის გადამწყვეტი მნიშვნელობა აქვს”, – განაცხადა დავითაშვილმა.

კონფერენციის ფარგლებში საუბარი შეეხო სტაბილური განვითარების მიზნების მიღწევის პერსპექტივებსა და ქვეყნების მიერ „პარიზის შეთანხმებით“ გათვალისწინებული მოთხოვნების შესრულების მნიშვნელობის საკითხს.

„გლობალური შეთანხმების ადგილობრივი ქსელის“ მიერ ორგანიზებულ კონფერენციას ცენტრალური და აღმოსავლეთი ევროპის ქვეყნების სამთავრობო, ბიზნეს-სექტორის და საერთაშორისო ორგანიზაციების წარმომადგენლები ესწრებოდნენ.

 

ყველა ახალი ამბავი
0