თბილისი, 22 მარტი – Sputnik. საქართველოს ყოფილი პრემიერ-მინისტრი გიორგი გახარია თავის პოლიტიკურ დღის წესრიგზე მუშაობს, ამის შესახებ მან თავის Twitter-აკაუნტში დაწერა.
გიორგი გახარიას გადადგომის შემდეგ მისი პოლიტიკაში შესაძლო დარჩენის საკითხი მუდმივად იყო განხილვის საგანი, თუმცა თავად გახარიამ ეს საჯაროდ დღეს პირველად დაადასტურა. როგორც მან ჟურნალისტებთან განაცხადა, პოლიტიკიდან წასვლას არ აპირებს და თავისი გეგმების შესახებ უახლოეს მომავალში ისაუბრებს.
ახალი განცხადება მან ერთი საათის წინ გაავრცელა.
„დღეს მე განვაცხადე, რომ ვრჩები საქართველოს პოლიტიკაში. ამჟამად ვმუშაობ ჩემი პოლიტიკური დღის წესრიგის განსაზღვრაზე. საქართველოს სჭირდება პოლიტიკური პოლარიზაციის აღმოფხვრა და ევროპული მომავლისთვის რეალური დღის წესრიგის შემუშავება“, - წერს გახარია.
Today I declared that I am staying in politics of #Georgia. Currently I am working on defining my political agenda. 🇬🇪 needs elimination of political polarization and elaboration of the real agenda for its European future.
— Giorgi Gakharia (@GakhariaGiorgi) March 22, 2021
გახარიამ თანამდებობა 18 თებერვალს დატოვა. ის მას შემდეგ გადადგა, რაც თავის გუნდთან – „ქართულ ოცნებასთან“ „ერთიანი ნაციონალური მოძრაობის“ თავმჯდომარის ნიკა მელიას დაპატიმრების საკითხზე ვერ შეთანხმდა.
