მთის კურორტები ჯანდაცვის სამინისტროს ყველა რეკომენდაციის გათვალისწინებით მუშაობენ

© Facebook / Mountain Resorts of Georgiaსაბაგირო
საბაგირო - Sputnik საქართველო, 1920, 15.03.2021
გამოწერა
ზამთრის კურორტები მუშაობის ჩვეულ რეჟიმს მიმდინარე წლის 8 მარტიდან დაუბრუნდნენ, დამსვენებლებს რიგი რეგულაციების დაცვა მოეთხოვებათ.

თბილისი, 15 მარტი – Sputnik. საქართველოს ოთხივე მთის კურორტზე – გუდაურში, ბაკურიანში, გოდერძსა და მესტიაში საბაგიროები ეპიდემიოლოგიური წესებისა და ნორმების ყველა წესის დაცვით ფუნქციონირებენ, იუწყება საქართველოს მთის კურორტების განვითარების კომპანია. 

სპორტდარბაზი - Sputnik საქართველო, 1920, 15.03.2021
რა შეზღუდვები იხსნება საქართველოში 15 მარტიდან

საბაგიროებში განსაზღვრულია ადამიანთა რაოდენობა, ბადეების საშუალებით მოწყობილია საბაგიროებთან მისასვლელი დერეფნები, სადაც ადამიანთა ნაკადი დაცვის პოლიციის თანამშრომელთა მიერ კონტროლდება. საბაგიროებში ნიღბის გარეშე არც ერთი მომხმარებელი არ დაიშვება.

კომპანიაში უკმაყოფილებას გამოთქვამენ სოციალურ ქსელებში გავრცელებულ ინფორმაციასთან დაკავშირებით, თითქოსდა ადგილებზე არ ხდება რეკომენდაციებისა და წესების დაცვა.

„მთის კურორტების განვითარების კომპანიისა და დაცვის პოლიციის თანამშრომლები ყველაფერს აკეთებენ, რათა სამთო კურორტებზე დაცული იყოს ეპიდემიოლოგიური სტანდარტები და რეგულაციები, რაც აუცილებელია კურორტებზე არსებული საბაგიროების სრულფასოვანი ფუნქციონირებისთვის“, – ნათქვამია განცხადებაში.

8 მარტიდან ზამთრის კურორტები გაიხსნა, თუმცა რიგი შეზღუდვების მოქმედება კვლავ გრძელდება. დადგენილი რეგლამენტის თანახმად, გონდოლებში ერთდროულად მხოლოდ სამი ადამიანის ყოფნაა დაშვებული.

ყველა ახალი ამბავი
0