რა შეზღუდვები იხსნება საქართველოში 15 მარტიდან

© photo: Sputnik / Sergey Simov / გადასვლა მედიაბანკშისპორტდარბაზი
სპორტდარბაზი - Sputnik საქართველო, 1920, 15.03.2021
გამოწერა
НовостиTelegram
ქვეყანაში კვლავ რჩება 21:00 საათიდან 05:00 საათამდე ქუჩაში გადაადგილებაზე დაწესებული შეზღუდვა, ასევე მოქმედებს პირბადის სავალდებულო ტარების რეჟიმი როგორც დახურულ, ისე ღია სივრცეში.

თბილისი, 15 მარტი – Sputnik. საქართველოში ორშაბათიდან, 15 მარტიდან კოვიდ-შეზღუდვების შემსუბუქების მორიგი ეტაპი იწყება. 

სოსო ფხაკაძე - Sputnik საქართველო, 1920, 09.03.2021
საქართველოს ბიზნეს ასოციაციაში კომენდანტის საათის გადაწევის აუცილებლობაზე საუბრობენ

ქვეყანაში გართულებული ეპიდვითარების ფონზე 28 ნოემბრიდან ამოქმედებული შეზღუდვების ეტაპობრივი შემსუბუქების გეგმა საქართველოს პრემიერ-მინისტრმა ირაკლი ღარიბაშვილმა თებერვლის ბოლოს წარმოადგინა.

15 მარტიდან:

– მუშაობას განაახლებენ სპორტული დარბაზები, სატრენაჟორო და ფიტნეს-ცენტრები;

– უმაღლეს სასწავლო დაწესებულებებსა და პროფესიულ სასწავლებლებს საშუალება ეძლევათ, სრულად აღადგინონ საგანმანათლებლო საქმიანობა და სალექციო სასწავლო პროცესი აუდიტორიებში;

– განახლდება სასკოლო წრეების მუშაობა;

– თეატრები, სპორტული კლუბები, პროფესიული ანსამბლები რეპეტიციებსა და ვარჯიშებს განაახლებენ, 1 აპრილიდან კი სრულყოფილად შეძლებენ საქმიანობას. 

მუსიკოსები რესტორანში - Sputnik საქართველო, 1920, 07.03.2021
როდის აღდგება რესტორნების შიდა სივრცეებში ცოცხალი მუსიკის შესრულება

1 მარტიდან მუშაობა განაახლეს მუზეუმებმა და ბიბლიოთეკებმა, ბათუმის რესტორნებმა დაიწყეს შიდა სივრცეში მომხმარებლის მიღება (გარდა შაბათ-კვირისა), ნებადართულია კონფერენციებისა და ტრენინგების ჩატარება, ფუნქციონირება დაიწყეს საბავშვო ბაღებმა, უმაღლეს სასწავლებლებსა და პროფსასწავლებლებში ნებადართული გახდა კლინიკური, პრაქტიკული, ლაბორატორიული საქმიანობა და გამოცდების ჩაბარება. სამთო კურორტებზე მუშაობა განაახლეს სასტუმროებმა, აღდგა საქალაქთაშორისო ტრანსპორტი.

საქართველოში 8 მარტიდან სამთო კურორტებზე მუშაობა განაახლეს საბაგიროებმა, ქვეყნის მასშტაბით რესტორნებმა დაიწყეს მომხმარებლის შიდა სივრცეში მიღება (შაბათ-კვირის გარდა), აღდგა სავაჭრო ცენტრებისა და ბაზრობების მუშაობა უქმე დღეებშიც.

ამჟამად კვლავ ძალაში რჩება 21:00 საათიდან 05:00 საათამდე ქუჩაში გადაადგილების აკრძალვა. „კომენდანტის საათის“ დარღვევა ითვალისწინებს ჯარიმას 2 ათასი ლარის ოდენობით ფიზიკური პირის შემთხვევაში და 10 ათასი ლარის – იურიდიული პირის შემთხვევაში. 

 

ყველა ახალი ამბავი
0