თბილისი, 14 მარტი - Sputnik. შინაგან საქმეთა სამინისტრო უახლოეს დღეეში შეიტანს სარჩელს ოპოზიციური ტელეარხ Formula-ს წინააღმდეგ ცრუ ინფორმაციის გავრცელებისთვის, შსს-ს განცხადებას „პირველი არხი“ ავრცელებს.
საუბარია ტელეარხის ეთერში გასულ რამდენიმე სიუჟეტზე, სადაც საუბარია იმაზე, რომ თითქოს პოლიციის თანამშრომლები პანდემიის პირობებში მთავრობის მიერ დაწესებული შეზღუდვების დროს სამსახურებრივი ავტომანქანებით უკანონო საქმიანობას ეწევიან.
„აღნიშნული ტელეკომპანია, არაერთი წარუმატებელი მცდელობის შემდეგ, კვლავ აგრძელებს მაყურებლის შეცდომაში შეყვანას და ამ გზით საზოგადოებაში პოლიციის მიმართ ნდობის შესუსტებას“, - ნათქვამია განცხადებაში.
შსს-ს მონაცემებით, ერთ-ერთი სიუჟეტის ავტორი ამტკიცებს, თითქოს პოლიციელები კანონს არღვევენ და პროსტიტუციაში ჩაბმულ მოქალაქეებს მფარველობენ. თუმცა არც ერთ სიუჟეტში პოლიციელების მიერ კანონის დარღვევის არც ერთი ფაქტის მტკიცებულება არ გაჟღერებულა.
ამიტომ უწყება საკუთარი თანამშრომლების ღირსებას სასამართლოში დაიცავს.
