თბილისი, 12 მარტი – Sputnik. სერვერებზე შექნილი ტექნიკური ხარვეზი აღმოფხვრილია, ტელეკომპანია „იმედმა” და „იმედის” ჰოლდინგში შემავალმა „მაესტრომ” და GDS-მა მაუწყებლობა განაახლეს, იუწყება ტელეკომპანია „იმედი".
რამდენიმე საათის წინ ტელეკომპანია „იმედის“, აგრეთვე ჰოლდინგში შემავალი „მაესტროსა“ და GDS-ის სერვერები დაუდგენელი მიზეზით მწყობრიდან გამოვიდა.
სერვერების მწყობრიდან გამოსვლის მიზეზი ჯერჯერობით უცნობია. ტექნიკური სამსახური შეფერხების გამომწვევი მიზეზების დადგენას ცდილობს.
ტელეკომპანია „იმედის” და „იმედის” ჰოლდინგში შემავალი „მაესტროსა” და GDS-ის მაუწყებლობა დაახლოებით 40 წუთის განმავლობაში შეწყვეტილი იყო. ამ პერიოდში შეფერხებით მუშაობდა ვებ-გვერდი imedinews.ge.
ტელეკომპანია ბოდიშს უხდის ტელემაყურებლებს და ვებ-გვერდის მომხმარებლებს შეფერხებისთვის.
