ვოლოდინი: რუსეთი თანმიმდევრულად აღწევს თავს დოლარზე დამოკიდებულებას

© photo: Sputnik / Vladimir Trefilov / გადასვლა მედიაბანკშირუსული რუბლი და აშშ დოლარი
რუსული რუბლი და აშშ დოლარი - Sputnik საქართველო, 1920, 11.03.2021
გამოწერა
რუსი მაღალჩინოსნების თქმით, ქვეყანამ საგრძნობლად შეამცირა ამერიკულ დოლარზე დამოკიდებულება და კვლავაც განაგრძობს ამ მიმართულებით მუშაობას.

თბილისი, 11 მარტი — Sputnik. რუსეთი ეტაპობრივად აღწევს თავს დოლარზე დამოკიდებულებას, განუცხადა ჟურნალისტებს სახელმწიფო სათათბიროს სპიკერმა ვიაჩესლავ ვოლოდინმა. 

„მაგალითად, ევრაზიის ეკონომიკური კავშირის ფარგლებში ეროვნულ ვალუტებში ანგარიშსწორება 74%-მდე გაგვეზარდა. გეგმაზომიერად ვზრდით ეროვნულ ვალუტებში ვაჭრობას ჩინეთთან და თურქეთთან“, — აღნიშნა მან.

ვოლოდინის თქმით, თებერვლის ბოლოს რუსეთმა შეცვალა ეროვნული კეთილდღეობის ფონდის სახსრების სავალუტო სტრუქტურა, ჩართო რა მასში იაპონური იენი და ჩინური იუანი.

ამერიკული დოლარი - Sputnik საქართველო, 1920, 24.02.2021
სტრატეგიული სვლა: რუსეთმა მილიარდები ჩადო აშშ–ის სახელმწიფო ობლიგაციებში

ამასთანავე სპიკერმა ხაზი გაუსვა, რომ აშშ დოლარისა და ევროს წილი 45%-დან 35%-მდე შემცირდა, ხოლო ბრიტანული გირვანქა სტერლინგის წილი 10%-ზე დარჩა.

მანამდე ფედერაციის საბჭოს თავმჯდომარემ ვალენტინა მატვიენკომ РИА Новости-სთან ინტერვიუში განაცხადა, რომ რუსეთში ამერიკული დოლარი ბრუნვაში რჩება, თუმცა საჭიროა, რომ შემცირდეს ქვეყნის ეკონომიკის მასზე დამოკიდებულება.

მატვიენკომ ასევე აღნიშნა, რომ რუსეთის ოქროს რეზერვები უკვე ბევრად ნაკლებადაა დამოკიდებული დოლარზე და არსებობს სხვა ხელშესახები შედეგებიც: ბოლო ათი წლის განმავლობაში მოსკოვის დაბანდებები შეერთებული შტატების სახელმწიფო ობლიგაციებში 30-ჯერ შემცირდა.

საგარეო საქმეთა მინისტრის მოადგილემ სერგეი რიაბკოვმა კი სააგენტო „ბლუმბერგთან“ განაცხადა, რომ რუსეთმა აუცილებლად უნდა შეამციოს დოლარის როლი ნებისმიერ ოპერაციაში და აღმოფხვრას „გამუდმებული მტრული ნაბიჯების შხამიან წყაროზე დამოკიდებულება“.

ყველა ახალი ამბავი
0