თბილისი, 7 მარტი - Sputnik. ხვალ, ქალთა საერთაშორისო დღეს ბათუმში მუნიციპალური ავტობუსით მგზავრობა ქალებისთვის უფასო იქნება. ამის შესახებ ინფორმაციას „ბათუმის ავტოტრანსპორტი“ ავრცელებს.
მუნიციპალური ავტობუსების მოძრაობა ბათუმში 1 თებერვლიდან აღდგა. კომენდანტის საათის გამო მუნიციპალური ავტობუსები დილის 07:00 საათიდან საღამოს 21:00 საათამდე მუშაობენ.
ქალთა საერთაშორისო დღეს მსოფლიოს მრავალ ქვეყანაში აღნიშნავენ. 8 მარტი ქალთა საერთაშორისო დღედ გაერომ 1975 წელს აღიარა.
