საქართველოს დიდ ქალაქებში საწვავის გაძვირებას აპროტესტებენ

© Sputnik / Alexander Imedashviliსაქართველოს დიდ ქალაქებში საწვავის გაძვირებას აპროტესტებენ
საქართველოს დიდ ქალაქებში საწვავის გაძვირებას აპროტესტებენ

 - Sputnik საქართველო, 1920, 28.02.2021
გამოწერა
მძღოლებმა რუსთავი-თბილისის ავტომაგისტრალის სავალი ნაწილი გადაკეტეს, ადგილზე საპატრულო პოლიციაა მობილიზებული

თბილისი, 28 თებერვალი - Sputnik. თბილისის, გორის, რუსთავის, ქუთაისის, ბათუმის და თელავის ქუჩებში ავტომობილების მფლობელებმა და ტაქსის მძღოლებმა საწვავის გაძვირება გააპროტესტეს.

მძღოლებმა გარკვეული დროით რუსთავი-თბილისის ავტომაგისტრალის სავალი ნაწილი გადაკეტეს. ადგილზე საპატრულო პოლიციაა მობილიზებული.

ქუთაისში ნამახვანჰესის მშენებლობის წინააღმდეგ საპროტესტო აქცია გაიმართა - ვიდეო - Sputnik საქართველო, 1920, 28.02.2021
ქუთაისში ნამახვანჰესის მშენებლობის წინააღმდეგ საპროტესტო აქცია გაიმართა - ვიდეო

მომიტინგეები ხელისუფლების წარმომდგენლებთან შეხვედრას მოითხოვენ. ავტომობილისტები აცხადებენ, რომ გაფრთხილებისა და გასულ კვირას გამართული საპროტესტო აქციის მიუხედავად, საწვავის ფასებმა არა თუ დაიკლო, პირიქით, უფრო მეტად მოიმატა.

ისინი პრემიერ-მინისტრ ირაკლი ღარიბაშვილთან შეხვედრას ითხოვენ.

„ერთი საათია ველოდებით პასუხს. ჩვენ თვითონ არ მოგვწონს გზის გადაკეტვა, მაგრამ ისინი მარტო თავებს ითვლიან, აქ არავინ არ მოდის“, - განაცხადა თბილისში აქციის ერთ-ერთმა მონაწილემ.

აქციის მონაწილეები აპირებენ აქციების გაგრძელებას მანამ, სანამ მთავრობა საწვავზე ფასების ზრდის საკითხს კონტროლზე არ აიყვანს.

საქართველოს საწვავის ბაზარზე დღეს 5 მსხვილი კომპანია ოპერირებს, რომლებსაც მთელ ქვეყანაში დაახლოებით 600 ავტოგასამართი სადგური ეკუთვნის. მათ გარდა, არის ასევე ათობით მცირე და საშუალო, ე.წ. არაბრენდირებული კომპანიები, რომლებსაც ჯამში ასევე 600-მდე ავტოგასამართი სადგური აქვთ.

ნავთობის იმპორტიორთა კავშირის ინფორმაციით, 28 თებერვლისთვის ბრენდირებული ავტოგასამართი სადგურების ქსელებში ერთი ლიტრი ბენზინის ფასია: პრემიუმის — 2,55-2,63 ლარი, რეგულარის — 2,37-2,42 ლარი, ევრო დიზელის - 2,53-2,63 ლარი.

21 თებერვლის შემდეგ საწვავის ფასებმა საშუალოდ 4 თეთრით მოიმატა.

ყველა ახალი ამბავი
0