თბილისი, 13 თებერვალი – Sputnik. ფოთში, ძლიერი შტორმის შედეგად კუნძულის უბნის სანაპირო დაიტბორა, იუწყება პირველი არხი.
13 თებერვალი 2021, 16:17
სინოპტიკოსების ინფორმაციით, ზღვის ღელვა 4-5 ბალს აღწევს.
როგორც ჰიდროგრაფიულ სამსახურში აცხადებენ, შტორმი დღის ბოლომდე ნელ-ნელა დაიკლებს.
„წუხელ შტორმი 4-5 ბალი დაფიქსირდა. დღეს ველოდებით ზღვის ღელვის დაკლებას და იგი დაახლოებით 3-4 ბალამდე შემცირდება“, – აცხადებენ, ჰიდროგრაფიული სამსახურის სინოპტიკურ სამმართველოში.
მიმდებარე ტერიტორიაზე მცხოვრებლები შიშობენ, რომ წყალი სახლებშიც შეაღწევს.
