ავიაკომპანია Qatar Airways საქართველოში რეგულარულ ფრენებს გაანახლებს

© AFP 2024 / ODD ANDERSENყატარის ავიახაზების თვითმფრინავი
ყატარის ავიახაზების თვითმფრინავი - Sputnik საქართველო, 1920, 11.02.2021
გამოწერა
საქართველომ კორონავირუსის პანდემიის გამო 2020 წლის მარტის შუა რიცხვებში სახმელეთო საზღვრები ჩაკეტა, მარტის ბოლოს კი ყველა მიმართულებით ავიამიმოსვლა შეაჩერა.

თბილისი, 11 თებერვალი – Sputnik. კატარის ავიაკომპანია Qatar Airways 15 თებერვლიდან დოჰა–თბილისი–დოჰას მიმართულებით ავიარეისებს ყოველდღიურად შეასრულებს, ნათქვამია სამოქალაქო ავიაციის სააგენტოს განცხადებაში. 

ავიაკომპანია Turkish Airlines - Sputnik საქართველო, 1920, 03.02.2021
ავიაკომპანია Turkish Airlines საქართველოში ფრენების სიხშირეს ზრდის

საქართველოს მთავრობამ 1 თებერვლიდან რეგულარული ავიამიმოსვლის ყველა მიმართულებით განახლების გადაწყვეტილება მიიღო. 

„მოქალაქეებს მოვუწოდებთ, მგზავრობის დაგეგმვის დროს სიფრთხილე გამოიჩინონ, ყურადღებით გაეცნონ კონკრეტული ქვეყნის მიერ დაწესებულ სასაზღვრო და სანიტარიულ რეგულაციებს, ავიაკომპანიების შეტყობინებებს, ოფიციალურ წყაროებზე განთავსებულ განცხადებებს და განრიგებს", – ნათქვამია განცხადებაში.

სამოქალაქო ავიაციის სააგენტომ ავიაკომპანია Qatar Airways-ს რეგულარული საჰაერო მიმოსვლის შესრულების ნებართვა 2021 წლის 3 თებერვალს მისცა. Qatar Airways საქართველოს საავიაციო ბაზარზე 2012 წელს შემოვიდა.

საქართველომ რეგულარული ფრენები 2020 წლის მარტის შუა რიცხვებიდან ყველა მიმართულებით შეწყვიტა. საქართველოდან და საქართველოს მიმართულებით სრულდებოდა მხოლოდ სპეცრეისები ქვეყნის მოქალაქეების სამშობლოში დასაბრუნებლად. ზაფხულში რეგულარული რეისების აღდგენა დაიწყო. მაგრამ ეპიდსიტუაციის გაუარესების გამო საავიაციო მიმოსვლის განახლება რამდენჯერმე გადაიდო.

 

ყველა ახალი ამბავი
0