ქობულეთის მუნიციპალიტეტში ცოფის კიდევ რამდენიმე შემთხვევა დაფიქსირდა

© photo: Sputnikმიუსაფარი ძაღლი
მიუსაფარი ძაღლი - Sputnik საქართველო, 1920, 08.02.2021
გამოწერა
НовостиTelegram
დაავადება ამჯერად ძაღლს გამოუვლინდა. ინფიცირების წყარო კი ისევ ტურაა, რომელმაც სოფლებში მოსიარულე მიუსაფარი ძაღლი დაკბინა.

თბილისი, 8 თებერვალი - Sputnik. სოფელ ჯიხანჯურის შემდეგ ქობულეთში ცოფის შემთხვევები კიდევ ორ სოფელში -ცხრაფონასა და წყავროკაში დაფიქსირდა, იუწყება პირველი არხი.

სოფელ ჯიხანჯურში ცოფის შემთხვევა რამდენიმე დღის წინ  დაფიქსირდა. ადგილობრივი მოსახლეობის ინფორმაციით, დაინფიცირებული ცხოველის კბენის შედეგად სამი ძროხა მოკვდა. ისინი ვარაუდობენ, რომ დაავადების გადამტანია სოფელში შეპარული ტურაა.

ძროხა - Sputnik საქართველო, 1920, 02.02.2021
ქობულეთში ცოფის შემთხვევა დაფიქსირდა: ერთ-ერთ სოფელში კარანტინი დაწესდა

დაავადება ცხრაფონასა და წყავროკაში ამჯერად ძაღლს გამოუვლინდა. ინფიცირების წყარო კი ისევ ტურაა, რომელმაც სოფლებში მოსიარულე მაწანწალა ძაღლი დაკბინა.

მომკვდარი ძაღლის შესახებ ადგილობრივებმა სურსათის ეროვნულ სააგენტოს აცნობეს. ცოფი ცხოველს შესაბამისი კვლევების შემდეგ დაუდასტურდა.

ქობულეთის მერიაში აცხადებენ, რომ ორივე სოფელში ორთვიანი კარანტინი დაწესდება.

შემთხვევის ადგილიდან 2-3 კილომეტრის რადიუსში აიცრება ყველა შინაური ცხოველი. კარანტინის პერიოდში იკრძალება შინაური ცხოველების გარეთ გაშვება, ასევე ხორცისა და რძის პროდუქტების რეალიზაცია.

„შესაბამისი აქტი გამოცემულია, კარანტინი არ გულისხმობს ადამიანების გადაადგილების შეზღუდვას, მინდა ვუთხრა მოსახლეობას, რომ პანიკის არანაირი საფუძველი არ არსებობს, სიტუაცია სრულიად კონტროლირებადია“, – აცხადებს ქობულეთის მერის მოადგილე დავით ვერულიძე.

ჰასვი - Sputnik საქართველო, 1920, 27.09.2020
საქართველოში შინაური ცხოველების ვაქცინაცია ცოფზე მიმდინარეობს

ცოფის ადამიანზე გადასვლის შემთხვევა ინფიცირების ზონებში არ დაფიქსირებულა.

საქართველოში ყოველწლიურად ცოფზე აცრა 35-დან 49 ათასამდე ადამიანს უკეთდება.

ცოფი - სიცოცხლისთვის საშიში ინფექციური დაავადებაა, რომელსაც ცოფის ვირუსი იწვევს. ცოფი გადადის ნერწყვით დაავადებული ცხოველის კბენის შედეგად. შემდეგ ვრცელდება ნერვული სისტემის გზით, აღწევს თავის ტვინის ქერქის ნერვულ უჯრედებს და იწვევს მძიმე დარღვევებს, რაც სიკვდილით სრულდება.

 

ყველა ახალი ამბავი
0