სკანდალური ქადაგება: დეკანოზს საეკლესიო სასჯელი დაუწესდა – რა გადაწყვიტა საპატრიარქომ

© Sputnik / Alexander Imedashviliსაქართველოს საპატრიარქო
საქართველოს საპატრიარქო - Sputnik საქართველო
გამოწერა
НовостиTelegram
დეკანოზის ქადაგებამ სოციალური ქსელი ააფეთქა – საქართველოს მოსახლეობა თავის პოსტებში თადეოზ სარალიძეს არა ღმერთის, არამედ ჯოჯოხეთის მსახურს უწოდებდა.

თბილისი, 29 იანვარი – Sputnik. დეკანოზ თადეოზ სარალიძეს საეკლესიო სასჯელად გარკვეული ვადით მონასტერში განწესება დაედო, ნათქვამია საქართველოს საპატრიარქოს საზოგადოებასთან ურთიერთობის სამსახურის მიერ გავრცელებულ ინფორმაციაში.

როგორც განცხადებაშია აღნიშნული, საპატრიარქომ ინფორმაცია საზოგადოებაში არსებული ინტერესიდან გამომდინარე გაავრცელა.

„საზოგადოებაში არსებული ინტერესიდან გამომდინარე, დამატებით გაცნობებთ, რომ ჭიათურისა და საჩხერის ეპარქიის მღვდელმსახურს, დეკანოზ თადეოზ სარალიძეს დაედო საეკლესიო სასჯელად (ეპიტიმია) მონასტერში განწესება გარკვეული ვადით“, – ნათქვამია განცხადებაში.

სკანდალი მღვდელმსახურის ირგვლივ მას შემდეგ აგორდა, რაც 24 იანვარს სოციალურ ქსელში დეკანოზის საკვირაო ქადაგების ვიდეო გავრცელდა. მასში ისმოდა ქსენოფობიური და „ქურდული სამყაროს“ იდეალიზაციის განცხადებები.

საქართველოს საპატრიარქო - Sputnik საქართველო
სკანდალური ქადაგება – დეკანოზი შენდობას ითხოვს

მაგრამ ყველაზე მტკივნეული საზოგადოებისთვის ქადაგების ის ნაწილი აღმოჩნდა, სადაც საუბარი იყო ბავშვებზე. დეკანოზის თქმით, „თუ ბავშვი პარაზიტია, მუდმივად ტელეფონში იყურება, არ ვარგა სპორტში, არ დადის ეკლესიაში, სჯობს, რომ პატარა ასაკშივე მოკვდეს და სამოთხეში მოხვდეს, ვიდრე დიდი ვირი გაიზარდოს და უმაქნისი იყოს“.

მოგვიანებით დეკანოზმა მრევლსა და საქართველოს პატრიარქს შენდობა სთხოვა ქადაგებისთვის, რომელმაც საზოგადოებაში დაბნეულობა და აღშფოთება გამოიწვია.

მძიმე შინაარსის ქადაგება კრიტიკულად შეაფასეს ქართველი თეოლოგებმა. მათი თქმით, ეს პირველი შემთხვევა არაა, როდესაც დეკანოზი სიძულვილის ენით ქადაგებს, და საპატრიარქო ეკლესიიდან მის განკვეთაზე უნდა დაფიქრდეს.

ყველა ახალი ამბავი
0