დაბალბიუჯეტიანი ავიაკომპანია Air Arabia საქართველოში ბრუნდება

© photo : courtesy of GCAA / FBავიაკომპანია Air Arabia–ს თვითმფრინავი
ავიაკომპანია Air Arabia–ს თვითმფრინავი - Sputnik საქართველო
გამოწერა
НовостиTelegram
რეგულარული საჰაერო მიმოსვლის ეტაპობრივი აღდგენის პროცესი საქართველოში 2020 წლის აგვისტოდან დაიწყო, თუმცა ეპიდვითარების გაუარესების გამო ძირითადად ისევ შეჩერდა.

თბილისი, 25 იანვარი - Sputnik. არაბთა გაერთიანებული საამიროების დაბალბიუჯეტიანი ავიაკომპანია Air Arabia საქართველოს მიმართულებით ფრენებს 30 იანვრიდან განაახლებს, ნათქვამია სამოქალაქო ავიაციის სააგენტოს მიერ გავრცელებულ განცხადებაში.

მოგზაურობის მოყვარულთათვის: Flydubai საქართველოში ფრენებს აღადგენს>>

სააგენტოს ცნობით, თებერვალში შარჯა-თბილისი-შარჯას საჰაერო ხაზზე ფრენები კვირაში ერთხელ, ყოველ შაბათს Airbus A320 ტიპის საჰაერო ხომალდით შესრულდება.

ფრენის განრიგი ასეთია:

  • შარჯა - თბილისი, ჩამოფრენა 14:20 (ადგილობრივი დრო);
    თბილისი - შარჯა, გაფრენა 15:10 (ადგილობრივი დრო).

სამოქალაქო ავიაციის სააგენტომ ავიაკომპანიას წარმოდგენილი განრიგით ოპერირების ნებართვა უკვე მიანიჭა.

ავიაკომპანია Air Arabia საქართველოს საავიაციო ბაზარზე 2014 წელს შემოვიდა.

ბოინგ 737 - Sputnik საქართველო
საქართველო 1 თებერვლიდან რეგულარული ფრენებს ყველა მიმართულებით აღადგენს

რამდენიმე დღის წინ ცნობილი გახდა, რომ საქართველო რეგულარულ ავიამიმოსვლას 1 თებერვლიდან განაახლებს.

საქართველომ ავიამიმოსვლა ყველა მიმართულებით გასული წლის მარტის შუა რიცხვებში შეწყვიტა, როდესაც ჯანმომ კორონავირუსის პანდემიის შესახებ გამოაცხადა. შეზღუდვები არ ეხებოდა მხოლოდ იმ სპეცრეისებს, რომლებიც ქვეყნის მოქალაქეების სამშობლოში დაბრუნებას ისახავდა მიზნად.

ზაფხულის შუა პერიოდში რეგულარული ფრენების აღდგენა დაიწყო, თუმცა ეპიდვითარების გაუარესების გამო უმეტესი მათგანი ისევ შეჩერდა. ბოლოს ავიამიმოსვლის აკრძალვის ვადა 2021 წლის 31 იანვრამდე გახანგრძლივდა. 

ყველა ახალი ამბავი
0