თბილისი, 15 იანვარი — Sputnik. საქართველოს პრეზიდენტი სალომე ზურაბიშვილი 20 იანვარს სამუშაო ვიზიტით ბრიუსელს ეწვევა, ნათქვამია სახელმწიფოს მეთაურის ადმინისტრაციის განცხადებაში.
20 დეკემბერი 2020, 18:10
ადმინისტრაციის მონაცემებით, ვიზიტის ფარგლებში პრეზიდენტს ევროკავშირისა და ნატოს ხელმძღვანელობასთან მაღალი დონის შეხვედრები აქვს დაგეგმილი.
საქართველომ უკვე განაცხადა, რომ 2024 წელს ევროკავშირის წევრობის მიღების მიზნით განაცხადის შეტანას გეგმავს, და პრეზიდენტის ვიზიტის პროგრამის დიდი ნაწილი ევროკავშირისა და ევროკომისიის წარმომადგენლებთან შეხვედრებს დაეთმობა.
საქართველოს პრეზიდენტი ევროპის საბჭოს პრეზიდენტ შარლ მიშელს და ევროკომისიისა და ევროპარლამენტის წარმომადგენლებს შეხვდება.
აგრეთვე დაგეგმილია ზურაბიშვილის შეხვედრა ნატოს გენერალურ მდივანთან იენს სტოლტენბერგთან.
