ევროკავშირის სადამკვირვებლო მისიის მანდატი საქართველოში კიდევ ორი წლით გახანგრძლივდა

© Sputnik / Alexander Imedashviliევროკავშირის სადამკვირვებლო მისია (EUMM)
ევროკავშირის სადამკვირვებლო მისია (EUMM) - Sputnik საქართველო
გამოწერა
გადაწყვეტილება მიღებულია ევროკავშირის პოლიტიკურ საკითხთა და უსაფრთხოების კომიტეტის მიერ მისიის საქმიანობის სტრატეგიული მიმოხილვის შემდეგ

თბილისი, 20 დეკემბერი — Sputnik. ევროკავშირის სადამკვირვებლო მისიის (EUMM) უფლებამოსილება საქართველოში ორი წლით გახანგრძლივდა - 2022 წლის 14 დეკემბრამდე, ნათქვამია საგარეო პოლიტიკური საქმიანობის ევროპული სამსახურის ვებგვერდზე გავრცელებულ განცხადებაში.

EUMM - მშვიდობიანი სამოქალაქო სადამკვირვებლო მისიაა, რომელიც კონფლიქტის ზონაში სიტუაციის სტაბილიზაციის პროცესების მხარდაჭერას ახორციელებს. ევროკავშირის სამოქალაქო მისია საქართველოში 2008 წლის სექტემბერში, ევროკავშირის შუამავლობით რუსეთსა და საქართველოს მიერ ხელმოწერილი ექვსპუნქტიანი შეთანხმების გაფორმების შემდეგ ამოქმედდა.

შეხვედრა ერგნეთში - Sputnik საქართველო
პირველად 11 თვის შემდეგ: რა განიხილეს ერგნეთის შეხვედრაზე

ევროკავშირის საბჭომ შესაბამისი გადაწყვეტილება 3 დეკემბერს მიიღო და მისიას 44,8 მილიონი ევრო გამოუყო. გადაწყვეტილება მიღებულია ევროკავშირის პოლიტიკურ საკითხთა და უსაფრთხოების კომიტეტის მიერ მისიის საქმიანობის სტრატეგიული მიმოხილვის შემდეგ.

2020 წლის მარტიდან მისიას საქართველოში მარეკ შიგელი ხელმძღვანელობს.

EUMM საქართველოში 2008 წლის ოქტომბრიდან მუშაობს. მისიაში ევროკავშირის 28 მონაწილე ქვეყანა თანამშრომლობს.

მისია ხელს უწყობს დაძაბულობის შემცირებას მხარეებს შორის კონტაქტების ორგანიზების გზით და ნდობის აღსადგენად განხორციელებული სხვა ღონისძიებების მეშვეობით.

ყველა ახალი ამბავი
0